Lajme

Në 29 janar të këtij viti, Gent Cakaj ishte ministër për Evropën dhe Punët e Jashtme. Të paktën për Teatrin e Operas dhe të Baletit.

Këto ditë, z. Cakaj është shndërruar në zëvendësministër me kompetenca të deleguara për ushtrimin e detyrës së Ministrit për Evropën dhe Punët e Jashtme. Kaq fjalë nxë edhe formati A4. 

11 punonjës, shumica prej të cilëve në nivele drejtuese janë shkarkuar nga detyra në Autoritetin Rrugor Shqiptar. 

Respublica disponon shkresën urdhëruese të drejtoreshës Sonila Qato për shkarkimin e një punonjësi të Sektorit të PPP-ve, ndërkohë që burime nga Autoriteti thonë se ka patur largime në masë.  Po kështu thuhet se ish-drejtorit të ARRSH-së, Afrim Qëndro i është ndaluar hyrja në institutcion. 

Prokuroria ka mbyllur hetimet për Saimir Tahirin. 

Ish-ministri i Brendshëm do të paraqitet të enjten për t’u njohur me akuzat. 

Krahas ish-ministrit të Brendshëm, në cilësinë e të pandehurit janë edhe 3 ish-zyrtarët e lartë të policisë së Vlorës: Jaeld Çela, Gjergji Kohila dhe Sokol Bode.

Pak ditë më parë Gjykata i dha të drejtë Tahirit, i cili e ankimoi zgjatjen dhe me tre muaj të afateve hetimore. Hetimet për Tahirin nisën në tetor të vitit të kaluar me akuzën e shpërdorimit të detyrës dhe trafik të lëndëve narkotike të kryer në bashkëpunim.

Kriza aktuale politike ka risitë e veta në një fakt që bie në sy qartë: socialistët nuk janë më në gjendje të flasin hapur për shkaqet e saj. Kur themi socialistët me këtë nuk nënkuptohen ministrat e kabinetit, por ata njerëz që kanë një karrierë përfaqësimi dhe që nuk janë aktualisht në detyra funksionale. Dhe të mos jesh në gjendje të flasësh për krizën do të thotë që të mos arrish dot ta shpjegosh atë siç duhet dhe mandej ta përcjellësh këtë shpjegim te njerëzit që sidoqoftë kanë nevojë të kuptojnë diçka më shumësesa demagogjia e zakonshme.

Opozita ka protestuar sot pasdite dhe deri në mbrëmje përpara Parlamentit të Shqipërisë. Siç është transmetuar tashmë nga mediat, protesta ka patur incidente, përdorim të ekzagjeruar të gazit lotsjellës dhe aplikimin e taktikës së një policie reaktive, pra që vepron brenda perimetrit të institucionit që mbron. Ka shumë komente dhe analiza se çfarë përfaqëson protesta. Por ajo mund të shihet nga dy drejtime: së pari nga ata që protestojnë e që nuk duhen paragjykuar dhe nga ata që vëzhgojnë. Në dinamikën e ngjarjeve qytetarët e përfshirë në të flasin më lirshëm sesa para kamerave.

Opozita iu përgjigj me protestë lëvizjes së mazhorancës për të zhvilluar këtë të martë punimet e seancës plenare.

Ndonëse e kapur në befasi nga vendimi i konferencës së kryetarëve, PD dhe partitë e tjera ia dolën të mobilizojnë strukturat e tyre për të zhvilluar një protestë paralelisht me seancën plenare.

Presioni ndaj shumicës sa vjen e rritet dhe kjo u duk në pritjen që protestuesit i bënë ministrit Klosi dhe deputetëve, të cilët patën vështirësi për t’u futur në parlament. Në fjalën e tij Basha tha se kjo është një betejë që do çliroje vendin nga klika mafioze.

Indeksi i Shëndetit Konsumator 2018, i matur nga instituti suedez Health Consumer Powerhouse, ka treguar se Shqipëria renditet e fundit nga 35 shtete evropiane për cilësinë e shërbimit shëndetësor, ndërsa listën e kryeson Zvicra për një kujdes shëndetësor pothuajse të përkryer. Pavarësisht promovimit të rritjes së cilësisë së shëndetit, në fakt duket se peshorja anon në anën e kundërt. Vendi ynë, krahasuar me një vit më parë, ka rënë tre vende duke u renditur i fundit, ndërkohë që në indeksin e vitit të mëparshëm, Shqipëria linte pas Rumaninë, Malin i zi dhe Bullgarinë.

Djegia e mandateve të opozitës ishte opsion i minutës së fundit që iu imponua Lulzim Bashës nga ish-kreu i PD, Sali Berisha. 

Protesta e 16 Shkurtit kishte një tjetër skenar që çonte sërish drejt krizës por nuk e nxirrite Partinë Demokratike nga parlamenti. Burime pranë ish-kreut të PD-së konfirmuan se ishte Berisha që nxiti vendimin ekstrem të djegies së mandateve.

Skenari i Lulzim Bashës dhe aleatëve ishte nisja e një greve urie të deputetë e të opozitës brenda ambjenteve të parlamentit, një akt i ngjashëm me atë të Ilir Metës në vitin 2008 kur drejtonte LSI-në.

A mund të shpresojë njeri në Shqipëri se zgjidhja për krizën politike mund të vijë nga Luigi Soreca? Zor se edhe vetë diplomati italian nuk ka ndonjë iluzion për këtë, fjala e tij si ambasador i BE-së ka zero peshë as në skenën politike dhe as në vendosjen e ekuilibrave 

Përfaqësuesi i fondacionit Konrad Adenauer që vepron prej vitesh në Shqipëri, Florian Feyerabend, ka deklaruar në një intervistë për agjencinë gjermane, Deutsche Welle, se lëvizjet e fundit të opozitës shqiptare janë diktuar nga defaktorizimi i saj në rolin thelbësor si kontrolluese e qeverisë. Sipas tij nuk duhen mbyllur sytë para problemeve reale që janë edhe blera e votës dhe depërtimi i krimit në politikë.