Në Vëmendje

Studentet e familjeve ne nevojë që ndjekin studimet master rrezikojnë të humbasin vitin akademik. Shkak sipas tyre është bërë mospërfshirja e tyre në vendimin e  Këshillit të ministrave  që mundëson rimbursimin në masën 50% të kësaj pagese. Studentet e masterit në fakultetin ekonomik, thonë se këtë vit vendimi ka përcaktuar që përfitues të  jenë vetëm studentet e ciklit te parë duke i lënë jashtë ata që ndjekin masterin.

Përforcohet edhe më tej ideja e një unioni për Ballkanin Perëndimor, si një formulë të cilën BE-ja e sheh si më të mirën për të zbutur integrimin e vendeve tona. Në një intervistë për “European Western Balkans”, Jiří Schneider, drejtor Ekzekutiv në Institutin Aspen, ish-zv.ministër i Çekisë, thotë se aktualisht sfidat e sigurisë janë kryesoret. Me këtë përcaktim mundet të kuptohen fare mirë se përse tolerohet shumëçka në rajonin tonë nga një Europë që deri më dje kërkonte standarde përmbi të gjitha.

Lavdrim Muhaxheri, kosovari që ishte pjesë e organizatës terroriste ISIS, është vrarë gjatë një sulmi amerikan kundër Shteti Islamik. Gazeta "Metro", raporton se brenda Ministrisë së Punëve të Brendshme të Kosovës është bërë e ditur se Muhaxheri është vrarë nga një sulm me dron i kryer nga forcat e Ushtrisë amerikane.

Ish-presidenti kroat, Ivo Josipoviç, ka dhënë dje një intervistë për agjencinë serbe të lajmeve “B92” në kuadër të vizitës së tij në Beograd për një akivitet artistic. Josipoviç flet gjerësisht për raportet mes dy vendeve, për Ballkanin dhe për nevojën e integrimit. Sipas tij në Europë ka disa politikanë që janë lodhur nga Ballkani, nga nacionalizimi i tij i zhurmshëm, nga korrupsioni, antagonizmi dhe loja me reformat.

Shoqata Kombëtare e Gjyqtarëve dhe Unioni i Gjyqtarëve të Shqipërisë, depozituan një padi në Gjykatën Kushtetuese kundër ligjit “Për organet e qeverisjes së sistemit të drejtësisë”, ligjit “Për statusin e gjyqtarëve dhe prokurorëve”, si dhe ndaj ligjit “Për rivlerësimin kalimtar të gjyqtarëve dhe prokurorëve në Republikën e Shqipërisë” – i njohur gjithashtu si ligji i vetingut.

Siç treguan ngjarjet e fundit në Europë, ka shumë gjasa që sulmet terroriste të jenë kryer nga xhihadistë të rritur në kontinentin europian dhe jo të “i importuar” nga vendet e lindjes.

Milo Đukanović, ish-kryeministri i Malit të Zi, ka apeluar përmes një interviste për televizionin austriak ORF, që Europa të mos lejojë që Ballkani të kthehet në pikën kritike të saj.

Ai ka shpjeguar rrugën e ndjekur nga Mali i Zi, qysh në kohën kur ai drejtonte qeverinë aty, duke theksuar se qeveritë nuk duhet të ndjekin opinionin publik, por ta krijojnë atë dhe të ndryshojnë trashëgiminë e pafavorshme historike.

Sipas tij, projektet infrastrukturore kanë shumë rëndësi për integrimin e rajonit në BE dhe në këtë drejtim ai nuk ka kursyer kritikat.

Një tjetër sondazh nxjerr Partinë Socialiste forcë të parë në zgjedhjet e 25 Qershorit. Instituti italian "Piepoli" i cili u prezantua në Report Tv intervistoi një kampion prej 800 personash, ku sipas sondazhit PS fiton zgjedhjet parlamentare dhe siguron 69 deri në 73 mandate, me një marzh gabimi 48-52% të votave. 

​PD do merrte 28-32% të votave ose 41-45 mandate në Kuvend. Lëvizja Socialiste për Integrim, në rang kombëtar sipas sondazhit ruan të njëjtat shifra si në 2013-ën me 9-13% të votave ose 14-18 deputetë në Kuvend. 

Me hyrjen në fushatën elektorale nën ndikimin e një marrëveshjeje që ka tjetërsuar sjelljen e partive, po flitet përherë e më shumë për një ndryshim të madh, për një fitore vetëm, për një makinë që ecën pa të tjerë në prehër. Partië synojnë fitoren e plotë për të eliminuar konçesionet rrugës. Kjo është alibia të paktën. Kësaj qasjeje kryetari i ri i LSI-së, Petrit Vasili i ka kundërvënë si argument, rastin e referendumit të vitit 1994 për Kushtetutën.

Kryeministri Edi Rama ka publikuar një spot për fushatën elektorale në “Facebook” ku shfaqet si polic dhe ndalon një shofer që kalon me semafor të kuq. Me anë të këtij spoti elektoral kryeministri kërkon të tregojë se është i vendosur të bëjë shtet dhe në këtë kontekst thotë se gjobat nuk falen, pasi do ndërtohen shkolla dhe kopshte.