Paloka: 'Ushtari' i Zani Çaushit, emërohet për të luftuar trafikun e drogës

Partia Demokratike e cilëson si “një prej skandaleve më të mëdha të kësaj qeverie në këto 4 muaj”, emërimin e Ardian Licit specialist antidroge në Vlorë.“Ky emër mund të mos tregojë gjë për publikun masiv. Po për vlonjatët do të thotë shumë, sepse ata ende nuk i kanë harruar kohët e vështira të vitit 1997. Ardian Lici ka qenë një nga ushtarët e Zani Çaushit, dhe kushdo mund të futet në YouTube e ta verifikojë këtë që po themi ne”, u shpreh kreu i grupit parlamentar të PD-së, Edi Paloka. Kreu i grupit të PD-së thotë se, “personi me xhupin e zi të lëkurës, që Zani e urdhëron të kontrollojë makinat në urën e Mifolit, në posto bllokun që banda e Vlorës ka ngritur, është Ardian Lici” (shih videon). S.S