Blloku Bota

Autoritetet ruse kanë referuar për mediat e Rusisë se veprimet në terren nga ana e ushtrisë ukrainase janë drejtuar nga oficerë britanikë në rezervë. Sipas përfaqësuesve rusë, oficerët britanikë kanë qenë në postkomandat më kritike, në drejtimet operacione kryesore, duke bërë korrigjime të veprimeve të komandës ukrainase.

Nga fundi i prillit në 6 maj, këta oficerë lëviznin vazhdimisht nga një komandë në tjetrën në Zaporizhia, që është jo larg nga linja e front në Zagradovka

Kosova ka aplikuar për anëtarësimin në Këshillin e Europës. Mediat serbe citojnë presidentin Aleksandër Vuçiç sipas të cilit kërkesa është dorëzuar nga ministrja e Jashtme, Donika Gërvalla.

Vuçiç tha se Prishtina shkeli një tjetër marrëveshje – Marrëveshjen e Uashingtonit

shkruan B92.

Presidenti i Finlandës, Sauli Niinistö dhe kryeministrja Sanna Marin kanë njoftuar dje se vendi i tyre do të aplikojë për anëtarësimin në Aleancën e Atlantikut të Veriut.

Finlanda duhet të aplikojë për anëtarësim pa vonesë

thuhet në deklaratën e përbashkët të dy përfaqësuesve të lartë.

Pa asnjë diskutim, ky është një dështim strategjik kolosal për Kremlinin dhe drejtuesin rus Vladimir Putin. I pyetur për këtë çështje, presidenti finlandez ka deklaruar qartë se:

Pronari i ri i rrjetit social, Twitter, Elon Musk, ka deklaruar se do të heqë bllokimin e llogarisë së ish-presidentit Donald Trump.

Do ta prapësoj bllokimin. Kjo nuk është ajo që duhet të ndodhte. Nuk mendoj se ishte korrekte bllokimi i Donald Trump, mendoj se ishte një gabim sepse alienoi një pjesë të madhe të vendit dhe nuk është se i hoqi të drejtën e fjalës Trump

ka thënë Musk.

Ministri i Jashtëm i Greqisë, Nikos Dendias, ka mbrojtur në Parlament Marrëveshjen e Bashkëpunimit në Mbrojtjen e Përbashkët me ShBA duke sqaruar se Athina zyrtare kërkon prezencën e trupave amerikane. 

Nuk po i bëjmë ShBA ndonjë favor. Ne jemi bujarë drejt interesave të vendit. Ne donim 5 vjet dhe nuk e fsheh që qeveria donte edhe 10. Ne duam praninë ushtarake…Ne donim dhe ende duam një prani amerikane në Thrakë, ne duam prani amerikane në Alexandroupoli

Media të ndryshme po spekullojnë se shefi i shtabeve të Bashkuara të ushtrisë ruse, gjenerali Valery Gerasimov, është plagosur.

Lajmi në fakt u qarkullua edhe një javë më parë dhe lidhej me një vizitë të Gerasimov në Ukrainë, në rajonin Izyum, ku thuhet se do të merrte në dorë drejtimin operativ dhe taktik të veprimeve të ushtrisë.

Një gjykatë apeli në Francë e ka lënë në burg ish-kryeministrin François Fillon që akuzohet për shpërdorim fondesh çka solli edhe largimin e tij nga gara presidenciale e vitit 2017. Në vitin 2020, një gjykatë e shkallës së parë e dënoi Fillon me pesë vjet burg, ndërsa sot gjykata e shkurtoi vendimin në katër vjet, nga të cilët tre të anulluar.

Pas episodit në televizionin rus ku u ilustrua grafikisht minutazhi i një sulmi bërthamor rus drejt Europës, një tjetër deklarim gjysmë zyrtar bën me dije se skenari në fjalë është realist nëse Perëndimi do të lërë Kremlinin pa asnjë mjet tjetër. Dmitry Rogozin, kreu i Agjencisë Ruse të Hapësirës, Roscomsos, njëkohësisht zv.kryeministër, ka deklaruar se Rusia mund të shkatërrojë vendet e NATO-s në një gjysmë ore.

Rusia ka zhvilluar sot paradën e vet tradicionale me rastin e fitores mbi fashizmin. Në fjalën e tij, presidenti rus, Vladimir Putin, i është përmbajtur tezës së njohur të Rusisë që nuk bën kompromis me disa vlera bazë siç janë dashuria për atdheun, besimin dhe zakonet.

Ne nuk do të heqim dorë kurrë nga dashuria për vendin tonë, nga besimi, vlerat tradicionale, zakonet tona dhe respekti për popujt dhe kulturat e tjera. Sa për Perëndimin, duket se është i vendorur të fshijë këto vlera mijëra vjeçare.

Paneli Ndërkombëtar i Ekspertëve mbi Sistemet e Ushqimit të Qëndrueshëm kanë publikuar një raport sipas të cilit theksohet se kriza aktuale e ushqimit, provokuar nga lufta në Ukrainë, mund të ishte shmangur. Teksa vënë në dukje përpjekjen e Gjermanisë për të krijuar një grupim të ri – G7 për të udhëhequr një aleancë për sigurinë ushqimore – ekspertët vënë në dukje se defektet në sistemin sistemit botëror të furnizimit me ushqim, nuk janë rregulluar, ndonëse ato dolën në pah me krizën e ç