Blloku Bota

Bashkimi Europian nuk do të vendosë embargo të përgjithshme ndaj naftës ruse për shkak se brenda bllokut ka kundërshtime. Të paktën këtë raporton agjencia ruse e lajmeve “Tass”, sipas së cilës një lajm të tillë e ka përcjellë Përfaqësuesi i Lartë i  BE-së për çështjet me Jashtë dhe Politikën e Sigurisë, Josep Borrell. 

Do të jetë shumë e vështirë të arrihet konsensus ndaj dërgesave ruse të naftës apo rritjen e tarifave, për shkak se disa vende anëtare kanë njoftuar tashmë se do të vënë veton ndaj një vendimi të tillë

Shtëpia e Bardhë ka njoftuar për një takim të afërt mes Presidentit amerikan, Joe Biden dhe kryeministrit grek, Kyriakos Mitsotakis. Zëdhënësja Jen Psaki deklaroi se takimi do të zhvillohet më 16 maj të këtij viti. 

Liderët do të diskutojnë përpjekjet e vazhdueshme me aleatët dhe partnerët për mbështetjen e popullit të Ukrainës…Ata do të diskutojnë bashkëpunimin e ngushtë mbi sfidat globale, përfshirë ndryshimin e klimës dhe sigurinë energjetike

Presidenti i Rusisë Vladimir Putin, ka folur për një çlirim të Mariupolit. Në një takim me ministrin e Mbrojtjes, Sergey Shoigu, Putin ka kërkuar që operacioni ushtarak mbi kompleksin industrial “Azovstal” të ndërpritet. Sipas agjencisë së lajmeve “Tass”, Putin ka kërkuar që impianti të rrethohet dhe të mos lejohet që asgjë të  mos dalë jashtë.

Një ndër çështjet më befasuese të fushatës ruse në Ukrainës është dështimi evident i ushtrisë së Rusisë në përmbushjen e synimeve strategjike, manovrën dhe mbështetjen logjistike. Fakti i fundit i ndryshimit të drejtimit të sulmit kryesor, nga Kievi në Donbas, pas javësh dislokimi, provon se Kremlini nisi një invasion të papërgatitur, ose më saktë të përgatitur vetëm me arrogancë.

Historiani britanik, Antony Beevor, shprehet në një intervistë për “Spiegel” se Putin dhe shtabi i tij, çuditërisht injoruan edhe mësimet bazike të përvojës së ushtrisë sovjetike. 

Ministri i Mbrojtjes i Turqisë, Hulusi Akar shprehet se organizatat kurde, PKK dhe YPG janë drejt kolapsit. Gjatë një konference mbajtur në provincën e Bursës, Akar tha se vetë drejtues të të fyja organizatave po pranojnë shpërbërjen, sipas tij pas gjurmimit të bisedave të kryera së fundmi.

Turqia ka kryer këto kohë operacionin ushtarak “Claw Lock” në kuadër të të cilit janë realizuar sulme ajrore dhe me artileri në veri të Irakut.

Presidenti i Rusisë, Vladimiri Putin ka deklaruar si të ardhura të 114 mijë euro për vitin 2021, një apartament në Moskë prej 77 m2, dy autovetura të prodhimit rus, një Vollga dhe një Niva si dhe një kamper. Kryeministri Mikhail Mishustin ia kalon pak më mirë, me një të ardhur të deklaruar prej 18.3 milionë rublash që bëjnë 204 mijë euro. 

Marrëdhëniet mes Rusisë dhe Malit të Zi kanë mbërritur në pikën më të ulët teksa palët po sqarojnë aktualisht nëse do të duhet të vazhdojnë apo jo të kenë raporte diplomatike. Shkak është bërë sipas Kremlinit, një mesazh në Tuiter i ministrit të Jashtëm malazez, Djordje Raduloviç që shprehej për nevojën e ndërprerjes së marrëdhënieve. Në këtë kuadër, ambasada ruse në Podgoricë ka nisur një notë në Ministrinë e Jashtme të Malit të Zi për të kërkuar sqarime rreth mesazhit të ministrit.

Ne dërguam notën për të marrë sqarime të qenësishme

Presidenti ukrainas, Volodymyr Zekenskiy ka deklaruar pak më parë se Rusia ka nisur ofensivën e paralajmëruar në Donbas. 

Ne mund të konfirmojmë se trupat ruse kanë nisur betejën për Donbasin, të cilën ata e kanë përgatitur për një kohë të gjatë. Një pjesë e madhe e ushtrisë ruse i është dedikuar tani kësaj ofensive

citojnë mediat Zelenskiyn.

Mediat rajonale raportojnë për arrestimin e ish-kryetares së Gjykatës së Lartë të Malit të Zi, Vesna Medenica, e cila është ndaluar në aeroportin Golubovci. B92 referon “Vijesti” sipas të cilës Medenica është ndaluar për dy akuza: krijim I organizatës kriminale dhe abuzim me detyrën zyrtare.

Prej 24 shkurtit, ditë kur Rusia nisi në Ukrainë atë që e quan operacion special, Perëndimi i është kundërpërgjigjur duke furnizuar me armë Kievin dhe duke vendosur sanksione mbi ekonominë ruse.

SHBA-të nga njëra anë dhe Europa nga ana tjetër kanë unifikuar qëndrimin përballë Rusisë, lidhur me atë që e cilësojnë agresion ushtarak në Ukrainë.