Kreu i ri i Komunitetit Musliman, imamët e Tiranës reagojnë kundër përzgjedhjes

Zgjedhja e kreut të ri të Komunitetit Musliman të Shqipërisë, Skënder Burçaj, ka sjellë reagime të imamëve të Tiranës. Sipas tyre, zgjedhja e tij në mënyrë kaq emergjente është jo vetëm e paprecedentë, por është shkelur edhe statuti i këtij institucioni, pasi përcakton se kryetari duhet të ketë 10 vjet shërbim në strukturat e KMSH-së. “Gazeta Shqiptare” ka intervistuar imamin e Xhamisë së Laprakës, Neki Kaloshi sipas të cilit “KMSH po dëshmon krizë institucionale, ku zgjidhet kryetar personi me më pak përvojë, i cili ka vetëm 6 muaj si nënkryetar i KMSH-së”.

Sipas Kaloshit, kreu i ri i zgjedhur mund të jetë “personi më i aftë dhe më i drejtë, por statuti e sanksionon se duhet të ketë 10 vjet në KMSH”. Një zë kundër mënyrës së përzgjedhjes së kreu të ri të KMSH-së është edhe Roald Hysa, anëtar i këshillit të Xhamisë së Kokonozëve. Hysa është shprehur për Gazetën se, kreu i ri nuk plotëson kriterin kryesor të statutit të Komunitetit Mysliman të Shqipërisë dhe se gjithccka ka qenë e planifikuar që pata tre muajsh, kur Komuniteti u bë me 4 nënkryetarë nga 2 që kishte më parë.

Lexo më shumë: http://www.balkanweb.com/kryesore/1/kreu-i-ri-i-kmsh-imamet-i-katapultuar-shkelet-statuti-s-ka-10-vite-ne-strukture-176453.html

k.k