Lajme

Ikja nga Shqipëria është një tipologji e shoqërisë shqiptare që prej viteve të Skëndërbeut, për të cilin Papa Françesku mbajti një audiencë në sallën Klementinë të Vatikanit.  

Fjalimin e tij, kreu i Kishës Katolike e nisi me një mesazh domethenës për udhëheqjen politike dhe jo vetëm. Shqetësimi i tij ka të bëjë me mungesën e perspektivës që ofron Shqipëria, përgjegjësi direkte e "elitës" që drejton dhe qeveris.

Ish-ministri i Jashtëm grek Nikos Kotzias ka bërë një tjetër deklaratë shokuese lidhur me implikimin e zyrtarëve grekë në një rrjet të trafikimit të organeve të fëmijëve.

Gjatë një interviste ai foli për 93 raste të tilla dhe diplomatë të cilët përfunduan në burg pas denoncimit nga Ministria e Jashtme. 

Teksa qeveria vazhdon të mos i konsiderojë banorët e Unazës së Madhe që protestojnë kundër prishjes së shtëpive që preken nga zgjerimi i rrugës, përplasja duket e pashmangshme.

Pamvarësisht përpjekjeve për ta deligjitimuar shqetësimin e banorëve, duke i etiketuar me lloj lloj përcaktimesh, shteti vendosi të tregojë dhëmbët.

Ka një përpjekje që çështja “Lleshi” të banalizohet si aspekt llastimi i Presidentit të Republikës. Si tekë e tij për të imponuar një faktorizim fiktiv me shumicën e drejtuar nga Edi Rama, që i bën hije të gjithë Shqipërisë. Po flitet për Republikën e Bindjeve e të tjera terma të sforcuar kafenesh, që sipas disave kanë zëvendësuar Kushtetutën. Përsëritja e kësaj teze në fakt synon të likujdojë me një faturë mediatike për Ilir Metën atë që në fakt ishte karabushllëku i Edi Ramës.

Lajmi për dënimin e ish-kryeministrit të Maqedonisë, Nikola Gruevski me dy vjet burg nga një gjykatë e shkallës së dytë, me siguri nuk  ishte si një "rrufe në qiell të hapur”. Gruevski është i njohur gjerësisht për dy "arritje". E para për  rritjen e nacionalizmit sllavomaqedonas dhe e dyta për përfshirjen në një seri rastesh të korrupsionit.

 46 mijë njerëz morën pjesë sot në protestat kundër rritjes së çmimit të karburanteve në Francë.  Kjo është dita e dytë dhe siç raporton “France 24” dje pjesëmarrja ishte 300 mijë.

Tahmaja e madhe të lë pa gjë. Këtë thonë një fjalë e urtë e një zone në Shqipëri, e cila në fakt aplikohet universalisht. Kjo duket se vlen edhe për një VIP si puna e kreut të grupit të industrisë “Nissan”, Carlos Ghosn, që sipas një hetimi të brendshëm të kompanisë ka raportuar të ardhura më të ulëta nga sa janë në realitet.

Prokurorët po pyesin Carlos Ghosn, kreun e bashkimit Renault-Nissan –Mitsubishi dhe pritet që ata ta arrestojnë atë nën dyshimin e raportimit të të ardhurave false

raporton “France 24”.

Në ditën e 15-të të protestës, banorët e Unazës së Re kanë kundërshtuar sërish prishjen e banesave të tyre, për t’i hapur rrugë zgjerimit të rrugës. Ata kanë marshuar në rrugë drejt zonës së sheshit “Shqiponja”, ndërsa kanë hedhur fishekzjarrë e shashka.

Edhe sot, protestës së banorëve iu bashkuan deputetët e opozitës, Flamur Noka e Klevis Balliu.

Dy javët e fundit, ata kanë zhvilluar protesta të përditshme me anë të të cilave kundërshtojnë planin që përfshin prishjen e banesave të tyre dhe dëmshpërblimin me një qira 3-vjeçare.

Në datën 18 nëntor, historiani Pëllumb Xhufi publikoi një opinion – replikë ndaj Ardian Ndreca për qëndrimet ndaj figurës së Mit’hat Frashërit. Xhufi merrej me një status të Ndrecës ku ky fundit bënte interpretime “kontraverse” për rolin e Frashërit gjatë Luftës duke shprehur animozitet ndaj politikës aktuale.

Presidenti amerikan Donald Trump e ka cilësuar vlerësimin e CIA-s se në vrasjen e gazetarit suadit, Jamal Khashoggi ka pëgjegjësi princi i kurorës Mohammed bin Salman shumë të parakohshëm. 

Ai ka deklaruar se të martën do të ketë në dorë një raport të plotë nga CIA për këtë çështje dhe ka shtuar se “vrasjet nuk duhet të ndodhin”. Por teksa ka bërë këtë deklaratë Trump ka shtuar se vlerësimet e CIA-s për implikimin e drejtpërdrejtë të bin Salman janë të mundshme, çka provon sesa delikate është çështja në fjalë.