Blloku Bota

Kryeministri i Bullgarisë Kiril Petkov dhe ai grek, Kyriakos Mitsotakis, kanë inauguruar gazsjellësin Greqi-Bullgari në qytetin e Komotinit. Ata kanë hapur simbolikisht një valvul, gjest të cilin Mitsotakis e ka cilësuar si akt të krijimit të një ure mes veriut dhe jugut, Athinës dhe Sofjes.

Ish-kryeministri më jetëgjatë i Japonisë, Shinzo Abe  është qëlluar gjatë një fjalimi elektoral dhe më pas ka gjetur vdekjen në spital. Vraësi, Yamagami Tetsuya, 41 vjeçar, ish-pjesëtar i forcave të marinës, ka deklaruar se ishte i pakënaqur me Aben.

Pasi ka shtirë dy herë, Yamagami ka hedhur armën në tokë dhe ka qëndruar pa lëvizur. Për nga dinamika e ngjarjes, duket se autori ka qenë aty me synimin e qartë të vrasjes të cilën e shpjegon vetëm ai.

Ish-drejtori i CIA-s, Leon Panetta, ka përcjellë në një intervistë për “Kathimerini” ato që i quan tre opsione për uljen e tensioneve në Ukrainë. Ai e ka ndarë luftën në tri etapa: e para dështimi i pushtimit rrufe nga Rusia, e dyta lufta e rrethimit dhe tani së fundmi, lufta e llogores.

Versioni i parë, mund të vazhdojë për një kohë të gjatë, jo muaj, por ndoshta vite me këtë ecejaken konstante.

Kreu i Komitetit Amerikan Hebraik, David Harris, e ka cilësuar si aventuriere politikën e jashtme të Turqisë, për të cilën ajo do paguajë kosto.

Festa amerikane e Pavarësisë është përgjakur kësaj radhe nga një episod i rëndë i ndodhur në një zonë periferike të pasur të Çikagos, Highland Park. Gjashtë të vdekur dhe 24 të plagosur, ky është bilanci i ngjarjes që dyshohet se është shkaktuar nga një person i moshës 18-20 vjeç. 

Personi ka kryer qitje nga një çati vetëm pak ditë nga ngjarja e 24 majit në Texas ku mbetën të vrarë 19 nxënës dhe dy mësues. 

“Reuters” raporton për një video celulari prej nga ku dëgjohen 30 të shtëna, pauzë, mandej 30 të shtëna të tjera. 

Pas dështimit të vendit për të marrë kandidaturën për anëtarësim në BE, protestues në Gjerogji kanë dalë në rrugë dhe kanë detyruar kryeministrin, Irakli Garibashvili, që të takohet me ta. Në protestat, të cilave u është bërë jehonë nga media në Perëndim, është kërkuar edhe largimi i qeverisë, e cila bëhet përgjegjëse për dështimin.

Ne duam të protestojmë ndaj Europës se kemi vullnetin për të mbetur konstruktivë deri në fund dhe të tregojmë kultuën europiane në veprim, ndonëse jemi të shumë të zhgënjyer me autoritetet

Media të ndryshme po i bëjnë jehonë inaugurimit në Bangladesh të urës mbi lumin Padma, e cila ka kushtuar 3.87 miliardë dollarë, 6.15 km e gjattë, projekti më i madh i financuar ndonjëherë nga qeveria e këtij vendi. 

Nobelisti indian i ekonomisë, Amartya Sen, ka deklaruar se kriza më e madhe me të cilën përballet sot India, është kolapsi i shtetit. Ai i ka bërë këto komente gjatë një fjale të mbajtur me rastin e inaugurimit të Qendrës kërkimore që mban emrin e tij, në të cilat ka theksuar se “urrejtja është një art i vërtetë, të cilin e kanë kultivuar ata që kanë një interes dhe në një shkallë të jashtëzakonshme”.

Rusia ka njoftuar realizimin e operacionit për çlirimin e Republikës Popullore të Luganskut. Me këtë emër e raportuar ministri i Mbrojtjes, Sergey Shoigu, pastrimin e një pjese të territorit të Ukrainës.

Më 3 korrik 2022, Ministria Ruse e Mbrojtjes, Gjeneral Armate Sergey Shoigu raportoi te komandanti suprem i Forcave të Armatosura Ruse Vladimir Putin, mbi çlirimin e Republikës Popullore të Luganskut

njofton ministria ruse.

Zv. Ambasadori rus në OKB, Dmitry Polyansky ka deklaruar se përpjekja e Ukrainës për të përjashtuar Rusinë nga Këshilli i Sigurimit të Organizatës së Kombeve të Bashkuara, është e kotë.