Lajme

Richard Grenell, i Dërguari Special i Presidentit amerikan Donald Trump për dialogun Serbi-Kosovë, ka njoftuar dorëheqjen nga detyra e ambasasdorit të SHBA në Gjermani. Ai ka bërë të ditur se do ta formalizojë aktin sapo Senati të zyrtarizojë John Ratcliffe në këtë pozicion.

Grenell mban aktualisht detyrën e drejtorit të Shërbimit Inteligjent Kombëtar si i komanduar, ndërkohë që ai duket se do të caktohet në një detyrë tjetër. Grenell provokoi debate pasi u konsiderua si njeri që vinte nga krahu radikal i John Bolton.

Turqia  e Erdoganit ka arritur të marrë një fitore përgjysmë në krizën siriane. Pas hapjes së dyerve për refugjatët të bllokuar në Turqi, delegacione, të dërguar të posaçëm dhe biseda telefonike kanë nisur të shfaqen në media. Perëndimi po i kërkon Erdoganit që të mos lejojë kalimin e refugjatëve që janë në fakt edhe pjesë e dështimit të tij politik në Siri përkundrejt Rusisë. 

Partia Demokratike akuzon kandidatin për Gjykatën e Lartë, Sokol Sadushin se është “funksionari i lartë i drejtësisë” që është takuar me botuesin Henri Çili dhe i ka premtuar atij ndërhyrje për kërkesat e dy të dënuarve për vrasjen e efektivit Ibrahim Basha.

PD thotë se Ardian Dvorani reagoi publikisht duke mohuar të jetë ai personi që është takuar me Çilin, dhe një gjë të tillë duhet ta bëjë edhe Sokol Sadushi.

Ambasadorja e SHBA Yuri Kim nuk ka humbur kohë. Pas xhirove në Tiranë, ajo ka nisur ritualin e zakonshëm të diplomatëve amerikanë që i japin leksione botës për rrugën e drejtë në politikë dhe zbatim ligji. Ajo ka qenë sot e pranishme në konferencën me titull: Sfidat e Prokurorisë së Përgjithshme në dritën e Reformës në Drejtësi, gjatë së cilës ka bërë deklarata, dërguar mesazhet e zakonshme kërcënuese dhe ka premtuar se për popullin shqiptar e ardhmja është e ndritur.

Sot është zhvilluar para Presidencës manifestimi i paralajmëruar nga Presidenti i Republikës, Ilir Meta. I ideuar si një tubim kundër kapjes së Gjykatës Kushtetuese, manifestimi ka mbledhur mijëra njerëz dhe ka përcjellë mesazhe të qartë ndaj shumicës në pushtet. Ai është hapur nga ish-gjyqtari i Gjykatës së Strasburgut, Ledi Bianku, një akt simbolik ky që nuk mund të kalojë pa u vënë re si shprehje e anomalisë dhe dasisë që ka provokuar reforma në drejtësi. 

Kremlini ka refuzuar sot zyrtarisht kërkesën e Ankarasë për tërheqjen nga operacionet siriane në Idlib. Pak ditë më parë, presidenti turk, Erdogan deklaroi se ka kërkuar nga homologu i tij rus, Vladimir Putin që të tërhiqet nga Idlib dhe të lejojë trupa turke të mbarojnë punë më regjimin e Assad. Në një përgjigje lidhur me këtë çështje, zëdhënësi i Kremlinit, Dmitry Peskov tha ndër të tjera se:

Kryeministri Edi Rama ka sqaruar sot në Parlament, sipas asaj që ai mendon se është sqarim, amnistrinë e re fiskale dhe penale që pritet të miratohet për pasuritë e paformalizuara. Fjala e kreut të qeverisë paraqet disa probleme serioze për atë që quhet funksionim i shtetit të së drejtës dhe ligjit. 

Së pari z. Rama ka dhënë premtimin solemn se “ligji do miratohet me 84 vota” duke siguruar kështu idenë e vet se amnistia është e pakthyeshme. 

Mediat në Kosovë kanë zbardhur sot dy letra që Kryeministri Albin Kurti i ka nisur presidentit amerikan Donald Trump dhe sekretarit të Departamentit të Shtetit, Mike Pompeo ku sqaron politikën e reciprocitetit me Serbinë. Ai ka nënvizuar rëndësinë që ka për Kosovën marrëdhënia me SHBA-të. Më poshtë letrat e publikuara nga mediat e Kosovës:

Kjo është letra që Kurti ia dërgoi Presidentit Trump:

Në vitin 2013, qeveria e Erdoganit (në atë kohë kryeministër), u zhgënjye nga Vëllazëria Myslimane kur protestat humbën forcën e tyre pas rrëzimit të Mohamed Morsit në Egjipt. Kjo është ajo çka del nga disa dokumente sekrete. Sipas një përgjimi të klasifikuar, në të cilin dëgjohet biseda private e ndihmësit të Erdoganit, Ibrahim Kalin, dhe biznesmenit proqeveritar, Abdullah Tivnikli, Kalın ankohet për faktin se protestat e Vëllazërisë Myslimane në Egjipt po e humbnin fuqinë.