Steinemeier, presidenti i parë gjerman që nderon viktimat e Guernicas

Presidenti gjerman Frank Walter Steinmeier bëhet i pari lider gjerman që nderon viktimat naziste në Guernica të Spanjës. Ai është shoqëruar në vizitën e vet nga Zonja e parë, Elke Buedenbender  dhe kanë nderuar viktimat në një ceremoni ku merrte pjesë edhe Mbreti Felipe VI.

Ngjarja që përkujtohet ka ndodhur më 26 prill 1937, gjatë Luftës Civile Spanjolle dhe protagonistë të saj ishin pjesëtarë të Legjonit Condor, një njësi speciale e aviacionit gjerman. Në operacion ndaj qytetit bask, morën pjesë 50 avionë që lëshuan 30 tonë bomba, përfshirë ato zjarrvënëse dhe më pas avionë të tjerë asgjësuan civilët që tentuan të ikinin.

Guernica na kujton, për të qëndruar për paqen, lirinë dhe ruajtjen e të drejtave të njeriut

u shpreh Steinmeier në një darkë gala në Pallatin Mbretëror në Madrid.

Vizita vjen 28 vjet pasi ish-presidenti Roman Herzog njohu përfshirjen e Gjermanisë në masakrën e Guernicas dhe kërkoi falje popullit spanjoll. Guernica ishte një viktimë e luftës civile, që u kërkua nga Franco dhe u ekzekutua nga gjermanët. Guernica është një qytet bask, që me viktimizimin e vet i dha artit veprën e Picasos, një trill mistik gati i luftës dhe paqes.