Në foton lart janë ca punëtorë të medias në Shqipëri dhe Kosovë që kanë vizituar Izraelin në përkujtim të 7 tetorit. Sigurisht që një udhëtim në Izrael, qyl, të gjitha të hequra e të paguara, shpjegon më shumë këtë foto sesa ndonjë prapavijë politike në kokën e këtyre. Kështu që e kotë të lodhesh e të akuzosh papërgjegjshmëri këtë kuzhinë gazetareske.

Por nga ana tjetër, duhet pranojmë se ndoshta për genocidin në Gaza ka mendime të ndryshme edhe mes nesh, pavarësisht faktit publik. Këta të krijojnë përshtypjen se mundet edhe të regjistrohen si hebrenj në Censin e ardhshëm.

Lëvizjet e fundit të Greqisë për krijimin e mundëisve efektive për kërkime gazi në Kretë dhe Peleoponez, në bashkëpunim me kompani amerikane, vendos një situatë të re në Mesdheun Lindor.

Jo vetëm në raport me Turqinë si aktor me tendenca të shpallura revizioniste, por edhe për afirmimin dhe kuptimin që palë të treta duhet të kenë për interesat greke. Një ndër palët e treta është edhe Shqipëria, e cila vazhdon që nga viti 2010 të luajë përrallën e të qenit pikë strategjike nga çdo kënd i vrojtueshëm.

Greqia e ka cilësuar marrëveshjen energjetike me kompaninë amerikane “Chevron” si një tregues të asaj që e quan Arkitekturë të re rajonale të energjisë. Ministri i Mjedisit dhe Energjisë, Stavros Papastavrou, shprehet në një intervistë për “Kathimerini” se me funksionalizimin e Korridorit Vertikal, Greqia shndërrohet në furnizuese të Ukrainës me gazin e lëngshëm të SHBA.

Greqia, Bullgaria dhe Rumani kanë rënë dakord për ndërtimin e Korridorit Vertikal, Egje-Deti i Zi, që përfaqëson një aks strategjik hekurudhor dhe rrugor që lidh të trija vendet përmes Alexandroupoli.

Firmën mbi marrëveshje e ka hedhur edhe Komisioneri Europian për Transport të Qëndrueshëm dhe Turizmin, Apostolos Tzitzikostas, duke theksuar angazhimin e Brukselit në projekt.

Ka një diskutim për të ashtuquajturën lëvizje e Ervin Salianjit në Partinë Demokratike. Diskutim që ngrihet prej shumëkujt që statusin e vet e ka të asociuar me statusin e PD-së jo me bindjet e veta dhe që konsideron dy teza: së pari, se PD-ja nuk duhet të përçahet dhe së dyti se lëvizja e Salianjit mund të jetë e sponsorizuar nga kryeministri Rama.

72 miliardë dollarë. Kaq është vlera e marrëveshjes mes “Netflix” dhe “Warner Bros” për blerjen e studiove të kësaj të fundit. “Reuters” e vlerëson marrëvshjen si kalim pronësie të një prej aseteve më të vjetra dhe më të çmuara të Hollywood. “Netflix” ka fituar përkundër ofertës së pakërkuar të “Paramount Skydance”, duke ofruar 28 dollarë për aksion, ndonëse agjencia raporton se PS ofroi 30$/aksion. Kompania merr në posedim edhe përmbajtjen e gjeneruar nga Ëarner, që është e jashtëzakonshme në sektorin për të cilin po flasim.

Marrëdhëniet mes Rusisë dhe NATO-s kanë mbërritur në pikën më të ulët që nga fundi i Luftës së Ftohtë. Kjo konfirmohet nga të dyja palët. 

Së fundmi, minstri i Jashtëm polak, Radoslaw Sikorski njoftoi shkrirjen e afërt të Këshillit NATO-Rusi, ndërkohë që lidhur me këtë çështje, zëdhënësja e Ministrisë së Jashtme ruse, Maria Zakharova, ka vënë në dukje se marrëdhëniet prej kohësh janë në shkallën zero dhe se shkrirja e Këshillit nuk përfaqëson ndonjë zhvillim.

Parajsat tatimore nuk janë vetëm në ishujt e largët të Karaibeve. Shumica e parave që u shmangen taksave përfundojnë në vendet perëndimore që garantojnë regjime të favorshme tatimore dhe një nivel të lartë sekreti, dhe ku shumëkombëshet transferojnë mesatarisht 1.1 trilion dollarë çdo vit, 16% të fitimeve të tyre. Po flasim për qindra miliarda të vjedhura nga qeveritë çdo vit. Në fakt, këta gjigantë janë ata që futen në xhepat e qytetarëve, duke vjedhur burime të destinuara për shërbime publike thelbësore si shkollat, kujdesi shëndetësor dhe infrastruktura.

Komisioneri Europian për Mbrojtjen, Andrius Kubilius ka vënë në dukje dobësinë aktuale të bllokut përkundër zhvillimeve gjeopolitike që tani janë më dinamike se asnjëherë në Europë.

Mediat ndërkombëtare po raportojnë për një deklaratë të gjeneralit gjerman, Christian Freuding, dhënë për revistën “The Atlantic” gjatë së cilës ai flet për shkëputjen e komunikimit mes ushtrisë gjermane dhe SHBA. Sipas tij, kjo po ndodh në momentin më të keq të mundshëm.

Jo vetëm kemi një armik te dera, por jemi edhe në procesin e humbjes së një aleati dhe miku

shprehet ai.