Blloku Bota

Mediat serbe raportojnë për një aksion masiv policor në Beograd gjatë të cilit janë arrestuar 17 persona që thuhet se janë pjesë e klanit “Vraçar”, pjesë e një grupimi të krijuar nga Radoje Zvicer.

Operacioni ka qenë një koordinim mes Ministrisë së Punëve të Brendshme – Agjenicsë së Sigurisë së Informacionit – dhe zyrës së Prokurorit për Krimin e Organizuar.

Gazeta greke “Kathimerini” i ka marrë një intervistë admiralit turk në pension, Cihat Yayci, i konsideruar si një ndër përpiluesit e doktrinës “Atdheu Blu”. Doktrinë kjo që në Greqi konsiderohet si revizioniste, madje ekspansioniste për ndarjen e hapësirës detare në Egje. Më poshtë një pjesë e intervistës në shqip me titull nga ResPublica:

Intervistoi: Athanasios Katsikidis

Kërkimet e Greqisë për gaz në detin e vet territorial kanë sjellë në vëmendje dobinë dhe vlerën e strukturës aktuale të funksionimit të sistemit industrial mbi hidrokarburet. Pas njoftimit të Athinës zyrtare se do të nisë kërkimet në perëndim të Peleoponezit dhe Kretës, grupimi ndërkombëtar World Wide Fund, ka reaguar duke vënë në dukje se varësia e krijuar nga hidrokarburet prodhon edhe kostot e tanishme të energjisë.

Autoritetet egjiptiane kanë ndërhyrë në rrugë mjekësore për të mbajtur në jetë një aktivist që ndohet në burg, i cili është futur në grevë urie. 

Alaa Abd El-Fatah është në grevë urie që në muajin prill dhe ditën e diel ndërpreu edhe ujin.

Aktivisti në fjalë është autor librash, bloger dhe zhvillues softesh dhe është arrestuar disa herë për nxitje protestash. Rasti i tij ka ardhur në vëmendje politike ndërkombëtare. 

Meta, poseduese e Facebook ka njoftuar se do të pushojë nga puna 11 mijë njerëz, që përbën 13% të forcës së vet punëtore. Sipas kreut administrativ, Mark Zuckerberg, vendimi ndikon në laboratorët e kërkimit që kanë të bëjnë me aplikacionet dhe Instagramin.

E di që kjo është e vështirë për të gjithë dhe më vjen veçanërisht keq për ata që preken

ka thënë Zuckerberg.

Qeveria shqiptare ka vendosur dërgimin e një kontigjenti prej 30 vetësh në misionin e NATO-s në Bullgari, në kuadër të operacionit të vigjilencës së përforcuar.

Një analizë e kryer nga WZB, Qendra e Berlinit për Shkencat Sociale konfirmon perceptimin se institucionet e Bashkimit Europian, veçanërisht KE-ja, janë tërësisht të pakuptueshme nga publiku. 45 mijë deklarata për shtyp kanë kaluar nën analizë për të dalë në përfundimin se të kuptosh atë që do të thotë Komisioni, është më e vështirë se të kuptosh deklaratat e çdo qeverie.

Me 105 vota pro, 52 kundër dhe 15 abstenime Rusia ka kaluar në Komitetin e Tretë të Asamblesë së Përgjithshme të OKB-së një draft rezolutë kundër “Glorifikimit të nazizmit, neonazizmit dhe praktikave të tjera që kontribuojnë në ushqimin e formave bashkëkohore të racizmit, diskriminimit racor, ksenofobisë dhe intolerancës që lidhet me të”. 

Drafti detyron Asamblenë të shprehet për glorifikimin e nazizmit, neonazizmit dhe ish-anëtarët e WAffen SS, përfshirë ngritjen e monumenteve dhe mbajtjen e demonstrimeve publike që glorifikojnë të shkuarën naziste. 

Skandali i pëgjimeve në Greqi është përshkallëzuar drejt një prag krize të madhe politike. Media greke “Documento” raporton se nën përgjim duket të kenë qenë 33 persona, telefoni i të cilëve është prekur nga malware “Predator”. Në listën e personave që janë prekur hyjnë ministri I Financave, i Jashtëm, dy ish-ministra të Mbrojtjes Civile, ministri i Zhvillimit, ministri i Punës dhe i Turizmit, krahas bashkëshorteve të tyre. 

Ky raportim është dërrmues në narrativë por pa asnjë evidencë

Historiani me origjinë ruse në Qendrën “Henry Kissinger” për Çështjet Globale, Sergey Radchenko, shprehet në një intervistë për greken “Kathimerini” se dy janë çështjet kryesore në Ukrainë: shmangia e përshkallëzimit dhe shmangia e rënies finale të Rusisë që mund të çonte në një luftë civile të brendshme në një vend me 6000 koka bërthamore arsenal.