Beogradi ka nisur përpjekjet për të penguar Malin e Zi në rrugën drejt anëtarësimit në Bashkimin Evropian. Ndërsa Mali i Zi po i afrohet vijës së finishit, Serbia ka ende rrugë për të bërë: Beogradi ende nuk i ka hapur të gjitha grupet e negociatave me BE-në, dhe tetë shtete anëtare e bllokuan përpjekjen e saj të fundit muajin e kaluar.

Philip Oldfield

William Craft

Secili prej nesh ka nevojë për një çati mbi kokë, klasa ku të studiojë dhe zyra ose hapësirë ​ku të punojë. Për të përmbushur këtë kërkesë të jashtëzakonshme për ndërtesa të reja, në të gjithë botën ndërtohet çdo muaj ekuivalenti i një qyteti si Nju Jorku.

Kjo na siguron infrastrukturë jetësore, por njëkohësisht gjeneron një sasi të madhe emetimesh që rrisin ngrohjen globale. Pra, si mund të ndërtojmë atë që na nevojitet, pa dëmtuar planetin? Hulumtimi ynë i ri ofron disa përgjigje.

Islanda votoi  kundër rifillimit të bisedimeve për anëtarësim në Bashkimin Evropian 13 vjet pasi ato u ndërprenë. Në referendumin e mbajtur sot, islandezët zgjodhën opsionin “Jo” në masën 52.8% e votuesve, ndërsa 47.2% thanë “Po”.

Diferenca prej 12 600 votash përcaktoi drejtimin që duhet të ndjekë tashmë qeveria e qendrës së majtë të kryeministrit Kristrún Frostadóttir.

Pjesëmarrja në referendum ishte 82.5%, ndërkohë që i gjithë ishulli ka 270 000 njerëz me të drejtë pjesëmarrjeje në referendum.

Sulmet e Rusisë në Ukrainë mund të shkojnë drejt përshkallëzimit, çka nuk përjashton edhe armët bërthamore taktike. Sipas Bloomberg, presidenti Putin po e vlerëson një opsion të tillë krahas mundësisë së nisjes së sulmeve më të fuqishme me raketa balistike kundër Kievit.

Media të ndryshme raportojnë se është arrestuar sot Ergys Agasi, personi kyç i dosjes “AKSHI” i vënë nën akuzë për krijim të grupit të strukturuar kriminal. Nuk ka të dhëna zyrtare mbi operacionin, por sipas të informacioneve të deritanishme ai është ndjekur nga Elbasani në Durrës ku është ndaluar. Bashkë me të mësohet se ka qenë edhe shtetasi Ulian Shpataraku, oficer policie. 

Çështja e investimit të dhëndrit të Trump në Sazan është bërë subjekt hetimi i një prej anëtarëve të lartë të Komitetit Gjyqësor të Dhomës së Përfaqësuesve. 

Jamie Raskin do ta thellojë hetimin e nisur, pasi ka hasur në indiferencën e dhëndrit të Trump për t’iu përgjigjur pyetjeve të para lidhur me investimin përmes firmës së tij të investimit, Affinity Partners. 

Hetimi vë në qendër konfliktin e interesit mes rolit të Kushner në qeverinë amerikane dhe pozicionit si investitor. 

Serbia ka ripërsëritur kërkesën zyrtare për lirimin me kusht të ish-komandantit të ushtrisë së Republikës Srpska, Ratko Mladiç. Sipas njoftimeve zyrtare, autoritetet penitenciare të Mekanizmit Ndërkombëtar të Ekzekutimit të Vendimeve kanë konstauar se Mladiç është në fazën terminale të jetës së tij dhe për këtë arsye ka lehtësuar aksesin maksimal të familjarëve, por nuk ka pranuar kërkesën e shtrimit të tij në një spital në Serbi.

Incidentet e ndodhura në Ceuta kanë hapur një diskutim të papritur për sovranitetin mbi eksklavën spanjolle në Afrikë. Maroku ka kërkuar krijimin e një mekanizmi dialogu për të adresuar të ardhmen e Ceutës dhe Melilës, propozim që është hedhur poshtë nga Ministria e Jashtme e Spanjës 

Gjermania po shkon drejt riarmatimit të plotë duke patur në fokus të sigurisë së saj kërcënimin nga Rusia. “Politico” referon sot dokumente të brendshme të qeverisë gjermane sipas të cilave për përgatitjen e sistemit të ri mbrojtës, do të duhet të alokohen 12 miliardë euro me synim dislokimin e raketave me rreze të gjatëm në gjendje që të godasin mijëra kilometra në brendësi të territorit rus.

Një vit pas sulmeve të 7 tetorit në Izrael nisi të bëhej i dukshëm një fenomen i ri, por me rrënjë të vjetra: sulmi ndaj kristianëve të të gjitha llojeve, kishave dhe pronave të tyre. Për dikë që nuk e njeh mirë raportin ndërkonfensional të këtij shteti, kjo seri sulmesh ngjan e çuditshme nisur nga fakti se veshët e opinionit publik janë mësuar të dëgjojnë se Izraeli ka një konflikt me arabët. Por siç ndodh me Lindjen e Mesme, nuk ka asnjëherë gjëra të thjeshta. Vetëm në vitin 2025 pati 155 incidente dhe deri në këtë moment, për vitin 2026 kanë ndodhur 107 incidente.