Lajme

Pas 32 vitesh punë si Prokuror, Petrit Fusha thotë se Prokuroria nuk është vendi ku ai mund të kontribuojë më mirë.

Ai ka dorezuar doreheqjen ne daten 28 shkurt ne Këshillin e Lartë të Prokurorisë. Kjo lëvizje e Fushës dyshohet se ka lidhje me kontrollin e pasurisë dhe kritereve profesionale, pasi nga doreheqja atij i nderpritet edhe procesi i vetingut.

Petrit Fusha është përfolur në opinionin publik si mbrojtësi i kryebashkiakut Erion Veliaj, pas takimit me të cilin  dyshohet se mbylli dosjen e Ardit Gjoklajt, adoleshentit që u gjet i vrarë në landfillin e Sharrës.

Pështjellim ka krijuar në Greqi një deklaratë e ambasadorit amerikan Jeffrey Paiat se Shtetet e Bashkuara kanë prova të përpjekjeve ruse për të ndërhyrë në zgjedhjet e ardhshme në vendin fqinj.

"Ne kemi parë prova të përpjekjeve të Rusisë për të minuar rolin e Patriarkut Ekumenik. Tani mund t'ju them se kam parë prova të ndërhyrjes ruse në zgjedhjet e ardhshme greke"- tha diplomati amerikan në një prononcim për televizionin grek Antena.

Agjencia Telegrafike Shqiptare ka populluar sot faqen e vet online vetëm me copëza të intervistës së kryeministrit Edi Rama në emisionin “Porta a Porta”. Kuti të vogla me të njëjtën fotografi ku shfaqet fjala “Rama” që si në një ekran me shumë kanale shfaq të njëjtën gjë. Aksionet e kreut të opozitës Basha në këtë informim janë zero, ndonëse z. Basha dha një intervistë të vetën. 

Kur nxehen gjakrat, në skenë dalin ata që dinë të heqin vallen e sherrit. Një nga këta profesionistë të zullumeve është Spartak Braho, Baba Taku me çantën e zezë siç thonë.

Janë shfaqur më në fund në media fragmente përmbledhëse nga sezoni i tetë i serialit Game of Thrones, padyshim një dukuri e këtyre viteve të fundit.

Aria Stark, Xhon Snou, Deneris Tajgerian, Tirion dhe Sersi Lanister, të gjithë protagonistë të serialit që zgjidh përballjen finale mes njerëzimit dhe të vdekurve, ose më saktë Antinjerëzimit. I cili vjen nga një kufi përtej Veriut, një lloj hiperboria e së keqes.

Opozita ka tradhëtuar votuesit dhe nuk po punon për të çuar vendin në Bashkimin Europian. Kështu ka deklaruar sot Monica Macovei, kryetare e Delegacionit të Parlamentit Europian për Shqipërinë.

Po çfarë rëndësie ka kjo gjë tashmë? Asnjë. Zero. Monica mund të llafoset sa të dojë me Macovein, problemet e shtëpisë sonë i dimë më mirë vetë.

Sot përfaqësues të opozitës kanë dorëzuar në Komisionin Qendror të Zgjedhjeve mandatet e listave shumëemërore. Kështu, të paktën sipas opozitës do të frenohet zbatimi i dispozitës që zëvedëson deputetët e larguar me të tjerë. Lista dorezohet nga subjekti zgjedhor dhe mbi të partitë kanë të drejta. Gjithësesi PD-ja duket se ka konsumuar një akt administrativ që përbën argument për debat nëse shumica do të vazhdojë me lojën e zëvendësimit. 

Pse ka rëndësi kjo? Sepse Kushtetuta në nenin 64 përcakton se Kuvendi përbëhet nga 140 deputetë. 

Kryeministri Edi Rama ka deklaruar sot në Kuvendin e Shqipërisë se kriza ëshë e opozitës. Ai ka shtuar se PS-ja do t'i fitojë të gjitha bashkitë në vend e vetme.

Pas seancës z. Rama ka deklaruar se do të bëjë një vizitë zyrtare në emisionin "Porta a Porta" të Bruno Vespës përmes të cilit do sqarojë edhe italianët për krizën aktuale. Paratë e vizitës i paguan buxheti i shtetit.

Betimi i katër deputetëve të rinj në Parlament, të gjithë nga radhët e LSI-së, mund të jetë edhe lojë e kësaj partie. Pak rëndësi ka. Episodi na sjell në mend sesi xhepi i një personi, apo arrivizmi i tij, tradhëton një angazhim më të gjerë. Deputetët e rinj mund të thonë se mandatin ua ka dhënë populli. Ashtu duhet të jetë në fakt. Populli ua ka dhënë bashkë me imunitetin. Por gjesti flet më shumë sesa origjina e mandatit ndaj ta shijojmë siç duhet këtë shfaqje që thjesht provon degradimin e të ashtuquajturës demokraci.

Panorama e krizës politike që po kalon vendi vijon edhe sot me të njëjtën shfaqje. Opozita që ka djegur mandatet dhe mbështetësit e saj u mblodhën në protestën e radhës para parlamentit, ndërsa mazhoranca nuk u tërhoq nga vendimi për të zhvilluar seancën. Kryeministri Rama e ftoi sërish opoziten për dialog, por paralajmëroi se reformën zgjedhore kjo mazhorancë do ta miratojë me opozitën e re që po zë vendet në parlament.