Në Vëmendje

Diçka po ndodh në provincën shqiptare e cila ka kohë që qëndron jashtë vëmendjes. Ky është roli i fesë në përpunimin dhe kapitalizimin social të shtresave të margjinalizuara të shoqërisë. Kjo ndodh shpesh në shumë vende, por nuk ka sesi të miratohet kur normat që adoptohen vijnë ndesh me kohën, me të drejtën e njeriut për të zgjedhur.

Derek Chollet, zv. President Ekzekutiv dhe Këshilltar i Lartë për Sigurinë dhe Politikën e Mbrojtjes në Fondin Marshall të ShBA thotë se politika amerikane ndaj Ballkanit është e paqartë. Chollet ka qenë Ndihmës Sekretar i Mbrojtjes dhe Ndihmës i posaçëm i Presidentit dhe është njohës i çështjeve të rajonit. Komentet e tij në intervistën për Europeanwesternbalkans.com paraqesin rëndësi pasi politika e vendeve si Shqipëria po luan së fundmi me fiksionet e një mbështetjeje dhe vazhdimësie që nuk rezulton me ndërrimin e administratës amerikane.

Ministri i Jashtëm rus Sergei Lavrov ka bërë disa komente për situatën në Ballkan dhe rritjen e ndikimit rus në rajon, siç cilësohet kjo gjë nga perëndimi. Në një leksion të zhvilluar me oficerët e Akademisë së Shtabit të Përgjithshëm të Rusisë ai ka cilësuar se “shumë gjak rus është derdhur në Ballkan”, duke nënvizuar se konsideratat për ndikimin rus në fakt injorojnë një histori të vjetër marrëdhënies. 

Një aktivitet i Sirea Film për Rekordet Guinnes është bërë shkak që ndonëse ditë e shtunë trafiku në Tiranë të paralizohet. Me lejen e Bashkisë së Tiranës, koncerti do të mbahet në sheshin mes Ministrisë së Transporteve dhe Ministrisë së Energjisë për dy ditë. Për këtë arsye Policia e Rrugore të Tiranës është urdhëruar të bllokojë trafikun edhe në disa akse të rëndësishme, duke këshilluar qytetarët të evitojnë qarkullimin në drejtim të “Dëshmorëve të Kombit” dhe rrugët “Çamëria”, “Myslym Shyri”.

Një hetim i Prokurorisë së Krimeve të Rënda implikon strukturat e policisë në trafikun ndërkombëtar të drogës. Bëhet fjalë për përfshirjen e 4 policëve të pikës kufitare të Qafë Thanës në trafikimin e 8 tonë kanabis nga Maqedonia drejt Belgjikës, me një kamion që kaloi tranzit nga Shqipëria dhe u kap në Ankona të Italisë.

Në mungesë të një takimi lamtumire me shqiptarët dhe kolegët e qeverisë, ish-ministri i Shëndetësisë, Ilir Beqa bëri vetë një bilanc në facebook për arritjet që shënoi si ministër në fushën e shëndetësisë. Renditje shifrash që përmblidhen në një fjali dëftore të rendit heroik. “Ia dolëm që të realizojmë diçka që ishte thjesht, e paimagjinueshme, vetëm tre vjet e gjysëm më parë”-shkruan Beqaj. Po vërtet beson Beqaj se shqiptarët nuk imagjinonin 3 vjet më parë spitalet që kanë sot dhe se fatura e ilaçeve është më e lirë para se ai të vinte ministër?

Presidenti i Komisionit Europian, Jean Claude Juncker ka deklaruar në një intervistë për Financial Times, se qëndrimet e Donald Trump për inkurajimin e BREXIT edhe në vende të tjera, do të çonte në shpërbërjen e Bashkimit Europian. Sipas tij, ky proces do të hidhte farën e luftës në Ballkanin Perëndimor, duke dëshmuar në një vështrim të parë se presidenti i ri amerikan nuk e njeh historinë e komplikuar të Europës.

Akuzat për marrëveshjen e detit me Greqinë janë rrëzuar pasi Prokuroria e Tiranës ka pushuar hetimet për ish-sekretarin e Përgjitshëm të Ministrisë së Jashtme, Ferit Hoxha, kryenegociator i marrëveshjes, kundëradmiralin Kristaq Gërveni, dhe ish - sekretarin e Përgjitshëm të ministrisë, Gazmend Turdiu. Tv Klan referon burime nga organi i akuzës, sipas të cilit personat në fjalë janë marrë në pyetje, por nga dëshmitë e tyre nuk janë gjetur element të veprës penale. Gjithsesi arsyet e vendimit nuk janë bërë të ditura. 

Ballkani duket se ka hyrë në modën e analizave kur vjen puna të flitet për Europën. Kjo e fundit po provon edhe njëherë dobësitë e veta duke mos arritur të shtrijë standardet e demokracisë dhe stabilitetit edhe në këtë rajon të saj. Por Europa duhet të merret me Ballkanin, sado e bezdisshme është kjo gjë.

Fatos Tarifa ka vendosur të përfshihet në një debat që është hapur së fundmi për transmetimin e filmave të prodhuar nga Kinostudio në kohën e regjimit të Enver Hoxhës. Tarifa shfaqet menjëherë si dashamirës i artit dhe i atyre që i quan “vlera kulturore të popullit tonë”, duke deklaruar se ndalimi i filmave është censurë neobolshevike.