Blloku Bota

Shkencëtarët nuk kanë ende një përgjigje për katastrofën në lumin Oder, ku është konstatuar ngordhja në masë e peshqve. Shkencëtarët polakë janë shprehur se në ujin e lumit që kalon në të dyja vendet, është gjurmuar nivel i lartë kripe, ndërkohë që në bashkitë gjermane është ndaluar larja dhe peshkimi në lumë.

Gjermania ka refuzuar idenë e pezullimit të vizave turistike për qytetarët rusë.

Duhet mbajtur parasysh se shumë refugjatë që kanë ikur nga Rusia nuk janë dakord me regjimin rus

është shprehur kancelari gjerman Olaf Scholz në samitin e Oslos.

Mediat serbe raportojnë se vendet kryesore të Peëndimit që menaxhojnë stabilitetin e Kosovës, të njohura si vendet e QUINT-it u kanër kërkuar përfaqësuesve serbë të njohin pavarësinë e shtetit ballkanik. Mediat në fjalë citojnë kreun e Zyrës për Kosovën dhe Metohinë në qeverinë serbe, Petar Petkovic, kreun e Listës Serbe, Goran Rakiç dhe katër kryebashkiakë serbë të Kosovës që kanë zhvilluar një takim me ambasadorët e vendeve të QUINT-it i mbajtur me dyer të mbyllura.

Zëdhënësi i Ministrisë kineze të Mbrojtjes, Wu Qian ka deklaruar se Kina do të vazhdojë me stërvitjet ushtarake në ngushticën e Tajvanit në mënyrë që të rrisë gatishmërinë luftarake ndaj çdo përpjekjeje për të shkëputur ishullin siç thotë ajo nga territori i vet. Në një deklaratë për mediat, Qian theksoi se Ushtria kineze do të shtypë separatistët tajvanezë me çdo mënyrë dhe do të bllokojë të gjitha fuqitë e huaja që të ndërhyjnë.

Nëse SHBA do të ngrijë asetet e Rusisë, kundërveprimi do të jetë shkatërrimtar. Sipas agjencisë ruse të lajmeve “Tass”, një akt i tillë do të çonte në prishje tërësore të marrëdhënieve dypalëshe duke futur rendin ndërkombëtar në një krizë të thellë, atë të komunikimit.

Ne i paralajmërojmë amerikanët për pasojat shkatërrimtare të akteve të tilla të cilat do të dëmtojnë në mënyrë të përhershme marrëdhëniet dypalëshe, çka nuk është as në interesin tonë dhe as në të tyrin

Presidenti serb, Alexander Vuçiç ka deklaruar në një intervistë për “Tv Prva” se ai do të paraqesë në Bruksel situatën e krijuar së fundmi me Kosovën. Sipas tij shqiptarët po sillen në mënyrë të papërgjegjshme sepse janë instruktuar kështu nga padronët e vet përëndimorë, në synimet e të cilëve është eliminimi i problemit të veriut të Kosovës dhe pra problem serb i shtetit në fjalë.

Portali defence.com raporton se SHBA po rishkruan një teori të re të frenimit bërthamor duke mbajtur në konsideratë në të njëjtën kohën Rusinë dhe Kinën.

Media e Bashkimit Europian, “Politico” shkruan sot për qëndrimin e pritshëm të Gjermanisë përkundrejt Kinës dhe implikimet e sjelljes së saj në kohezionin europian. Duke vënë në dukje acarimin e shumë aktorë në Perëndim për qëndrimet ambigue të Berlinit në raport me sulmin rus ndaj Ukrainës, media në fjalë vë në dukje se në eventualitetin e një pushtimi kinez të Tajvanit, Gjermania sërish nuk do të bashkohet me politikën perëndimore.

Parlamenti letonez ka miratuar një rezolutë përmes së cilës e ka shpallur Rusinë si shtet që sponsorizon terrorizmin. Sipas dokumentit të miratuar në datën 11 gusht, parlamenti i cilëson aktet e ushtrisë ruse në Ukrainë si terrorizëm, ndërkohë që ka bërë thirrje për të gjitha vendet e BE-së që të ndalojnë lëshimin e vizave turistike për shtetasit rusë dhe bjellorusë.

Mediat serbe kanë qarkulluar një intervistë të ambasadorit të Greqisë në Serbi, Georgios Diakofotakis, dhënë për agjencinë “Tanjug” përmes së cilës janë vjelë një titulltë njohur: Greqia nuk do ta njohë Kosovën. 

Gjatë vizitës së tij në Beograd ministri i Punëve të Jashtme Nikos Dendias përsëriti se pozicioni i Greqisë mbetet i pandryshuar dhe se ajo nuk ka ndërmend të njohë pavarësinë e Kosovës

citohet ambasadori.