Shpipëri Hesapi

Ka mjaftuar një ide, apo një thashethem i hiperbolizuar në profeci që Tirana të përjetojë çudinë e vet, e cila mund të zgjasë më shumë se zakonisht, pra më shumë sesa tri ditë pse frika është e tillë. 
Në orën  23:30 do bjerë tërmet. Kjo gjëmë u përtyp menjëherë si lakror saçi dhe bashkë me frikën e madhe si dhalla shoqëruese, kaloi poshtë te njerëzia që u lëshua rrugëve siç mund të shihet në fotot e shumta. 

Kryeministri Edi Rama është fotografuar, ose ka lënë veten të fotografohet në një takim me lojtarët e kombëtares së futbollit në Durrës. Për këtë takim kaq serioz raportohet me burime, ndoshta sepse taktika e skuadrës në ndeshjen me Islandën është tanimë çështje shtetërore.

Politika shqiptare ka ofruar sot një ndër shfaqjet më bajate që sugjerojnë se pazari i radhës tashmë ashtë arritur dhe po kërkohen rrugët proceduriale për të bonifikuar fekalet e prodhuara në shkallë industriale këto muaj. Në paraqitjen e tij para Komisionit Hetimor që shqyrton argumentet për shkarkimin e tij, presidenti i Republikës u pyet nga deputeti Bashkim Fino: 

Çfarë do të bëni me 13 tetorin? 

Mediat në shërbim të z. Rama kanë përcjellë me entuziazëm dje një shkrim të publikuar në New York Times për Shqipërinë. Agjencia Telegrafike Shqiptare e ka shtrydhur politikisht shkrimin e përkthyer për të nxjerrë një titull pozitiv për Tiranën e Erjon Veliajt. Për media si këto mjafton që diçka është botuar në New York Times. Të tjerat nuk kanë rëndësi. Fundja shqiptarët ecin pas berihajit të titujve.

Në Kosovë ka nisur procesi i legalizimit të ndërtimeve pa leje. Madje me këtë rast qeveria ka organizuar edhe një ceremoni me moton: Legalizo Ndërtimin, mos e humb mundësinë!
Tha ministri në detyrë i Mjedisit dhe Planifikimit Hapësinor, Fatmir Matoshi: 

Ylli Rakipi dhe Adi Krasta janë hequr nga Edi Rama nga News24. Këtë tezë e ka bërë të vetën edhe Këshilli i Europës që publikon një njoftim të shkurtër anglisht mbi këtë “zhvillim” që ka “tronditur” lirinë e shtypit në Shqipëri. Nëse i hedh një sy faqes në fjalë aty sheh raportime nga mediat opozitare me qeverinë e z. Rama dhe është e llogjikshme të mendohet se dora që qëdron aty është e dikujt që është afër opozitës. 

Ish-kryeministri Sali Berisha denoncon sot në Facebook një incident të ndodhur në linjën Athinë –Korçë ku duken punonjës policie që sillen në mënyrë të papërshtatshme me shoferin. Sipas denoncimit të përcjellë nga Berisha, pasagjerët reagojnë ndaj sjelljes së policëve që duhet thënë se janë problem i përhershëm në qarkullimin rrugor. Më poshtë denoncimi dhe video:

Mediat përcollën me dëshirë të papërmbajtshme pamjet e prishjes së lokalit të Mihal Kokëdhimës në Porto-Palermo. Për ata që nuk e dinë, Kokëdhima qështë personazhi i videos që e paraqet atë mbi kofanon e një makine duke godtur xhamin e përparmë të saj. Arsyeja: turistët spanjollë kishin porositur diçka, Kokëdhima u kishte sjellë diçka më shumë. Parimi i punës në këtë rast është i thjeshtë dhe universal për të ashtuquajturin turizëm shqiptar: Gjobë maksimale për ata që pushojnë në bregdet.

Jemi në rrugën “Abedin Dino” në Sarandë. Për atë që ka jetuar aty e di shumë mirë se çfarë do të thotë ujë me orar. Jo tani, por qysh në kohët kur Saranda propagandohej si vitrina e Shqipërisë sonë të dashur socialiste. 
Saranda është nga ato vende ku nuk të bëhet ta hapësh televizorin. Ku Tirana të duket si një vend tjetër, i ndryshëm, i largët, si pas një dogane të cilën e kalon për herë të parë. 

Sali Berisha e quajti të vetn qeveri të shërbimeve dhe shërbesave. Por teksa Shqipëria hynte në epokën dixhitale, uji me orar p.sh mbeti një standard i pakonkurueshëm. 

Zoti Rama qeveris me goditje dënimi ose penallti, pra me gjuajtje maksimaliste apo të sigurta. Ai ka edhe një platformë të bashkëqeverisjes. Shifrat e përcjellë janë përherë optimiste, por e vërteta qëndron ndryshe edhe për shërbimet më bazike.