Politikë

Ndryshe nga Shtetet e Bashkuara, Gjermania dhe Britania janë pozicionuar qartë kundër çdo ndryshimi kufijsh mes Kosovës dhe Serbisë. Të pyetur nga Radio Europa e Lirë, zyrat diplomatike të këtyre vendeve kanë folur pa dorashka kundër idesë së Thaçit që mesa duket e ka përqafuar edhe Vuçiç, i cili deklaroi se është në favor të demarkacionit me shqiptarët

Ideja për shkëmbimin e territoreve mes Serbisë dhe Kosovës ka ardhur pas një raporti të Fondacionit për Shoqëri të Hapur, në të cilin jepet oferta për shkëmbimin e Preshevës me katër komunat me shumicë serbe në veri të Kosovës shkruan sot Gazeta "Zëri" në Kosovë.

Kryetari i Komunës së Bujanocit, Shaip Kamberi në një intervistë dhënë për këtë të përditshme thotë se një raport i tillë është sponsorizuar nga vetë Vuçiç, ndërsa rikujton se për bashkimin me Kosovën banorët e Preshevës kanë votuar në një referendum në vitin 1992.

Pas Bashkim Dedes që kryeson Gjykatën Kushtetuese, Operacioni Ndërkombëtar i Monitorimit kërkon apelimin e vendimit të Komisionit të Pavarur të Kualifikimit për kreun e Gjykatës së Lartë, Xhezair Zaganjori. Përmes një njofitmi, zyra e Komisionerëve Publikë bën me dije, se ONM ka rekomanduar apelimin e vendimit të KPK-së që konfirmonte në detyrë Zaganjorin.

Ish-shefi i Shtabit të Forcave të Armatosura, Jeronim Bazo, thotë se ndërtimi i bazës ushtarake të NATO-s në Kuçovë tregon se Shqipëria është në gjendje të prodhojë siguri dhe stabilitet. Në një intervistë në studion e lajmeve të Tema TV, në lidhje me bazën ajrore që NATO do të ndërtojë në partneritet me qeverinë shqiptare, Bazo u shpreh se  ky është një hap që tregon maturinë e Shqipërisë 10 vjet pas anëtarësimit në Paktin e Atlantikut Verior.

Presidenti i Kosovës, Hashim Thaçi, ka përsëritur sot qëndrimin e tij për korrigjim të kufijve me Serbinë, duke akuzuar me këtë rast edhe ata që kundërshtojnë këtë ide. Sipas tij çdo vonesë në këtë drejtim do të përsëriste gabimet e së shkuarës dhe do të bënte të humbiste një rast historik. Thaçi ka replikuar edhe me ish-presidentin e Shqipërisë, Sali Berisha, i cili gjatë një takimi me përfaqësues të shqiptarëve të Luginës së Preshevës bëri thirrje që të mos ketë asnjë cedim në çështjen e kufijve. Më poshtë postimi i Thaçit në faqen e tij në Facebook:

Gjatë një vizite në Shkodër Presidenti Ilir Meta u prononcua edhe për situatën politike në vend dhe specifikisht për marrëdhëniet mes qeverisë dhe opozitës.

Prononcimi i tij përforcon një axhendë që parashtron si zgjidhje një pakt të ri politik mes dy kampeve politike, në funksion të integrimit Europian të vendit.

Ministri për Diasporën, Pandeli Majko, ka dhënë sot një intervistë për televizionin personal të kryeminsitrit Edi Rama, përmes së cilës ka bërë të ditur se e drejta e votës për emigrantët shqiptarë do të kërkojë ndërhyrje në Kushtetutë:

Ngecja në rrjetën e vettingut të gjyqtarëve të gjykatës së lartë Artan Broci dhe Sheklzen Selimi, ka nxjerrë jashtë funksionit edhe Gjykatën e Lartë. Ndërkohë Avokat Baftjar Rusi në një intervistë për Televizionin TemA ngriti alarmin se ky ngërç me Gjykatën e Lartë ka bërë që kriminelë që mund të dënoheshin edhe me burgim të përjetshëm të lirohen për shkak se humb fuqia e paraburgimit.

Presidenti i Republikës, Ilir Meta ka dekretuar lirimin dhe emërimin në detyrë të disa ambasadorëve shqiptarë që lëvizin për shkak të përfundimit të mandatit të tyre.

Ilir Melo, Kastriot Robo, Qirjako Kureta, Riza Poda, Ilir Abdiu dhe Ridi Kurtezi janë liruar nga detyra e ambasadorit, përkatësisht në Kroaci, Danimarkë, Bullgari, Çeki, Finlandë-Norvegji dhe Spanjë.

Ndërkohë që disa prej tyre janë riemëruar në vende të tjera. Konkretisht Riza Poda dhe Ridi Kurtezi janë emëruar si ambasador në Bosnje-Hercegovinë dhe Mal të Zi.

Kryeministri Edi Rama ka paralajmëruar sot gjatë një interviste në emisionin “Përballë” në RTSh dy nisma që ai synon t’i materializojë në muajin shtator: së pari janë ndryshimet e mundshme në kabinetin qeveritar, siç tha ai “pas një analize të thellë dhe një bilanci” dhe së dyti është oferta që do të vihet në tavolinë për opozitën. Për këtë të dytën z. Rama ndër të tjera tha: