Do të tërhiqet ambasadori Çejku nga deklaratat e 3 tetorit?
Siç është paralajmëruar, Ambasadori i Shqipërisë në Maqedoni, Arben Çejku, do të jetë sot në Ministrinë e Jashtme të Maqedonisë për të dhënë shpjegime lidhur me deklaratat e tij të datës 3 tetor mbi “mbeturinat nostalgjike të periudhës titiste që gjenden në institucionet arsimore të Maqedonisë e që vijojnë të fyejnë historinë e kombit shqiptar”. Nuk u kuptua mirë, dhe nuk u tha, se mbi ç’shqetësime konkrete ka ngritur zërin ambasadori, por e vërteta është se shtypi shqiptar ka folur në më shumë se një rast mbi konsiderata të çbalancuara lidhur me shqiptarët në Enciklopedinë maqedonase të përgatitur kohët e fundit. Pati dhe maqedonas që ranë dakord me shqetësimin e shqiptarëve.
Ministria e Jashtme e fqinjit tonë ka reaguar menjëherë ndaj deklaratave të ambasadorit Çejku. “Thekse të tilla në publik janë në kundërshtim të plotë me frymën e dëshiruar të bashkëpunimit dhe dialogut miqësor mes Maqedonisë dhe Shqipërisë në të gjitha nivelet”, u tha prej tyre. Sot, sipas shumë gjasash, do t’i përsërisin të njëjtën gjë në zyrat e diplomacisë së Shkupit (nuk është saktësuar se cili funksionar i Ministrisë do ta presë).
Besnik Mustafaj, ish-ministër i jashtëm i yni, e ka marrë në mbrojtje Arben Çejkun, duke thënë në një shkrim të tijin të publikuar në Panorama, se “marrëdhëniet mes vendeve dëmtohen më shumë nga tekstet e historisë dhe të enciklopedisë të qortuara nga Çejku, se sa nga shqetësim i ngritur në publik”.
Re.Pu.
Comments
si gjithmone do terhiqen me
<p>si gjithmone do terhiqen me bisht nder shale.''trimerine'' e ruajne per shqiptaret ,me te huajt sillen si pula te lagura,,</p>
Add new comment