Lajme

 Disa shkencëtarë gjermanë kanë zbuluar me ndihmën e teleskopti Hubble një tip shumë të veçantë objekti në sistemin diellor. Objekti konsiston në dy asteroid që orbitojnë ndaj njëri-tjetrit, kanë karakteristikat e një komete dhe ndodhet në rripin e asteroidëve mes Marsit dhe Jupiterit. Asteroidi binar quhet 288P dhe u zbulua në shtatorin e vitit 2016 dhe bishti që shfaqin njësoj sit e kometat, dëshmon për avullimin e ujit të akullt që ndodhet brenda tyre.

Bën leksione për transparencën dhe qeverisjen e mirë, por në fakt, nuk përjashtohet vetë nga praktika e njohur e fshehjes së informacionit dhe keqpërdorimi i fondeve. Një i tillë është financimi i një studimi për ndikimin e piraterisë në shitjet e materialeve të drejta të blera në fushën e muzikës, videolojërave, librave dhe filmave.

Ministri i Jashtëm i Shqipërisë, Ditmir Bushati, ka folur gjatë një interviste për Zërin e Amerikës edhe për marrëdhëniet me Greqinë, të cilat arritën nivelin më të ulët në katër vitet e fundit. Në këtë drejtim Bushati nuk ka patur ç’të thotë shumë dhe ka përsëritur suksesin e arritur në fillim të mandatit të parë të qeverisjes socialiste me çështjen e toponimeve.

Dëbimi i banorëve të Shkozës nga shtëpitë e tyre është i jashtëligjshëm. Kështu shprehet drejtoresha e Komitetit Shqiptar të Helsinkit Erida Skëndaj. Sipas saj, Shqipëria ka ratifikuar konventën e OKB-së që nuk lejon dëbimin e qytetarëve të sajë nga banesat e tyre qofshin ata me dokumente të rregullta apo edhe të parregullta.

TemaTv

Nga mbledhja e djeshme e kryesisë së PD-së, mbetet si lajm vetëm njoftimi i kryetarit me vulë Lulëzim Basha, në pronconcimin për gazetarët: 

“Sa kohë të jem unë në krye të PD nuk do të ketë fraksione, por do të këtë hapësirë për këdo demokrat që të punojë për qëllimin e përbashkët. Është qëllim kombëtar për të çliruar vendin nga zgjedha e krimit”, tha Basha.

(Jo)Karakteri i kreut të PD-së po kushtëzon edhe misionin opozitar të PD-së. Për çdo dështim në politikë mbahet përgjegjësi dhe kësaj i është shmangur vazhdimisht kryetari i ri i Partisë Demokratike. E bëri pas humbjes së zgjedhjeve dhe vazhdon të operojë me të njëjtin karakter edhe pas rizgjedhjes në krye të PD-së siç u pa nga të gjithë. Edhe kur duhet të japë llogari brenda partisë dhe pyetet drejtëpërdrejt për veprimet që ka ndërmarrë, Basha nuk ka përgjigje të vërteta.

Para dy javëve, TemA TV i kërkoi shpjegime Autoritetit të Komunikimeve Elektronike dhe Postare, për urdhrin e dhënë rreth paketave që kompania Vodafone u ofronte punonjësve të Policisë së Shtetit. Pas këtij urdhri, policëve iu hoqën paketat ku ofroheshin falas thirrjet telefonike me njëri tjetrin për llogari të punës së tyre.

Kryetari i grupit parlamentar të LSI-së denoncoi përmes facebook-ut futjen në kalendarin e punimeve të kuvendit të rishikimit të kontratës konçesionare për pullën fiskale të barnave. Vasili thotë se kjo është një tjetër taksë që qeveria e Edi Ramës po vendos mbi shëndetin e shqiptarëve dhe i bën thirrje kryeministrit të tërhiqet.

Ministri i Financave dhe i Ekonomisë, Arben Ahmetaj, ka paralajmëruar nisjen e një faze të re të luftës kundër informaliteti nga 1 tetori. Kjo fazë do të zgjasë një vit dhe sipas tij do të ketë vëmendjen më të madhe te biznesi i madh. Ahmetaj e ka bërë të ditur këtë gjë gjatë vizitës në një biznes prodhues të produkteve ushqimore.

Teksa  manovrat e vazhdueshme të ushtrisë turke në kufirin me Irakun nxjerrin në pah shqetësimin e Ankarasë për referendumin që autoritetet e Kurdistanit kanë njoftuar për të hënën e ardhshme, Erdogan ka kërcënuar kurdët e Irakut me sanksione ekonomike.

Duke folur në Asamblenë e Përgjithshme të OKB-së, presidenti turk i bëri thirrje qeverisë lokale të Masud Barzanit të anulojë referendumin, duke argumentuar se referendumi do të hapë një cikël të ri të konflikti dhe jostabiliteti në Lindjen e Mesme.m"Mos filloni një proces që do t'ju privojë edhe nga ato që keni"-deklaroi Erdogan.