Blloku Bota

Presidenti maqedonas, Stevo Pendarovksi e ka cilësuar Ballkanin Perëndimor si pika e dobët e arkitekturës europiane të sigurisë. Duke folur në Forumin Ekonomik Botëror, Pendarovksi ka folur për një rrezik nga Rusia duke bërë thirrje që SHBA t’i kushtojë më shumë rëndësi rajonit.

Presidenti turk, Recep Tayyip Erdogan, ka deklaruar se Suedia dhe Finlanda duhet të dorëzojë 130 shtetas turq të cilët ai i quan terroristë, nëse duan që të hyjnë në NATO.

Së pari dhe mbi të gjitha, ata duhet të ekstradojnë rreth 130 terroristë në mënyrë që kërkesa e tyre të kalojë në Parlamentin tonë; për fat të keq ata nuk e kanë bërë këtë gjë ende

është shprehur Erdogan në një takim me të rinj.

Është arrestuar sot në Palermo Matteo Messina di Denaro, kapomafia i Castelvetranos në Trapani të Siçilisë. Ndalimi i tij është një epilog i sagës së korleonezëve, apo mafies së vjetër siçiliane në periudhën e gangsterizimit të saj dhe përmbysjes së dominimit të Cosa Nostras nga palermitanët. Di Denaro ishte në kërkim prej 30 vjetësh një rekord më vete ky që nuk kalon megjithatë atë të Bernardo Provenzanos, njeriut të dytë më të rëndësishëm të klanit të korleonezëve të drejtuar nga Salvatore Riina.

Parizienët, apo parizianët janë shumë të ndarë së fundmi nëse e-scooter duhen lejuar të jepen me qira më apo jo. Për këtë aryse është menduar që ata të thirren në votim për këtë çështje që ka ardhur në vëmendje për shkak të shkeljeve që konsumojnë drejtuesit e tyre. Mbrojtësit e tyre thonë se ato janë një alternativë më e mirë ndaj makinave që ndotin dhe transportit public, përherë mbushur me njerëz.

 Gazeta zvicerane “Neue Zürcher Zeitung” raporton mbi atë që quhet propozimi “Chollet” për Kosovën dhe Serbinë, lidhur me vizitën e këshilltarit amerikan në rajon kohët e fundit. Ky konsiderohet niveli më i lartë i presionit ndaj të dy vendeve që janë përfshirë në një proces dialogu që vazhdon prej vitesh. E ashtuquajtura formula “Chollet” konsiston në:

Aktivistë të mjedisit janë përleshur me policinë në fshatin e Lützerath në Gjermani pas vendimit për të hapur një minierë qymyri. Në protestë ka marrë pjesë edhe aktivistja e promovuar globalisht, Greta Thunberg, ndërkohë që pamjet e shpërndara në mediat sociale ilustrojnë një situatë komike teksa policët ngecin në llucë.

Ministrja gjermane e Mbrojtjes, Christine Lambrecht pritet të japë dorëheqjen që këtë javë që vjen, si pasojë e goditjeve në kredibilitetin e saj publik. Lajmi është qarkulluar nga "Blid" dhe referohet në media të tjera ndërkohë që autoritetet gjermane nuk e kanë përgënjeshtruar atë.

Sekretari amerikan i Shtetit, Anony Blinken do të realizojë në mes të muajit shkurt një vizitë në disa vende të rajonit tonë. Ai do të marrë pjesë në konferencën 3+1 të dialogut strategjik Greqi-Izrael-Qipro, mandej do të udhëtojë drejt Izraelit dhe Turqisë.

Lajmi raportohet nga mediat greke që vënë në dukje se vizita ka rëndësi strategjike për shkak të destinacioneve të zgjedhura për t’u vizituar.

Ligjvënësit demokratë në SHBA i kanë kërkuar presidentit Joe Biden të revokojë vizën për ish-presidentin Brazilian, Jair Bolsonaro, nën arsyetimin se ai është i përfshirë në protestat e fundit kundër qeverisë dhe presidentit të ri.

Ne nuk duhet të lejojmë z. Bolsonaro dhe ndonjë tjetër ish-zyrtar të Brazilit që të strehohet në SHBA për t’i ikur drejtësisë për çdo krim që mund të kenë kryer kur kanë qenë në detyrë

Shërbimet amerikane të sigurisë kanë raportuar 510 raste të reja të konstatimit të dukurive të paidentifikuara ajrore në zona të mbrojtura apo objekte me rëndësi që nga muaji gusht i vitit të shkuar.

Nga këto sipas një raporti të dërguar Kongresit amerikan, 340 janë identifikuar si objekte ajrore në përdorim konvencional, droën, balona etj., ndërokohë që mbeten 171 vëzhgime që kërkojnë hetim të mëtejshëm dhe kanë demonstruar karakteristika të pazakonshme fluturimi.