Blloku Bota

Taivani ka raportuar në 24 orët e fundit për atë që e ka cilësuar si “inkursioni i dytë më i madh ajror i Kinës për këtë vit”, në zonën e vet ajrore. 

18 avionë, përfshirë gjuajtës dhe bombardues hynë në hapësirën ajrore të Taivanit që vuri në gatishmëri sistemet e veta ajrore. 

Autoritetet kineze nuk kanë pranuar të komentojnë për incidentin në fjalë ndërkohë që më herët kanë argumentuar se ndërhyrjet në atë që e quajnë territorin e vet lidhen me marrëdhëniet e Taipeit me vende të huaja. 

Disa dokumente të publikuara së fundmi nga Instituti Leibniz për Historinë Bashkëkohore konfirmojnë pretendimin e Kremlinit se unifikimi i Gjermanisë u rakordua me premtimin për moszgjerimin e NATOS në Lindje. 

Disa letra, memo dhe bisedime të tjera të zbardhura nga arkivi i Ministrisë së Jashtme të Gjermanisë Federale, hedhin dritë mbi faktin se dyshja kryesore politike gjermanoperëndimore, Helmut Kohl dhe Hans Dietrich Genscher jo vetëm premtoi një gjë të tillë me Mikhail Gorbachev, por e ndante atë si vizion të vetin për sigurinë e Europës. 

Drama e Ukrainës është plotësuar sot formalisht teksa agjencia ruse e lajmeve, “Tass” raporton se republikat e Donetskut dhe Luganskut kanë caktuar ambasadorët e tyre në Moskë.

Rodion Valeryevich Miroshnik do të jetë ambasadori i Jashtëzakonshëm dhe Fuqiplotë i Republikës Popullore të Luganskut në Federatën Ruse

citon “Tass” dekretin e presidentit Leonid Paschenik.

Më herët, Donetsku ka bërë të njëjtën gjë, duke caktuar Olga Makeeva në detyrën e ambasadores në Moskë.

Në disa media të huaja po qarkullon lajmi se një tjetër anije e rëndësishme e flotës ushtarake ruse, fregata "Admiral Makarov" është goditur dhe mbytur. Sipas burimeve në fjalë, thuhet se anija është goditur nga një raketë "Neptune".  Lajmi ka rëndësi edhe në aspektin strikt ushtarak, pasi fregata është komisionuar vonë dhe është hedhur në lundrim në vitin 2017 për t’u cilësuar si anija më moderne në klasin e vet.

Presidenti i Kroacisë, Zoran Milanoviç, ka bërë thirrje për të ndalur anëtarësimin në NATO të Suedisë dhe Finlandës në Samitin e Madridit.

Do të vija veton nëse në samit do të përfaqësoheshin krerët e shteteve

ka thënë ai.

Presidenti i Serbisë, Aleksander Vuçiç, e ka cilësuar takimin informal me kryeministrin e Kosovës, Albin Kurti, nën ndërmjetësinë e Përfaqësuesit Special të BE-së për diloagun, Miroslav Lajçak, si shumë të vështirë.

Pozicioni ynë është i vështirë, tmerrësisht i komplikuar. Deklarimet e presidentit Putin e bënë edhe më të ndërlikuar…

ka thënë ai.

Profesori i universitetit të Columbia në SHBA, Jeffrey Sachs, ka apeluar përmes një interviste në gazetën greke “Kathimerini” nisjen e negociatave mes SHBA dhe Rusisë për t’i dhënë fund luftës në Ukrainë. 

Nëse negociatat janë të pamundura, ne këtë do ta kuptojmë më vonë. Kjo do të ishte sigurisht tragjike. Por dështimi i SHBA për t’u përpjekur të neogciojë është një gabim i tmerrshëm dhe është një keqpërdorim i shëmtuar i Ukrainës për përfitime të politikës së jashtme amerikane

Kreu i shërbimeve sekrete ushtarake ukrainase, Kyrylo Budanov ka deklaruar se presidenti rus, Vladimir Putin do të shpallë luftë ndaj Ukrainës më 9 maj, ditën e fitores mbi fashizmin. 
Deri më sot, Rusia e cilëson ndërhyrjen në Ukrainë si ‘operacion special’ por sipas palës ukrainase kjo do të ndryshojë së shpejti. 

Paralajmërimi është hedhur poshtë nga Kremlini që vijon t’i përmbahet qëndrimit se operacioni do të përmbushë objektivat e vet. 

Presidenti polak Andrzej Duda ka deklaruar në një intervistë për gazetën amerikane, Wall Street Journal, se Perëndimi duhet të vazhdojë të furnizojë me armë Ukrainë. 

Nëse ne duam të arrijmë ndonjë sukses në marrëdhëniet tona me Rusinë, në këtë situatë kur Rusia pushtoi Ukrainën, ne mundet të kemi sukses vetëm nësër përdorim forcë brutale, për shkak se vetëm forca brutale, pushteti i forcës është i aftë të ndalojë Rusinë

Lufta e Ukrainës ka nxjerrë në pah, ndoshta për herë të parë në këtë nivel, edhe elementin më modern të infrastrukturës së sotme, Internetin. Media të ndryshme shkruajnë dhe raportojë se përveç përballjes në terren, me metoda dhe mjete konvencionale, është duke u zhvilluar një luftë tjetër, implikimet e së cilës për të ardhmen ende nuk mund të parashikohen.