Lajme

Gazeta turke Daily Sabah ka publikuar transkripte të bisedës mes anëtarëve të skuadrës saudite që ekzekutoi gazetarin Jamal al Khashoggi  dhe të bisedës mes këtij të fundit dhe ekzekutorëve pak përpara se të vdiste. Gazeta shkruan se audiot e regjistruara janë siguruar nga shërbimi sekret turk – MIT – dhe mandej janë shpërndarë me autoritetet turke që kanë kryer hetimet.

Politika shqiptare ka ofruar sot një ndër shfaqjet më bajate që sugjerojnë se pazari i radhës tashmë ashtë arritur dhe po kërkohen rrugët proceduriale për të bonifikuar fekalet e prodhuara në shkallë industriale këto muaj. Në paraqitjen e tij para Komisionit Hetimor që shqyrton argumentet për shkarkimin e tij, presidenti i Republikës u pyet nga deputeti Bashkim Fino: 

Çfarë do të bëni me 13 tetorin? 

Të qenit mëngjarash ka lidhje me gjenet. Një studim i ri ka identifikuar për herë të parë rajone të gjenomit të lidhur me dorën e majtë dhe ka asociuar efektet e tyre me arkitekturën e trurit. Studimi i lidh këto ndryshime gjenetike me lidhjet midis zonave të trurit që janë përgjegjëse për gjuhën. Dihet që gjenet kanë një rol të pjesshëm në përcaktimin e asaj se cila dorë ka përparësi - studimet e binjakëve kanë vlerësuar se 25% e variacionit të mëngjarashëve mund t'u atribuohet gjeneve - por këto të fundit nuk janë studiuar me saktësi.

“Guns N’ Roses” po punojnë sërish për të realizuar kolonën zanore të filmit të ri “Terminator”. Kjo nuk është hera e parë që grupi legjendar i rrokut punon për këtë film. Ata kanë realizuar më parë edhe kolonën zanore të “Terminator 2”

Infeksionet spitalore mund të bëhen shkak për sëmundje të rënda dhe në rastin e fëmijëve të sapolindur, alarmi bëhet akoma më i madh. Një raport i Institutit të Shëndetit Publik nxjerr në pah shkallën e ekspozimit ndaj mikroorganizmave që i shkaktojnë këto infeksione. Kërkimi shkencor i publikuar në faqen e ISHP-së është kryer në repartin e obstetrikës dhe gjinekologjisë, ku janë analizuar mjetet dhe zonat me risk të lartë infeksioni. Zonat e analizuara kanë rezultuar me nivel të konsiderueshëm kontaminimi dhe mundësi për infeksione si ai i shkaktuar nga stafilokoku ose E.Coli.

Presidenti turk Rexhep Tajip Erdogan ka lëshuar të tjera  kërcënime për Europën në lidhje me refugjatët. Në një takim me mbështetës të tij në Malatya ai tha se nëse vendi i tij nuk do të merrte mbështetjen e nevojshme financiare, do të hapte kufirin për më shumë se 5.5 milion refugjatë.

"Nëse nuk na jepet mbështetja e nevojshme në këtë luftë, ne nuk do të jemi në gjendje t'i parandalojmë 3.6 mln refugjatë  sirianë dhe 2,000,000 refugjatë të tjerë të arrijnë në kufijtë tanë nga Indlib"- tha Erdogan.

Presidenti i Republikës Ilir Meta u tha sot shqiptarëve se më 8 qershor do të digjej Kuvendi i Shqipërisë. Se qysh e tek, si e kur është përcjellë ky informacion shumë delikat sipas standardeve të normalitetit, këtë kreu i shtetit nuk e tha. Ai tha që do i vihej zjarri të shenjtit Parlament të Shqipërisë.

Qytetarët e ishullit Olkhon në liqenin Bajkal kanë menduar një mënyrë origjinale për të tërhequr vëmendjen e Moskës zyrtare. Ata kanë inauguruar vendosjen e një monumenti të Presidentit Vladimir Putin për të përcjellë mesazhin e mungesës së të drejtave dhe ligjeve diskriminuese që janë miratuar në territorin e tyre.

Presidenti i Shqipërisë, Ilir Meta është paraqitur sot para Komisionit Parlamentar Hetimor që shqyrton kërkesën e Kuvendit për shkarkimin e tij. Në një seancë pyetje-përgjigjesh disi të pazakontë, Meta ka zbuluar si arsye për shtyrjen e datës së zgjedhjeve lokale, informacionet për djegien e godinës së Parlamentit më 8 qershor.    

Kompanitë kryesore të sektorit të hidrokarbureve kanë investuar rreth 50 miliardë dollarë për vitin 2018 në projekte që bien ndesh ose minojnë detyrimet që rrjedhin nga Marrëveshja e Parisit për klimën dhe reduktimin e emetimit të karbonit në atmosferë. 

Të dhënat publikohen nga një qendër studimore, Carbon Tracker që parashikon se me këto lëvizje kompanitë në fjalë që ushtrojnë aktivitetin në një sektor që është përgjegjës për 71% të emetimit të dioksidit të karbonit, do të prodhojnë kosto 2.2 trilionë dollarë deri në vitin 2030 në asete që do të jenë të papërdorshme.