Në Vëmendje

Para disa javësh nga Rusia u transmetua një kronikë që fliste për zhvillimin e një softi për njohjen e fytyrave dhe krahasimin e tyre me imazhin e regjistruar në VK, që është Facebook rus. Një shkrepje fotografie nga një smartphone dhe softi mandej bën kërkimin në VK duke identifikuar se me kë përputhet fotografia e shkrepur. Rezultati: me anë të fotos zbulohet identiteti i personit, ose më saktë identiteti me të cilin ai ka vendosur të regjistrohet në rrjetin social.

Shqipëria është në prag të epidemisë së gripit. Numri i rasteve të trajtuara gjatë javës së fundit në poliklinika dhe spitale është thuajse 16 mijë të sëmurë. Rritja me shpejtësi e numrit të të sëmurëve ka vënë në alarm Ministrinë e Shëndetësisë e cila ka urdhëruar mbylljen e çerdheve, kopshteve dhe shkollave të arsimit parauniversitar si masë paraprake për mos përhapjen e epidemisë tek fëmijët, të cilët janë një ndër grupet me të rrezikuara.

A do të detyrohet kryeministri të japë dorëheqjen? Ky është titulli i një shkrimi në gazetën e majtë izraelite “Haaretz”, një kritike e fortë e Benjamin Netanyahut. Shkrimi merr shkas nga “mësymja” e policisë në shtëpinë e kryministrit për ta marrë në pyetje rreth hetimeve ndaj tij. Akuzat janë dy: korrupsion përmes dhuaratave dhe tjetra një çështje më e madhe, por për të cilën nuk jepen hollësi.

Franca zyrtarizon shqetësimin e vet për azilkërkuesit shqiptarë. Gazeta “Le Monde” i ka lënë dje një vend Shqipërisë dhe shqiptarëve që paskan dyndur Francën me kërkesa për azil politik. Gazeta madje shkruan se ka një shqetësim të posaçëm për këtë, pasi 5 700 shqiptarë kanë paraqitur një kërkesë në këtë vend. Kërkesat janë trefishuar në tre muajt e fundit, duke sinjalizuar një prirje shqetësuese. Lajmi është ndërtuar nga një letër që ambasadori francez në Tiranë, Bernard Fitoussi i ka dërguar Ministrisë së Brendshme shqiptare.

“Panorama Sport” raporton sot se në projektin e ndërtimit “Arenës Kombëtare”, stadiumi që zëvendëson “Qemal Stafën” e dikurshëm, është shtuar edhe një parkim nëntokësor. Personi përgjegjës në FSHF për infrastruktirën, Arben Dervishaj ka dhënë këtë sqarim:

Kur e ardhmja mbetet në dorë të LSI-së së Ilir Metës. Paradoksi i këtij tranzicioni duket të mos ketë fund për qytetarët shqiptarë që sot dëshmojnë sesi Bashkia e Tiranës, e drejtuar nga i punësuari i Edi Ramës, Erjon Veliaj, po zhbën atë që premtoi. Zero ndërtime në katër vjet me planin e ri urbanistic shndërrohet në ndërtime kudo ku ka hapsira. Zyrtarë të Bashkisë kanë pranuar se ndërtimet do të përfshijnë edhe njësinë nr.8 e njohur si zonë e ruajtur, meqenëse aty banorët nuk kanë të drejtë të përmirësojnë standardet për shkak se nuk u lejohet ndërhyrja. Jo më.

Një botë e trazuar. Madje më shumë se kaq ndoshta. George Soros ka publikuar një opinion të vetin në Project Syndicate ku apelon për mbrojtjen e shoqërisë së hapur,  që sipas tij kërcënohet nga forma të fashizmit dhe shtetet e tipit mafioz. Soros, vetë promovues i konceptit të shoqërisë së hapur që e huazoi nga mentori i tij Popper, pranon se kriza e shoqërive të sotme, edhe e modelit të shoqërisë së hapur, lidhet me dështimin e lidershipit për t’iu përgjigjr kërkesave dhe pritmërive të elektorati.

Ben Blushi ka qenë në Zharrëz, aty ku po zhvillohet një grevë urie ndaj punimeve të kompanisë “Bankers”. Ai ka folur me banorët duke u kërkuar atyre që të bëhen bashkë dhe shkojnë në Fier, në një marshim që do t’I bënte të njohur Shqipërisë atë që po ndodh. Blushi ka akuzuar mediat se po censurojnë zhvillimet dhe prezenca e tij aty i jep një dimension politik ngjarjeve.

Fatos Lubonja është një kritik i Edi Ramës dhe qeverisjes së tij. Madje pa e tepruar, si me shumëkënd që merret me opinionin politik, Lubonja bashkon në qëndrimet e veta si premisë edhe antipatinë thuajse organike për kryeministrin. Ky është efekti jopozitiv i Edi Ramës që prodhon refluks të madh mbi të dhe qëndrimet e personalizuara mbi shtetin. Sot në një koment të bërë në studion e "News24", Lubonja deklaron se teza e PD-së për përplasje është realiste.

Grevistët e urisë në Zharrëz kanë dëbuar Prefektin e Qarkut që ka marrë rol negociatori. Shpërthimet në Zharrëz si pasojë e punimeve të Bankers kanë krijuar dëme në banesa.