Edhe Kryetari i Kuvendit të Kosovës, Jakup Krasniqi, i dyshuar për krime lufte!

Listës së zyrtarëve të lartë të Kosovës të hetuar nga EULEX-i për krime luftë i shtohet edhe Jakup Krasniqi, kryetari i Kuvendit të Kosovës. Krasniqi është paraqitur ditën e premte në zyrat e EULEX për t’u marrë në pyetje mbi procesin që njihet si “Grupi i Drenicës”. Kryetari i Kuvendit gjatë viteve të luftës ka qenë mes anëtarëve të Shtabit të Përgjithshëm të UÇK-së. Për momentin nuk ka ende një akuzë zyrtare që të përfshijë edhe emrin e tij në listën e të dyshuarve për krime luftë ndaj civilëve gjatë vitit 1998 dhe 1999. Sipas mediave kosovare, në varësi të rezultatit të hetimeve do të mësohet nëse Jakup Krasniqi do të merret i pandehur ose jo. Aktualisht, pjesë e hetimeve janë Sylejman Selimi, Ismet Haxha, Shefki Hyseni dhe Nexhat Çubrelin si anëtarë të “Grupit të Drenicës”, që akuzohet nga prokurorët e EULEX për krime lufte.

Zh.