Palaçua i amputimit të pavarësisë me shtetin bektashi

E shihni këtë? Ky palaço me pushtet, që mund të veshë çdo rrobë të mundshme vetëm e vetëm për t’u dukur si kaposhi i farës në një vend pa farë e pa derman, ka përkujtuar dje 28 nëntorin me 12 postime në Facebook. Aty ku edhe ka bastin e jetës së vet.

Me 12 postime që nuk ndalnin në shëmtimë e tyre festive dhe ceremoniale në asgjë pasi ato rimarrin folklorin e një date për festime që as ekzistojnë kund në Shqipëri. Festën e organizon politika, pasi shoqëria ka ditë pushimi dhe as kujtohet më për ndonjë vlerë nga Pavarësia.

Por ky palaço i krimbur në jetën e vet të rreme dhe të shtirur, e mbetur e tillë edhe në kulmin e pushtetit që ka sot, kur ka blerë edhe opozitën që ka thjesht dhe vetëm një arnë në poturet e veta, është po ai që vitin që lamë pas e inauguroi me një pavarësim të ri personal: ai propozoi shtetin bektashi, që formalisht, apo jo formalisht, gjoja, apo jo gjoja, është amputim i pavarësisë shqiptare.

Është një operacion sovranizimi në tërësiënë territoriale dhe juridike të saj, sovranizim që buron vetëm e vetëm nga pushteti i një njeriu mbi çdo institucion. Dhe teksa askush nuk e di se pse ajo ide e nxitur dhe ushqyer nga elita politike genocidale e Izraelit të sotshëm, u tret në një harresë të përkohshme, ky sorollop shumohet e shtohet në ngazëllimin e vet festiv me 12 postime pas një shtunë rë çlirimit të cilin e rimerr sërish me çorbën e vet të protagonizmit të tepërt tashmë edhe për ata që ka vërdallë.

Është për të ardhur keq të shohësh sesi kjo përdhosje në majën e qeverisë kalon me buzëqeshje dhe miratim të rremë, me përulje dhe nënshtrim, duke na kujtuar dhe shpjeguar se pse ne kemi qenë dhe do jemi vonë përherë në histori.