Lajme

Në 12 Prill do të mbahen zgjedhjet e parakohshme parlamentare në Maqedoninë e Veriut. Këtë e bëri publike Kryeministri Zoran Zaev të dielën në mbrëmje pas përfundimit të takimit të liderëve politikë.

Sipas marrëveshjes,  Zaev do të japë dorëheqjen dhe vendin do të udhëheqë një qeveri teknike për periudhën tranzitore. Kryeministri i ri, i cili do të marrë  detyrën deri në zgjedhje, do të propozohet nga Partia Socialdemokrate. Ministra nga partitë e opozitës gjithashtu do të marrin pjesë në këtë qeveri.

Në maj të vitit 2017, kryeministri Edi Rama, gjatë një interviste me gazetarin Ylli Rakipi, do të mbronte personalisht projektin e stadiumit të ri në Tiranë, duke marrë madje në mbrojtje edhe kompaninë ndëtuese. I pyetur nëse një qëndrim i tillë implikon transparencën mbi projektin, z. Rama neglizhoi duke sjellë në vëmendje emrin e arkitektit italian si alibi. 

Marrëdhëniet mes Shqipërisë dhe Kosovës me ardhjen e qeverisë së re në Prishtinë, duket se do të ndërlikohen edhe më tej. Gazeta “Koha Ditore” shkruan sot se ideja e minishengenit ballkanik po lexohet si e dëmshme në Kosovë nga aktorë të ndryshëm mediatikë dhe politikë. Ndër personat që prononcohen është edhe Albulena Haxhiu e Lëvizjes Vetëvendosje, sipas së cilës qëndrimi I Shqipërisë e ka dëmtuar Kosovën. 

Ministria Egjiptiane e Antikuiteteve e ka cilësuar zbulimin e fundit arkeologjik në Assasif pranë Luksorit si më të rëndësishmin e epokës moderne. 30 arkivole druri të pikturuara që datojnë në kohën e Dinastisë së 22-të do të ekspozohen në një holl të posaçëm në Muzeun e Madh Egjiptian. Ministria ka raportuar të dhëna konkrete nga zbulimi si p.sh fakti se arkivolet ishin groposur një metër thellë në dy

Televizioni Publik Shqiptar do të transmetojë emisione dhe programe kineze. Kjo është arritur falë një marrëveshjeje mes dy televizioneve publike dhe si fillim RTSH-ja do të transmetojë dokumentarin mbi qeverisjen e Kinës: Kina, Koha e Xi dhe filmin “Fëmijët e qytetit Wuzhumuqin”.

Marrëvesja parashikon që dy televizionet do të shkëmbejnë produktet e tyre televizive. Në ceremoninë e mbajtur me këtë rast ka marrë pjesë edhe ambasadori i Kinës në Shqipëri, Zhou Ding që ka nënvizuar nevojën që dy popujt të njohin njëri-tjetrin.

Alex Soros, djali i miliarderit të majtë, Xhorxh Soros, shkruan se Evropa ka albanofobi, duke mos miratuar hapjen e negociatave me Shqipërinë dhe Maqedoninë e Veriut.

“Ekziston një paragjykim dhe fanatizëm ndaj shqiptarëve etnikë në Evropën Perëndimore, i cili nuk duhet të nënvlerësohet në refuzimin e Shqipërisë dhe të Maqedonisë në këshill. Europa duhet të përballet me Albanofobinë e saj!”, shkruan Soros në Twitter, teksa shpërndan mesazhin e komisionerit në largim Johannes Hahn.

Përgatitjet e kryebashkiakut të Tiranës për të avancuar me projektin “Fusha” të Teatrit Kombëtar po i serviren sërish publikut. Marketimin e ka marrë përsipër vetë zoti Veliaj , duke përdorur si hajmali arkitektin e preferuar të bashkisë dhe kryeministrit, zotin Casamonti.  Të dy bashkë sollën si shembull të bashkëpunimit stadiumin me kullë që për momentin quhet Arena Kombëtare.

Moska dhe Beogradi synojnë të nënshkruajnë një kontratë për ngritjen e një Qendre Kërkimore bërthamore në Serbi muajt e ardhshëm. Ambasadori serb në Rusi, Miroslav Lazansky tha se bashkëpunimi mes Beogradit dhe Agjencisë Atomike e Rusisë, Rosatom do të diskutohej gjatë vizitës së Medvedev në Beograd këtë të shtunë.

Duke folur para gazetarëve përpara vizitës, shefi i delegacionit të qeverisë ruse, Sergey Prihotko tha se Rusia është e gatshme të fillojë zbatimin e projektit dhe vuri në dukje se marrëveshja parashikon disa hapa përgatitore para se të fillojë.

Anëtarët e panelit të Nobelit për Letërsinë kanë mbrojtur vendimin e tyre për t'i dhënë çmimin e këtij viti autorit polemik austriak, Peter Handke. Anëtari i komitetit Nobel Henrik Petersen tha se Handke ishte "rrënjësisht jopolitik" në shkrimet e tij dhe se mbështetja për Sllobodan Millosheviçin ishte keqkuptuar.  Në jë artikull për të përditshmen suedeze “Svenska Dagblade”, Petersen shkon më tej duke e konsideruar Handke avokat të paqes.  

Para tri ditësh, dikush nuk harroi të sillte në media rastin e pushkatimit nga francezët të Themistokli Gërmenjit nga francezët gjatë Luftës së Parë Botërore. Arsyeja është fare drejtvizore: Franca na ka inat. Ja një shembull.