Lajme

Autoriteti kombëtar i Ushqimit nuk ka lëvizur as gishtin pas një investigimi të emisionit “Stop” që zbuloi një punishte ku prodhoheshin tonelata pije alkoolike e freskuese false, verë e deri tek vaji i ullirit ekstra i virgjër, me etiketa në gjuhen italiane. Kamera e fshehtë e shfaqur në emisionin e të martës në Tv Klan, ka hyrë brenda fabrikës “Briland Shkodër”. Ka zbuluar të gjitha llojet e pijeve që përgatiten në këtë fabrikë pa asnjë kontroll dhe shiten për origjinale. 

Në marrëdheniet mes Athinës dhe Shkupit duket sikur po fryn një erë e re pas ardhjes në pushtet të Zoran Zaev dhe koalicionit të partive shqiptare. Komuniteti ndërkombëtar është investuar që dy vendet të zgjidhin mosmarrëveshjet për emrin në mënyrë që Maqedonia të afrohet sa më shpejt me NATO-n dhe Bashkimin Europian, aq më tepër kur flitet për një kërcënim rus.

Sot në Komisionin Parlamentar të Veprimtarive Prodhuese është debatuar për ligjin e mbetjeve. Një ditë më parë, Partia Socialiste tërhoqi projektligjin duke argumentuar se do ta diskutojë me komunitetetet. Më tej akoma, si për të konfirmuar këtë reflektim, propozesi i projektit, Eduard Shalsi, është tërhequr nga nisma, duke deklaruar se opinioni është manipuluar.

Vladimir Zelinskij, studiues i mendimit filozofik dhe fetar, pedagog i gjuhës dhe kulturës ruse në Universitetin Katolik në Romë, jep disa mendime për atë që ndodh sot në Rusinë e Vladimir Putinit. I intervistuar nga gazeta “Avvenire”, Zelinskij e hap komentin e vet me përshkrimin e gjendjes shpirtërore të moskovitëve.
“Doni të vidhni paratë tona. Dakord, vazhdoni, por lëreni të qetë qytetin tonë”.

Greqia është shtylla e strategjisë amerikane në rajonin e Ballkanit. Këtë pohon në një intervistë për gazetën greke “Kathimerini”, ambasadori amerikan në Athinë, Geoffrey Pyatt.

400 milionë vjet dritë larg. Kjo është distanca e sistemit më të afërt të vrimave të zeza binare me Tokën. Zbulimi është bërë nga disa qendra kërkimore në SHBA që raportojnë se dy vrimat e zeza që orbitojnë ndaj njëra – tjetrës ndodhen në galaktikën NGC 7674. Ato ndodhen në distancë 1 vit dritë larg nga njëra-tjetra që është rekord i ri krahasuar me rrezen më të shkurtër të orbitimit të regjistruar deri më tani, që ishte 24 vjet dritë.

Qeveria dhe Banka e Shqipërisë mendojnë të përjashtojnë individët nga e drejta për të marrë pjesë në ankandet e bonove të thesarit dhe obligacioneve shtetërore. Lajmi raportohet nga “shqiptarja.com” sipas të cilës për këtë çështje po punohet me një projekt konkret.

Ndërroi jetë në moshën 77-vjeçare Stanislav Petrov, ish-oficeri i ushtrisë sovjetike, i cili shmangu katastrofën botërore gjatë Luftës së Ftohtë. Në vitin 1983, në kohën kur ishte në detyrë, në qendrën ruse të paralajmërimit të kërcënimit bërthamor, kompjuterat treguan gabimisht raketa që vinin nga Shtetet e Bashkuara. Petrov nuk e dha alarmin e një sulmi ndaj Rusisë, pasi kuptoi se ishte një alarm i rremë, duke shmangur luftën bërthamore mes SHBA-ve dhe Rusisë. Stanislav Petrov ndërroi jetë në shtëpinë e tij në Moskë, në muajin maj, por vdekja e tij nuk ishte bërë publike.

Mazhoranca ka vendosur që dy nisma ligjore, ajo për heqjen e dekoratave për bashkëpunëtorët e ish-sigurimit të shtetit dhe dekreti për menaxhimin e integruar të mbetjeve të cilat u përfshinë në kalendarin e punimeve të Kuvendit për periudhën 18 shtator deri në 13 tetor, të hidhen për diskutim në popull.

Pranë brigjeve belge është gjetur së fundmi një nëndetëse gjermane e Luftës I Botërore me 23 trupat e ekuipazhit brenda. Nëndetësja është gjetur e paprekur dhe sipas Guvernatorit të Flandrës Perëndimore, Carl Decaluwe, “gjetja është tepër unike”.

“Dëmtimi ishte në pjesën e përparme, por nëndetësja është e mbyllur dhe aty janë ende 23 njerëz në bord”, citon Associated Press.