Blloku Bota

Zëdhënësi i Kremlinit, Dmitry Peskov ka deklaruar se asnjë plan paqeje nuk mund të quhet i tillë nëse nuk konsideron hapësirën e re territoriale të Rusisë.

Pikë së pari nuk ka deri më tani një plan paqeje në Ukrainë dhe sërish “plani ukrainas i paqes” nëse nuk merr parasysh realitetin e ri më territorin e Rusisë me katër rajonet e reja që i janë bashkuar asaj. Çdo plan që nuk merr parasysh këto rrethana nuk mund të quhet plan paqeje

Mediat në Serbi raportojnë se është arritur një marrëveshje për lirimin e Dejan Pantiç, policit të arrestuar më 10 dhjetor. Ai do të presë gjykimin në arrest shtëpie. Lajmin e ka përcjellë presidenti serb, Aleksandër Vuçiç, që ka shtuar se ka qenë në kontakt me ndërmjetësit amerikanë dhe europianë.

Beogradi ka menduar ta trajtojë situatën e krijuar në Kosovë në një frymë tradicionale që e sheh unitetin në sintoni me simbolet fetare. Presidenti i Serbisë, Aleksandër Vuçic, ka zhvilluar një takim me Patrirakun e Kishës Serbe, Porfirije, të cilit iu ndalua hyrja në Kosovë me rastin e Krishtlindjeve. Vuçiç ka sqaruar se "i ka prezantuar patriarkut situatën nga disa kënde”, diçka që nuk ka shumë lidhje me një klerik, cilidoqoftë rangu i tij.

Autoritetet ruse kanë nisur së fundmi procesin e rindërtimit të objekteve publike dhe private në Mariupol, qyteti port i Ukrainës që u bë i njohur për intensitetin e luftimeve. Me 300 civilë të vdekur në mes të luftimeve, qyteti ishte një ndër skenat kryesore të përballjes së nisur pas 24 shkurtit 2022 dhe konsiderohet një ndër simbolet e rezistencës.

Pamjet flasin për nivelin e shkatërrimit dhe ilustrojnë realitetin tragjik të shndërrimit të një operacioni ushtarak në luftë konvencionale në shkallë të gjerë, por edhe faktin se mbi territoret e marra Rusia nuk negocion më asgjë. 

Në një opinion të shkruar për “Politico”, Andrew A. Michta i Qendrës Europiane Marshall, e cilëson luftën atuale në Ukrainë, si një luftë për të ardhmen e Europës. Sipas tij kjo përballje do të sjellë rikonfigurimin gjeostrategjik të kontinentit dhe të arkitekturës së tij të sigurisë. Michta thotë se keqllogaritjet e presidentit rus mund të sjellin ndryshime pozitive epokale, duke i dhënë fund një ndarjeje të definuar edhe në antropologjinë politike të Europës, mes Lindjes dhe Perëndimit.

Mediat në Serbi raportojnë se vendet e QUINT-it, i kanë dërguar një ultimatum presidentit serb, Aleksandër Vuçiç për heqjen e barrikadave në veri të Kosovës brenda 24 orëve. Sipas mediave në fjalë ultimatumi i ka bërë të qartë Vuçiç se nëse nuk heq barrikadat, qeverisë në Prishtinë do t’i jepet karta bianca të ndëryjë për të zgjidhur me forcë situatën.

Synimi i Perëndimit është të ndajë Rusinë. Rusinë Historike.

Kështu citohet të jetë shprehur në një intervistë të fundit presidenti rus, Vladimir Putin që ka përdorur termin “Rusi Historike” për të nënkuptuar edhe veprimin ushtarak të nisur më 24 shkurt me invazionin ndaj Ukrainës.

Media të ndryshme raportojnë për interesin që miliarderi Michael Bloomberg ka nisur të shprehë për blerjen e Dow Jones apo Washington Post duke synuar një bashkim.

  Vendet e G7 kanë njoftuar akordimin e një ndihme financiare prej 50 miliardë eurosh për Ukrainën, duke bërë kështu fakt kundërvënien e unifikuar ndaj Rusisë. 

Ky vendim, së bashku me vizitën e presidentit ukrainas, Volodymyr Zelenskiy në ShBA, përmbushin kushtet për ta klasifikuar konfliktin aktual si mes Rusisë dhe Perëndimit. Nuk dihet se çfarë do të rezervojë historia, por në kushtet e tanishme është thuajse e paimagjijueshme që edhe një fitore e Rusisë të mund të ndikonte në pajtimin ruso-ukrainas. 

Politika është një biznes familjar për Kailët.