Komisionin Parlamentar për Antikorrupsionin, të drejtuar nga Fatmir Xhafaj, një i drejtë mes të padrejtëve ky, është bojkotuar nga të gjitha institucionet kushtetuese të drejtësisë. SPAK, Prokuroria e Përgjithshme, KLP, KLGj, ILDKPI dhe Gjykata Kushtetuese, i kanë thënë JO, pjesëmarrjes me ekspertë në këtë komision që tashmë mbetet me objekt pune tërësisht të politizuar.

Presidenti iranian Masoud Pezeshkian ka pritur në Doha të Katarit ministrin e Jashtëm të Arabisë Saudite faisal bin Farhan Al Saud me të cilin siç raportohet është diskutuar promovimi i marrëdhënieve dypalëshe. Pezeshkian ka bërë thirrje për unitet mes myslimanëve, duke vënë në dukje se të dyja vendet do të ecin përpara për të eliminuar dallimet. Nga ana e vet ministri saudit ka nënvizuar vendosmërinë e vendit të tij për të zhvilluar marrëdhëniet me Iranin. 

Samiti i G20 i muajit nëntor në Brazil mund të inaugurojë një moment kthese për krizën ukrainase. Një ditë më parë, agjencia ruse e lajmeve, “TASS” sillte në vëmendje një deklaratë të presidentit amerikan Joe Biden që në interepretimin e saj, “nuk përjashtonte një takim me presidentin rus Putin” në Brazil.

Por unë besoj se Putin nuk do të shfaqet

citohet Biden.

BE po kthehet në një koloni financiare të SHBA-ve. Ish-kryeministri italian, Enrico Letta, thotë se kjo vjen nga pronësia që kanë Shtetet e Bashkuara mbi të dhënat bankare të qytetarëve evropianë dhe dominimi i sistemeve globale të pagesave.

Mijëra njerëz kanë dalë në rrugët e Berlinit për të protestuar kundër dërgesave të armëve në Ukrainë dhe Izrael, ndërsa shprehin shqetësimin për një përshkallëzim të mundshëm bërthamor, sipas mediave lokale dhe videove të postuara në mediat sociale.

Tubimi, i organizuar nga grupe të ndryshme pro paqes dhe të krahut të majtë, u mbajt më 3 tetor, që përkon me Ditën e Unitetit Gjerman, që shënon bashkimin e Gjermanisë Perëndimore dhe Gjermanisë Lindore komuniste në vitin 1990.

Microsoft do të investojë 4.3 miliardë euro (4.8 miliardë dollarë) gjatë dy viteve të ardhshme për të forcuar inteligjencën artificiale (AI) dhe infrastrukturën cloud në Italinë veriore.

Ky është investimi më i madh i kompanisë amerikane në Itali deri më tani dhe e kthen Italinë e Veriut në një nga qendrat më të mëdha të të dhënave të Microsoft-it në Evropë, që do të mbulojë edhe Mesdheun dhe Afrikën veriore.

Kreu i shërbimit të zbulimit të Federatës Ruse, Sergey NAryshkin, ka deklaruar se qendrat kryesore të Perëndimit kanë marrë mesazhin e duhur për përdorimin nga Ukraina të armëve me rreze të gjata.

Sipas tij, përgjigja e presidentit Putin për këtë lëvizje eventuale, duke vënë në dukje se sistemet mund të përdoren vetëm nga personel perëndimor  dhe me akses satelitor, përfaqëson deklaratë të hapur lufte ndaj Rusisë, ka dhënë efekt.

SPAK nuk do të jetë pjesë e Komisionit të Antikorrupsionit. Institucioni i akuzës njoftoi se vendimi për këtë ka qenë unanim, ndërsa do ta asistojë komisionin në fjalë me opinione ligjore sa herë që do të konsiderohet e nevojshme.

Kina dhe Rusia do të forcojnë bashkëpunimin për të formuar rendin shumëpolare. Wang Yi, anëtar i Byrosë Politike të Komitetit Qendror të Partisë Komuniste të Kinës dhe ministër i Jashtëm kinez, në një shkrim për “The People’s Daily”, me rastin e 75-vjetorit të marrëdhënieve Kinë-Rusi, shprehet se kjo është zgjedhje strategjike e të dyja vendeve.

Shikojeni videon e ministrit Vëngu dje në Komisionin për Dezinformimin. Çfarë sigurie, kontrolli ka. Habitesh. Thua me vete: more ky rrufjan qenka xibër. Jo nga Xibra, por xibër. Nuk kanë thënë kot ca të mençur qeveritarë: Edi Rama është zbulues talentesh.

Vetëm se një vërejtje. Ministri Vëngu dje u paraqit me letër përpara dhe herë pas here dukej se lexonte raportin e vet. Dhe kjo është serioze. Sepse ke përfaqësim zyrtar. Por kur ai flet me letrën përpara referon një episod sipas tij dezinformimi dhe propagande iraniane të janarit, me autor: Ajatollah Khomeini.