M. Nano i përgjigjet Genti-t

Lexuesi Genti pyet në fund të lajmit me titull “Kur Media gënjen ditën me diell”, nëse “këta të Ama-news-it janë agjenci seriozë apo janë vetëm kundër Berishës? Sepse kam lexuar disa artikuj që janë shumë konspirativë dhe nuk të duken të vërtetë”. Genti në fund të shënimit të vet është i sigurtë që nuk do t’i përgjigjem, por unë “po e zhgënjej”, dmth po përgjigjem.

Në të vërtetë, nuk kam ide se kush e ka këtë agjenci. Më pëlqen fryma e tyre opozitare (mendoj se në Shqipëri ka nevojë për një frymë të tillë), por edhe mua më bën përshtypje që herë pas here kanë një qasje fantasioze. Me sa duket i rrëmben shumë zelli opozitar, siç i rrëmbeu kur thoshin të nesërmen e “të fiktit të Berishës”, se ky i fundit është i sëmurë rëndë dhe se i është këshilluar nga mjekët që të heqë dorë nga aktiviteti politik.

Sidoqoftë, mbetet një agjenci për t’u konsultuar, pasi e ka bajagi të vlefshme e të bollshme pjesën e informacionit, dhe shpirtin investigues. Me siguri, është agjenci më e besueshme se sa ATSH-ja. Sipas meje.