Në Vëmendje

Barna të importuara në Shqipëri që prej vitit 2005 u gjetën të groposura në në shtratin e lumit në njësinë Zall Bastar në Tiranë. Denoncimi u bë nga emisioni investigativ “Stop” në Televizionin Klan. Agjencia Kombëtare e Barnave dhe paisjeve mjeksore thotë se barnat e gjetura janë futur në Shqipëri kontrabandë.

Ish-kryeministri Sali Berisha ka postuar në rrjetet sociale dy foto, të cilat sipas tij tregojnë vilën e re luksoze të ministres së Arsimit, Lindita Nikolla. Sipas denoncimit vila e ministres kap vlerën e 1.1 milionë eurove. Ish-kryeministri i  bej thirrje prokurorise se shtetit te nise me perparsi hetimin per verifikimin e akuzave te qytetarit dixhital, ndërsa vetë ministrja nuk ka reaguar lidhur me këtë lajm.

Fondacioni Shoqëria e Hapur për Shqipërinë publikon sot atë që e quan Indeksi i Pandëshkueshmërisë  që sipas tij është shumë i lartë. Kjo bazuar në perceptimin e përgjithshëm që shkon deri në 94% të të intervistuarve.

“Lidhur me skenaret e propozuar mbi shkelje te ndryshme te zyrtareve, vihet re nje mungese besimi lidhur me ndeshkueshmerine e ketyre rasteve. Perjashtim ben ‘besimi ne ndeshkueshmeri per skenarin e akuzave per deputete te inkriminuar‘, me nje rritje prej 43 pikesh ne krahasim me 2014”, thuhet në këtë publikim.

Ekskluzive. Ky është titulli që lexoje deri pak minuta më parë në Javanews.al, një media afër qeverisë shqiptare. Çfarë ishte ekskluzive mund të pyesë shumëkush? Ekskluzive na qenkëshin mesazhi i urimit të Edi Ramës, kryeministrit të Shqipërisë për Donald Trump. Po t’i besojmë këtij ekskluziviteti kartografik, faksimilja na thotë se mesashi është dërguar më 20 janar.

Një makinë e një banke të nivelit të dytë është grabitur në rrugën Rinas - Tiranë. Punonjësit thonë se patrulla e policisë ka qenë afër, duke akuzuar madje për implikim. Video e publikuar nga Tv Klan: 

Një ditë pas raportit të Grupit Ndërkryeministror të ngritur nga qeveria për vlerësimin e situatës në fshatin Zharrës, ku prej muajsh ka patur lëkundje të tokës, koknkluzioni është se qeveria është e pafuqishme për të detyruar kompaninë Bankers të pranojë përgjegjësitë dhe të dëmshpërblejë banorët.

Zëra të ndryshëm në Bullgari pretendojnë se në Shqipëri ka një minoritet bullgar. Kjo rrëfenjë ka vite që tirret në këtë vend, për qëllime që nuk është vështirë të kuptohen. Së pari historia merret këtu si një indeks demografik dhe publikohen shifra. Vite më parë në mediat shqip u publikuan disa deklarata të ish-drejtorit të Muzeut të Sofjes, sipas të cilit në Shqipëri mund të ketë edhe 1.5 milionë bullgarë, mbetur këtu nga koha e Car Samuelit në kohën e perandorisë bullgare.

Dalin në dritë të tjera fakte mbi çështjen CEZ , që duket se kompromentojnë qëndrimin e shtetit shqiptar në lidhje me zgjidhjen e konfliktit me kompaninë çeke dhe rolin që ka patur në këtë histori Avokatja e Shtetit, Alma Hiçka. Gazeta “Rilindja Demokratike” raporton se zyra që ka mbrojtur kompaninë në gjyqet që kjo e fundit ka pasur me shtetin shqiptar drejtohej nga Envi Hiçka, burri i avokates së shtetit, Alma Hiçka, e cila mbronte interesat e shtetit shqiptar.

Drejtori i Muzeut Kombëtar, Melsi Labi është shkarkuar nga detyra. Vendimi i ministres së Kulturës, Mirela Kumbaro, vjen pas reagimit publik të Labit për buxhetin e ulët akorduar Muzeut. Ai akuzoi hapur për favorizim të sipërmarrjes private, konkretisht Carlo Bollino me Bunk'art-et e hapura së fundmi. Duket se cenimi i bërë nga Labi ka vënë në lëvizje shkarkimin që formalisht është marrë nga Kumbaro. Mediat raportojnë se shkarkimin Labit ia ka komunikuar vetë ministrja që është shprehur se akuzat e tij nuk qëndrojnë. 

Më poshtë deklarimet e Labit: 

Qeveria aktuale ka propaganduar shumë atë që ajo e quan reformë në shërbimet publike. Dhe disa hapa janë hedhur, ndonëse ato janë në vazhdën e punëve të mëparëshme. Kështu licencat me një sportel dhe regjistrimi i biznesit me një sportel u mundësuan që në qeverisjen e Sali Berishës. Qeveria aktuale ka ndërmarrë dy nisma që synojnë thjeshtimin e ofrimit të shërbimeve publike dhe uljen e kostove: Agjencia e Ofrimit të Shërbimeve të Integruara dhe portali unik qeveritar E-albania.