Blloku Bota

Shtetet e Bashkuara të Amerikës do të caktojnë së shpejti të parin ambasador të vetin në Arktik, një rajon me rëndësi globale, qoftë për burimet natyrore, qoftë për ndërthurjen e interesave të sigurisë.

Ambasadori do të ketë gradën më të lartë dhe sipas njoftimit të Departamentit amerikan të Shtetit “do të çojë para politikën e SHBA në Arktik, do të angazhohet me palët e tjera në Arktik dhe jo vetëm si dhe me grupet indigjene dhe do të punojë ngushtësisht me aktorët lokalë”.

Shumë afganë me të cilët folëm ndjenin se sistemi i taksimit i talibanëve ishte më i ndershëm sesa ai i imponuar nga qeveria, që shpesh përfshinte rryshfetin dhe burokracinë komplekse. Duke qenë më pak i ngarkuar dhe më pak i korruptuar talibanët shfrytëzuan frustrimin e përhapur me paaftësinë e qeverisë

Irani ka njoftuar se ka marrë një përgjigja nga ShBA rreth mundësisë së rikthimit te marrëveshja bërthamore e vitit 2015. Zëdhënësi i Ministrisë së Jashtme iraniane, Nasser Kanaani, bëri të ditur se Teherani po shqyrton propozimin në fjalë.

Pala iraniane ka marrë një përgjigje rreth rikthimit te marrëveshja bërthamore nga qeveria e ShBA përmes koordinatorit të BE-së. Ne kemi nisur një shqyrtim të hollësishëm të propozimit amerikan dhe do të informojmë koordinatorin për mendimin tonë

citohet ai. 

Parlamenti grek ka miratuar caktimin në detyrën e shefit të shërbimit sekret, diplomatin Themistoklis Demiris

70-vjeçari ka shërbyer si ambasador në Itali dhe Qipro si dhe së fundmi ka qenë sekretar i Përgjithshëm i Ministrisë së Jashtme. 

Ai pason në detyrë Panagiotis Kontoleon që dha dorëheqjen pas verifikimit se shërbimi grek kishte përgjuar telefonin e një gazetari dhe të kreut të PASOK-ut, 
Nikos Androulaki. Kryeministri Kyriakos Mitsotakis ka deklaruar se nuk ka qenë në dijeni të përgjimeve.

 Këshilli grek për Sigurinë Kombëtare ka vendosur të autorizojë vendosjen e një gardhi në të gjithë gjatësinë e kufirit me Turqinë. 

Për përparësinë e vendosjes së gardhit do të konsiderohen mendimet e ministrive më të rëndësishme greke dhe segmenteve vendimmarrëse të ushtrisë

Qeveria e Dritan Abazoviç në Mal të Zi është rrëzuar. Mocioni i mosbesimit është miratuar duke hapur rrugën për zgjedhje.

Ne kemi nevojë për zgjedhje dhe një qeveri stabël

është shprehur nismëtari i mocionit, Danijel Zivkoviç.

Kryeministri i Hungarisë Viktor Orban beson se lufta në Ukrainë nuk do të fitohet nga Perëndimi. Sipas tij Perëndimi po gabon rëndë dhe se sanksionet nuk po japin efektet e pritura, veç dëmit në ekonomi për Europën.

Konflikti vdekjeprurës në Ukrainë ka potencialn që t’i japë fund hegjemonisë së Perëndimit në botë. Kur konflikti të mbarojë Europa do të dalë më e dobët, në sensin politik. Një pjesë e botës nuk i mbështet ato: Kina, Brazili, Afrika e Jugut, bota arave dhe afrika nuk i mbështet

Zëdhënësi i Ministrisë ruse të Mbrojtjes, gjenerali Igor Konashenkov, ka deklaruar sot se autoritetet ukrainase po planifikojnë provokimin e një incidenti në Zaporozhye gjatë vizitës në të të sekretarit të Përgjithshëm të OKB-së, Antonio Guterres.

Ushtria kineze ka njoftuar pjesëmarrjen në stërvitjen “Vostok-22” të organizuar nga Ministria ruse e Mbrojtjes më datat 30 gusht-05 shtator. Stërvitja parashikon të angazhojë komandat strategjike dhe personelin dhe sipas palës kineze pjesëmarrja në të nuk ka lidhje në asnjë mënyrë me situatën aktuale ndërkombëtare apo atë rajonale.

Takimi i Soçit mes presidenti rus Putin dhe atij turk Erdogan është risjellë në vëmendje për aspektin ekonomik. Vëllimi i shkëmbimeve tregtare mes të dyja vendeve ka arritur në 2.04 miliardë dollarë nga muaji mars në korrik, një rritje që vlerësohet me 640 milionë dollarë, krahasuar me të njëjtën periudhë të vitit 2021. Sipas të dhënave zyrtare eksportet turke në Rusi u rritën me 75%, duke dëshmuar një efekt anësor të painjorueshëm të sanksioneve të Perëndimit.