Politikë

Ish kryeministri Sali Berisha ka denoncuar sot një kërcënim me jetë që i është bërë sipas tij kandidatit në garën për rektor të Universitetit të Tiranës, Mynyr Konit. Kërcënim, që Berisha ia ka faturuar Ramës, i cili, sipas tij, ka urdhëruar Emiljano Shullazin të merret me zgjedhjen e rektorit në Universitet.

Kreu i Partisë Demokratike është shfaqur me një deklaratë ambigue në Sarandë, teksa ka folur për reformën në drejtëësi. Sipas tij, reforma e vërtetë mund të vijë vetëm pas zgjedhjeve të lira e të ndershme. Sipas tij ky është edhe mesazhi që Edi Rama ka marrë nga ndërkombëtarët. “Mesazhi që do të dëgjojë deri ditën e fundit është: Të mos guxojë të prekë më votën e shqiptarëve e t’i lërë shqiptarët të votojnë të lirë e të ndershëm për qeverisjen e tyre. Për një drejtësi që dënon korrupsionin dhe krimin e nuk e mbron atë.

Autoriteti i Mediave Audiovizive është vënë në lëvizje për të verifikuar burimin e financimit të Disa mediave. Gazeta “shqiptarja.com” shkruan se AMA ka vendosur “të godasë një nga pikat më kyçe dhe të errëta të mediave në Shqipëri”, por që ka të bëjë vetëm me një kategori mediash. “AMA do të kërkojë informacion vetëm për burimet e financimit të radiove me karakter fetar në Shqipëri, duke lënë jashtë këtij procesi televionet dhe mediat e tjera”, vijon raportimin gazeta në fjalë.

Papa Francecsku  përcolli sot një mesazh të fortë me vizitën në kampin e emigrantëve në ishullin Lesbos të Greqisë. Refugjatët nuk janë numra, janë njerëz: ata kanë fytyrat, emrat, histori, dhe si të tillë duhet të trajtohet.”-theksoi Papa Françesku në një mesazh pak para mbërritjes. Në Lesbos Papa Francesku ku prit nga kryeministri grek Aleksis Cipras dhe drejtues të Kishës. Cipras shoqërohej nga Patriarku Ekumenik Bartolomeu I dhe Kryepeshkopi i Athinës dhe i gjithë Greqisë, Jeronymos. Papa tha se ishte krenar për qëndrimin që populli grek ka mbajtur ndaj emigrantëve.

Ilir Meta ka marrë mesazhet e veta për vizitën e Ramës në Uashington dhe pritjen nga presidenti Obama. Mbi të është ngritur një re e madhe pikëpyetjesh për marrdhëniet me amerikanët, nisur dhe nga mungesa e vizitave të tij në Shtetet e Bashkuara. Vetë Meta është përpjekur të zhgënjejë skeptikët që mendojnë se mes tij dhe amerikanëve ka një ngërç, duke parlajmëruar kohë pas kohe vizita në SHBA.

Partia Demokratike i ka dhënë fund qëndrimit të kushtëzuar me Kuvendin. Mbledhja e Kryesisë së demokratëve vendosi këtë të premte që të rikthejë normalitetin duke filluar nga dita e hënë. Sipas këtij vendimi të Kryesisë, demokratët do të rikthehen në Komisionet Parlamentare, ku ndodhen një sërë nismash ligjore për të shqyrtuar së bashku me maxhorancën, më e rëndësishmja prej të cilave mbetet reforma në drejtësi, raporton TCH.

Faktori ndërkombëtar në 25 vitet e fundit ka patur një rol vendimtar në zhvillimet e Shqipërisë. Janë ata që kanë vënë para klasën politike të ndjekë interesin publik dhe jo axhendat personale. Sot delegacioni i Bashkimit Evropian dhe Ambasada Amerikane kanë përcjellë një deklaratë drejtuar palëve për të miratuar pa vonesa aspiratën e 91 % të shqiptarëve për të miratuar reformën në drejtësi. "Delegacioni i Bashkimit Evropian dhe Ambasada e Shteteve të Bashkuara mirëpresin rifillimin e dialogut në komisionin parlamentar për reformën në drejtësi.

Shqipëria rreshtohet në vijën e parë të frontit kundër terrorizmit. Përtej takimit mes kryeministrit shqiptar dhe presidentit amerikan, vizita në SHBA ka sjellë edhe një marrëveshje shumë të rëndësishme mes Ministrisë së Brendshme dhe Byrosë Federale të Hetimit(FBI). Ajo është nënshkruar mes ministrit shqiptar Sajmir Tahiri dhe drejtorit të FBI-së James Comey, gjatë një takimi që delegacioni shqiptar kreu në selinë e kësaj të fundit.

Edi Rama u prit në Shtëpinë e Bardhë nga presidenti amerikan, Barak Obama duke shënuar një moment kulmor në aspektin "publicitar" të karrierës së tij politike. Përtej përfitimeve personale që Rama do të mundohet të vjelë nga kjo vizitë, prania e një kryeministri shqiptar në Shtëpinë e Bardhë është me domethënie për një vend të vogël si Shqipëria.

Kryeministri shqiptar, Edi Rama, ka zhvilluar sot një takim me presidentin amerikan, Barack Obama, në kuadër të vizitës që po zhvillon në ShBA.