Trafik droge, italiani arrestohet në Brindisi, kthehej nga Shqipëria

Një italian i kërkuar nga drejtësia e shtetit fqinj për trafik të lëndëve narkotike është arrestuar në Brindisi ndërsa kthehej nga Shqipëria me kartën e identitetit të të vëllait.
 
42-vjeçari nga Bari Cosimo Genchi është gjendur në bordin e një trageti dhe u vu në pranga nga agjentët e policisë në Brindisi.
 
Ai ishte në kërkim prej mëse dy muajsh nga koha kur u zhvillua operacioni i koduar “Tenaglia”, nga policia e vendit në Lamezia Terme dhe Bari. Policia e vendit fqinj arrestoi në tetorin e këtij viti, 15 persona të dënuar në mungesë nga gjykata, mes tyre lamentin, shqiptarë dhe barezë të shpallur fajtorë për akuza si posedim, shitje dhe trafik të lëndëve narkotike nga Shqipëria drejt Puglias.