Në Vëmendje

Lajmet për abuzime nga punonjës të OSHEE-së në faturimin e energjisë elektrike, po nxjerrin në sipërfaqe një problem serioz në administrimin e këtij shërbimi. Sot “Top-Channel” sillte në vëmendje rastin e një qytetari në Bradashesh të Elbasanit, i cili ishte faturuar me rreth 20 mijë kw. Ndonëse OSHEE-ja ishte vënë në dijeni për situatën dhe faturisti u largua nga puna, çështja e qytetarit ka mbetur pa zgjidhje. Problemi nuk është sporadik, por ka përhapje të madhe.

Duke folur në emisionin “Të Paekspozuarit” të Ylli Rakipit, Lubonja ka thënë se Shqipëria ka nevojë për një lëvizje politike si në Greqi, Itali apo Spanjë.
“Kur flas për sistemin nuk flas për drejtësinë po për të gjithë sistemin politik, mediatik, juridik, ekonomik, i cili është i gjithi që duhet ndryshuar.
Domethënë nuk është problemi që është vetëm drejtësia që çalon, edhe Xhafa tha që është politika që se ka lënë, tani po heq dorë politika pretendon ai.

Duket se kriza e shërbimeve shtetërore nuk ka për të mbaruar ndonjëherë në këtë vend. Para disa muajsh u bë i njohur vendimi për rinovimin e një kategorie pasaportash për fëmijë, të cilat ishin shtypur me afat të gabuar. Ministria e Brendshme e shtyu afatin me 1 vit, por sërish ishin qytetarët që paguan për dëmin e krijuar nga shteti. Në këtë fund viti, qytetarë shqiptarë që jetojnë jashtë u përballën me probleme në doganat shqiptare pikërisht për këtë problem. Sot “Vizion Plus” raporton për një tjetër radhë që krijohet nga ndryshimi në dokumentacion.

Televizioni italian RAI ka realizuar një reportazh në Shkodër duke zbuluar kështu rrugën e trafikut të armëve nga Shqipëria, të cilat bien në duart e xhihadistëve të ISIS.Reportazhi nis me gazetarin italian i cili kalon Liqenin e Shkodrës me varkë për të takuar trafikantët, të cilët mbeten anonim.
Ai madje ka filmuar të gjithë rrugën që përshkojnë armët deri sa bien në duart e xhihadistëve të ISIS, të cilët tentojnë të kryejnë sulme terroriste në Europë.

Parkimet me konçesion po mbijnë gjithandej, pjesë e planit të kryebashkiakut Erion Veliaj për shërbimet publike kundrejt pagesës te privati. Së fundmi Veliaj lajmëroi se me përfundimin e ndërtimit të Xhamisë së Namazgjasë, Tirana do të përfitojë edhe një parkim nëntokësor me 200 vende, disa parqe, qendra kulturore dhe një hapësirë të re për qytetarët. "Xhamia e Namazgjasë është një stoli për qytetin e Tiranës dhe jo thjesht një objekt për besimtarët myslimanë. Lajme akoma më të mira vijnë për faktin se kjo xhami, nuk do t’u shërbejë vetëm besimtarëve, por edhe qytetarëve të Tiranës.

Emisioni investigativ “Fiks Fare”, mbrëmjen e së martës ka udhëtuar në qytetin e Korçës, ku në vijimin e denoncimeve lidhur sistemin e drejtësisë, ka sjellë për shikuesit pronat disa miliona euro që janë në pronësi të gjyqtarëve apo prokurorëve.