Lajme

Agjencia serbe e lajmeve “Tanjug” shkruan sot se ideja e minishengenit ballkanik është konceptuar dhe nxitur nga presidenti serb, aleksander Vuçiç, sapo në tavolinë është hedhur propozimi francez për partneritet të privilegjuar me BE-në, në vend të anëtarësimit të plotë të vendeve të Ballkanit Perëndimor.

Një vit pasi qeveria shqiptare kishte vendosur t’i dhuronte UNESCO-s ikonën “Ngjallja e Shën Llazarit”, ky vendim është tërhequr. Me një VKM të miratuar në mbledhjen e së mërkurës, qeveria ka vendosur që piktura do të qëndrojë në Shqipëri.

“Ngjallja e Shën Llazarit” do t’i dhurohej UNESCO-s me rastin e 60-vjetorit të anëtarësimit të Shqipërisë në këtë organizatë. Me VKM-në nr 564, datë 29.09.2018, qeveria “Rama” vendosi që piktura e saporestauruar do t’i dhurohej organizatës që mbron trashëgiminë kulturore.

Gjermanët dhe "satelitët" e tyre mund të kenë qenë fërkuar duart ... për ikjen e  Mario Draghi-t, por duket se llogaritë i bënë pa hanxhiun. Pasardhësi i tij, në krye të Bankës Qendrore Evropiane, elegantja franceze, Christine Lagarde, ui shpalli luftë gjermanëve pa marrë akoma mirë postin.

Pentagoni publikoi videon e  operacionit të vrasjes së liderit të ISIS, Abu Bakr al-Bagdadi.

Siç shihet nga pamjet e kamerave nga Forcat Speciale të SHBA, një grup ushtarësh po shkojnë drejt një ndërtese të madhe në Barisa, një fshat i vogël në veri-perëndim të Sirisë, afër kufirit me Turqinë, ku fshihej i ashtuquajturi Kalifi Islamik.

Kryeministrja e Serbisë i quan hipokritë ata që argumentojnë se Ballkani po bëhet një zonë ndikimi për Rusinë dhe Kinën. Javën e kaluar Beogradi, megjithë rezervat e Brukselit, nënshkroi një marrëveshje të tregtisë së lirë me Bashkimin Ekonomik Euroaziatik (EAEU) të krijuar nga Rusia. Duke folur për Euronews, Brnabic tha se diskutimet mbi ndikimin e Kinës dhe Rusisë janë të tepruara dhe se  90% e të gjithë investimeve kineze në Europë janë në Europën Perëndimore.

Qeveria pranon situatën alarmante në arkën e sigurimeve shoqërore, ku entet publike nuk kanë paguar kontributet për punonjësit. Në një reagim të cilin e quan sqarim për opinionin publik Ministria e Financave thotë se ka ndërhyrë me një ndryshim në Udhëzimin e Zbatimit të Buxhetit 2019, përmes së cilit specifikohet se pagesat e sigurimeve shoqërore të institucioneve buxhetore do të kryhen njëkohesisht me pagesën e borderosë, dhe jo pas 20 ditëve si në parashikimin e mëparshëm.

Ndikimi rus po vjen, por ai vetëm në mënyrën si e përshkruajnë politikanët shqiptarë ka pak gjasa të ndodhë. Në të gjitha analizat që bëhen së fundmi, sidomos për tërheqjen e SHBA nga Siria, nënvizohet se largimi krijon vakuum që do mbushet. Dhe fuqitë që e mbushin atë janë ato që kanë kapacitet, mes të cilave më afër nesh janë Rusia dhe Turqia.

Qendra Shqiptare për Kërkime Ekonomike ka publikuar një studim sipas të cilit rezulton se vetëm 4% e shqiptarëve nuk do të pranonin të përfshiheshin ndonjëherë në një aferë korruptive. E thjeshtuar kjo statistikë na thotë se 96% e shqiptarëve do të donin të kishin fatin e një korrupsioni që të mbyll ca vrima. Kjo gjetje nuk përgënjeshtrohet madje as nga “kultura popullore”.

Me dy rezoluta, njëra që njeh genocidin turk ndaj armenëve dhe tjetra që kërkon sanksione ndaj Ankarasë për përvetësimin e sistemit raketor rus, S-400, Dhoma  e Përfaqësuesve të SH.B.A.-së ka radikalizuar qëndrimin e saj ndaj Turqisë duke duke kundërshtuar hapur politikën e presidentit, i cili sipas demokratëve u shërben qartë interesave dhe aspiratave të Ankarasë.

Pjesëmarrës në Samitin e 4 Euro-Arab që u mbajt në Athinë, kryeministri shqiptar, Edi Rama deklaroi se Shqipëria është e rrezikuar nga terrorizmi, pasi hapi kufirin për mijëra iranianë që kërkuan strehim në Shqipëri për të shmangur përndjekjen nga regjimi i Teheranit.

"Kjo është ajo që Shqipëria ka bërë gjithmonë"- shtoi ai, duke theksuar se "Kështu kemi vepruar në edhe në Luftën e Dytë Botërore me hebrenjtë. Ne dolëm nga lufta  me një numër më të madh hebrenjsh sesa kishim në fillim.  Nuk u dorëzuam asnjë të vetëm nazistëve".