Lajme

Koronavirusi që ka shkaktuar pandeminë globale mund të ketë qenë prezent në Itali që në muajin nëntor. Kreu i Institutit Kërkimor Farmakologjik “Mario Negri”, dr. Giuseppe Repuzzi ka deklaruar në një prononcim për National Public Radio se ka raportime nga patologë se në Lombardi ishin vënë re raste të çuditshme pnumonie te njerëz të moshuar.

Qeveria ka nisur të aplikojë formën e prokurim të drejtpërdrejtë për blerjet që janë të domosdoshme për mbrojtjen personale në kuadër të luftës kundër koronavirusit. Përmes një vendimi qeveria ka vendosur të blejë materiale me vlerë 307 milionë lekë nga bashkimi i dy operatorëve.

Lideri Suprem i Iranit ka refuzuar ofertën e Shteteve të Bashkuara të  Amerikës për të ndihmuar vendin në betejën e tij kundër koronavirusit. Në një fjalim televiziv, Ayatollah Ali Khamenei tha se SHBA-ja është "armiku më i keq" i Iranit, duke lënë të kuptohet për një teori konspirative, të shprehur edhe nga disa zyrtarë kinezë, se Amerika është përgjegjëse për pandeminë.

Eksperti kryesor i Organizatës Botërore të Shëndetësisë për emergjencat, Mike Ryan ka deklaruar në një intervistë për BBC-në se karantina masive nuk mjafton për të luftuar koronavirusin.

Ajo për të cilën kemi nevojë të përqendrohemi është të gjejmë ata që janë të sëmurë, ata që kanë virusin, t’i izolojmë, të gjejmë kontaktet e tyre dhe t’i izolojmë. Rreziku tani me karantinën...është se nëse nuk aplikojmë masa të forta për shëndetin publik, kur këto kufizime të hiqen, sëmundja do të rikthehet

Që nga nisja e krizës së pandemisë së koronaviorusit në Shqipëri, diskutimi kryesor është përqendruar në mënyrën sesi po menaxhohet ajo nga qeveria shqiptare. Pak ditë më parë kryeministri shqiptar, Edi Rama foli për arsyet se përse nuk është adaptuar modeli koeranojugor i testimit agresiv dhe është menduar adoptimi i modelit kinez dhe italian të karantinimit masiv.

Edi Rama shkruajit në Facebook para pak:

KËTË VIDEO NGA SPANJA KU DJE VDIQ NJË NJERI ÇDO KATËR MINUTA, PO E POSTOJ PËR TË GJITHË ATA QË DO SHKOJNË TË BËJNË PAZAR NGA E HËNA E DERI NË FUND TË LUFTËS!

O NJË NGA NJË, NË RADHË SI USHTARË DHE ME DURIM E NË DISTANCË NGA NJËRI - TJETRI TË MBAROJNË TË GJITHË PUNË ME RADHË, PA VRARË NJERËZ MAJTAS - DJATHTAS, O PASTAJ ME VRAP E PA BËRË DOT AS PAZAR...

ZGJIDHNI E MERRNI, SE FORCAT E RENDIT E KANË NDARË MENDJEN TOP DHE KANË PËRGJEGJËSINË HISTORIKE TË REAGOJNË PA ASNJË TOLERANCË

Një foto që ilustron kohën tonë, më saktë atë që do të jetë koha jonë nga këtej e tutje. Në Iran duket se po bëhet batërdia nga pandemia dhe askush nuk po do të dijë më. Sanksionet e kanë gjunjëzuar Teheranin zyrtar në këtë përballje që duket se do të ketë kosto marramendëse dhe të paprecedentë në histori.

Në vitin 1927, Fritz Lang realizoi filmin e njohur “Metropolis”, një parathënie e distopisë së madhe të pabarazisë. Duket si një lloj profecie për atë që mund të ndodhë me botën e sotme që përherë e më shumë po shkelmon parimet e mundësive të barabarta dhe po ringjall simptomat e një lufte për mbijetesë.

Pamjet e sotme në Tiranë kur me mijëra qytetarë vërshuan në Pazar dhe në rrugë provojnë sesa zgjidhje e sforcuar dhe e paqëndrueshme është karantina masive. Ajo po prodhon një ritual që nuk respektohet, nuk kuptohet për çfarë është vendosur dhe po mbivendos pasigurinë ndaj frikës pasive ndaj virusit dhe pandemisë.