Politikë

Arrestimi i Emiljano Shullazit ka qenë pjesë e debateve në seancë plenare, në të cilën ish-kryeministri Sali Berisha ka lëshuar edhe mesazhin e fundit, i cili edhe mund të quhet disi radikal. “Gjatë qeverisjes sime, Shullazi është arrestuar 4 herë. Shullazi është skandali i radhës i kësaj qeverie. Kjo qeveri është e përfshirë në skandale të pafundme. Të gjitha këto vetëm për një arsye, për shkak të lidhjeve të ngushta të Shullazit me Ramën dhe Tahirin. Rama e ka shndërruar qeverinë në një organizatë kriminale.

Arrestimi i Emiljano Shullazit dominoi sencën e sotme plenare. Kryeministri Edi Rama bëri të ditur nga foltorja e Kuvendit se personazhi i njohur i botës së krimit, u arrestua nga policia dhe se cdo pretendim i opozitës për arrestim nga Prokuroria është i dështuar. "Në fakt, e vërteta edhe sikur të ishte kështu përsëri nuk do të ishte kundër asaj që po them unë. Sepse normalisht arrestimet bëhen pas sulmeve në prokurori.

Elozhet dhe vlerësimet për Edi Ramën nuk do të thotë se ndërkombëtarët kanë jashtë vëmendjes zhvillimet në Partinë Socialiste dhe grupin që ka akuzuar kryetarin e partisë për shkelje të statutit. Deputetja e Partisë Socialiste, Mimoza Hafizi kapatur një takim me dy eurodeputetët e majtë, Knut Fleckenstein dhe Hannes Zwoboda të ndodhur në Tiranë për një konferencë mbi demokracinë e brendshme të partiv. Pas takimit Hafizi tha se në takim u diskutua për të majtën shqiptare dhe se mori inkurajimin për të bazhduar betejën e nisur.

Arrestimi dhe mbajtja në burg e Emiljano Shullazit është përshëndetur edhe nga ambasadori Amerikan, Donald, i cili  kërkoi një hetim të pavarur, ndryshe nga sa ka ndodhur në të kaluarën me procedimet penale ndaj 38 vjeçartit. “Vitin e funidt kemi pare arrestimin dhe hetimin e  gjyqtareve, parlamentareve dhe ish ministrave  dhe tani arrestimin e te dyshuarit si bos i krimit, Emiljano Shullazi. Ne i pershendesim keto hapa pozitiëv dhe shpresojme qe keto raste te ecin perpara ne menyre te pavaruar”- deklaroi ambasadori amerikan gjatë një konference të Dhomës Amerikane të Tregëtisë.

Mbledhja e grupit parlamentar të Partisë Demokratike u dominua nga diskutimet për arrestimin e Emiljano Shullazit dhe qëndrimin që do të mbajë opozita lidhur me këtë çështje. Përtej deklaratave zyrtare që u përcollën nga kryetari i Partisë Demokratike, Lulzim Basha në mbledhje mësohet të jenë ngritur pikëpyetje lidhur me qëndrimin që ka mbajtur opozita, para denoncimeve të bëra nga ish-kryeministri Berisha.

Qeveria aktuale në Tiranë u përpoq dy herë vitin e kaluar që të ndërhynte në tregun e mediav online, përherë me synimin zyrtar “për t'i rregulluar ato”. Por nëse herën e parë u tërhoq duke pranuar gabimet në formulimin e ndryshimeve ligjore, aktualisht, me ndryshimet në ligjin për “Tregëtinë online”, qeveria po mendon një mekanizëm të ri. Ndryshimet kanë mbirë pa pritur e papandehur, si zakonisht, pa u konsultuar me grupet e interesit dhe pa treguar se ku synohet të arrihet.

Mbështetur në denoncimet nga qytetarët dhe investigimet e mediave, zëvendëskryetari i Komisionit të Sigurisë në Parlament, Flamur Noka, i ka drejtuar një letër kryeministrit të vendit, ku ngre shqetësimin për të dhënat që tregojnë pesëfishimin e sipërfaqes së mbjellë me cannabis-sativa, shtrirjen e këtij fenomeni në gjithë territorin, si dhe për faktin që grupet kriminale po përdorin një farë të veçantë, vietnameze çka mundëson kryerjen e ciklit të plotë në 45 ditë.

Në artikullin e tij të fundit tek Lapsi.al, Andi Bushati e ka përmbledhur që në titull thelbin e rastit “Shullazi” – “Mos u zini, Shullazi është i të gjithëve!”, shkruan ai. Në fakt, Bushati e kufizon përgjegjësinë vetëm tek partitë politike, të cilat e kanë mbrojtur Emiliano Shullazin, sipas rradhës së të qënit në pushtet. Por përgjegjësia nuk është vetëm e partive – është e të gjithë shqiptarëve që kanë mundësuar përmes votës së tyre, që partitë që kanë mbrojtur Emilianon dhe shumë “Shullazë” të tjerë thjesht të ndërrojnë karriget e pushtetit në këto 25 vjet.

Ish-kryetari i Grupit të Social-Demokratëve në Parlamentin Europian, z.Hannes Swoboda  gjatë një bashkëbisedimi  në Tiranë me temë “Periferia sfidon Qendrën” ku ishte i pranishëm edhe kryeministri Rama ka folur për një ekuilibër të brishtë të bashkëjetesës fetare në Europë. “Kemi parti në Europë që thonë se islami është rrezik për Bashkimin  Evropian dhe nga ana tjetër kemi edhe grupe ekstremiste që veprojnë me akte terrori. Ky emigracion që shohim është keqpërdorur dhe etiketuar si vatra e terrorit. Ne duhet të tregojmë sesi popullsi myslimane jetojnë paqësisht në Shqipëri e Kosovë.

Partia Demokratike kërkoi në Komisionin e Medias shtyrjen e zgjedhjeve për Rektorin e Universitetit të Tiranës. Kreu i komisionit, Genc Pollo tha se kandidatja për rektore Klodeta Dibra është e politizuar dhe se në arsim ka ndërhyrje “Shullaziko-politiko” Ndërsa, deputeti demokrat, Luçiano Boçi tha se zgjedhjet kanë rënë dhe ministrja Nikolla duhet të gjejë zgjidhje. Sipas Boçit, studentët dhe pedagogët janë të pasigurtë për të votuar, ndaj zgjedhjet duhet të shtyhen. Në fund të mbledhjes, shumica në komision rrëzoi kërkesën e PD-së për të thirrur në seancë dëgjimore ministren e Arsimit.