Lajme

Askush nuk mund ta cenojë miqësinë me SHBA

Ky është mesazhi i thjeshtuar që po lexohet në Kosovë pas letrës së zv.ndihmës sekretarit amerikan të Shtetit, Mathew Palmer.

Hashim Thaçi ka ardhur dy herë këto dy javë në Tiranë për dy intervista televizive. Ai I është drejtuar audiencës së Shqipërisë, por edhe të Kosovës me mesazhet e  veta politike mbi nevojën e marrëveshjes me Serbinë dhe çështjen e ndjeshme të kufirit. Presidenti i Kosovës nuk e ka përmendur në asnjë rast kryeministrin e Shqipërisë Edi Rama, e ka anashkaluar tërësisht duke lënë të lirë diskutimn mbi ndonjë rol hipotetik të z. Rama në këtë çështje.

Edi Rama ka premtuar se nuk do t’u ndahet gjyqtarëve që shfuqizuan burgimin e përjetshëm për Dritan Dajtin. I pyetur nga një qytetar në Lezhë ai tha se dënimi me 25 vjet i njeriut që vrau 4 policë është një akt kriminal sepse jo vetëm e liruan autorin por i rivranë katër viktimat.

“Nuk do ti ndahemi kësaj çështje dhe këtë vendimi do ta bëjmë duke bërë të gjithë presionin e nevojshme, edhe para gjykatës, besoj se nuk t’ia dalin kaq lehtë. Këta lloj gjykatësish dhe prokurorësh janë si tumore, dhe i keni parë sesi vetingu po i largon të gjithë një nga një”-tha Rama.

Qeveria shqiptare ka ndërmarrqë së fundmi një nismë ligjore që parashikon ndryshimin e praktikës së menaxhimit të rezervave minimale te sigurisë të naftës bruto dhe nënprodukteve të saj. Aktualisht këto rezerva krijohen dhe menaxhohen për 30 ditë nga operatorët në treg. Projektligji i propozuar nga Ministria e Energjisë, parashikon krijimin e një Agjencie Shtetërore e cila do të monitorojë operatorët dhe do të krijojnë rezervën e vet deri në vitin 2022.

Një raport i përgatitur nga Bertelsmann Foundation sugjeron se Gjermania do të ketë nevojë për 260 mijë imigrantë çdo vit për 40 vjetët e ardhshme në mënyrë që kërkesa për punë në vend të plotësohet. Kjo nevojë për punëtorë të huaj qëndron edhe nëse në Gjermani mosha e pensionit mes femrave dhe burrave do të barazohej në 70 vjeç, ndërkohë që vendi mendon ta çojë moshën e pensionimit në 67 vjeç në vitin 2029.

"Pavarësisht shqetësimeve të ngritura nga lufta tregtare mes SHBA dhe Kinës, kërcënimi më i madh për ekonominë botërore duket të jetë Evropa”- thotë agjencia Bloomberg

Rënia e kërkesës është e dukshme në eurozonë në krahasim me vitin 2018, madje edhe lokomotiva gjermane po ndeshet me probleme, duke paralajmëruar një rrezik real që rritja ekonomike të arrijë në më pak se 1% këtë vit.  Investitorët e kanë kuptuar këtë. Indeksi Euro i Bloomberg ka shkuar në nivelin më të ulët që nga mesi i vitit 2017, ndërsa aksionet evropiane në bursa kanë rënë.

Ka ndërruar sot jetë akademiku kosovar, Idriz Ajeti. Albanolog, gjuhëtar dhe pedagog, anëtar i Akademisë së Shkencave dhe të Arteve të Kosovës, kryetar i saj në dy mandate, anëtar nderi i Akademisë së Shkencave të Shqipërisë, akademik Idriz Ajeti ka lënë gjurmët e veta të qarta në shkencën dhe mendimin shqiptar.

Opozita parlamentare në Shqipëri ka paralajmëruar se do të protestojë më 16 shkurt kundër qeverisë. Përfaqësues të saj kanë dalë në seri për të njoftuar lloj lloj skenarësh, mes të cilëve edhe ai më i dashuri për mëmëdhetarët: populli do marrë në dorë fatet e saj. Si një konglomerat formacionesh politike që e ndjejnë se nuk kanë këllqe, mundësi dhe as kapacitet për të çuar në radikalizimin e protestës si akt politik i përgjegjshëm, opozita po ja lë në topin në derë popullit. Që në këtë rast mund të jenë militantë të saj që do të testojnë ndonjë gjë të papritur.

Qeveria sllovene akuzon Ministrin e Brendshëm italian Mato Salvini, dhe kreun  e Parlamentit Evropian, Antonio Tajani, se duan të fshehin përgjegjësitë e fashizmit në ngjarjet tragjike të Luftës së Dytë Botërore.

Të dy politikanët italianë sipas tij, bënë deklarata "të papranueshme" duke iu referuar vrasjes së ushtarëve italianëve nga partizanët jugosllavë në fund të Luftës së Dytë Botërore. Referuar këtyre deklaratave presidenti slloven Borut Pahor i dërgoi një letër homologut të tij italian Serge Matarela për të shprehur protestën e tij të fortë.

Gazeta “Koha Ditore” shkruaj sot për një mundësi trajtimi juridik dhe politik të taksës ndaj mallrave serbe. Sipas Donjeta Gashit, këshilltare e kryeministrit Ramush Haradinaj, ky i fundit është i gatshëm ta përfshijë në rend dite tarifën, nëse një prej ministrave e kërkon një gjë të tillë. 

Kryeministri Haradinaj në bazë të rregullave në fuqi, kompetencave kushtetuese dhe konform ligjit, si deri më tani, i ka proceduar të gjitha çështjet në rendin e ditës dhe do të vazhdojë t’i procedojë të gjitha çështjet që lidhen me rendin e ditës