Lajme

Krijimi i Gjykatave Administrative u vlerësua si një hap përpara, por nga vëzhgomet e bëra cilësia e punës dhe afatet e shyqrtimit të çështjeve lënë për të dëshiruar. Pra sërish biznesi ka pakënaqësi për punën e tyre duke shtruar kështu nevojën e ndryshimit. Konfindustria njofton për një vëzhgim të kryer në bashkëpunim me Ministrinë e Drejtësisë dhe Fondacionin gjerman "Friedrich Ebert", prej nga ku provohet se ka ende shumë të të bërë.

Partia Demokratike ka risjellë sot në vëmendje të opinionit intervistën e Dritan Zaganit, ish-shefi i Antidrogës në Fier, i cili është larguar nga vendi dhe është shpallur në kërkim. Deputeti Genc Pollo ka vlerësuar se bllokimi i intervistës përbën censurë dhe ka ftuar shoqatat e gazetarëve, që kanë marrë lekë edhe nga ato të taksapaguesve të flasin e të ngrenë zërin.

Fadil Vokrri, ish-futbollist i njohur kosovar i klubeve të njohura të ish-Jugosllavisë, aktualisht drejtues i Federatës së Futbollit të Kosovës, i ka dhënë një intervistë “tesheshi.com”. Me rëndësi mund të quhet pyetja për anëtarësimin e Kosovës në FIFA dhe në UEFA, për të cilën Vokrri shpjegon se kjo ka gjësë të ndodhë në vitin 2016. “Ne i kemi bërë të gjitha detyrat që na takojnë dhe i vetmi problem për ne ashtu siç e përmenda më lartë është mos qenia e Kosovës anëtare e OKB-së dhe kjo është pengesë për ne. Ata prapë mund të mos na pranojnë, por ne kemi premtime nga krerët e UEFA-së.

Ka nisur sot në Tiranë takimi i 28-të ndërkombëtar për Paqen, i cili do të vijojë në datat 7-8 shtator e që mbahet në përkujtim të luftës së fundit në Ballkan. Takimi organizoheg nga Komuniteti Sant’Egidio, në bashkëpunim me Konferencën Ipeshkvnore të Shqipërisë, Kishën Ortodokse Autoqefale të Shqipërisë dhe qeverinë shqiptare.

Armando Prenga duket se po shkon drejt arrestimit nga prokuroria. Kjo e fundit i ëhstë drejtuar Kuvendit të Shqipërisë, dje në darkë, me një kërkesë zyrtare përmes së cilës kërkohet miratimi i arrestit në flagrancë dhe heqja e imunitetit parlamentar për shkak të tri akuzave të ngritura. Prokuroria ka zbatuat kështu afatet ligjore të parashikuara, duke bërë të qartë se Prenga po shkon drejt marrjes si i pandehur. Ka tri akuza që rëndojnë mbi deputetin socialist të përfshirë në ngjarjen e Patokut, ku ai dhe disa të tjerë u konfliktuan me pjesëtarë të familjes Çali.

Partia Demokratike ka mbledhur dje në mbrëmje kryesinë e saj për të diskutuar e vendosur për qëndrimet që do të mbajë dhe aksionet që do të ndërmarrë. Këto janë bërë publike nga kryetari i saj, Lulzim Basha. “1-Duke konfirmuar kërkesën tonë për dorëheqjen e Ilir Metës dhe hetimin e tij të menjëhershëm për aferën korruptive më të madhe sipas avokatëve të qeverisë shqiptare.

Tatimet dhe doganat janë sektorët që kanë çaluar më së shumti në performancën ekonomike të qeverisë në këto dy vjet. Gropa e të ardhurave detyroi qeverinë të nisë një aksion kundër informalitetit, që kryeministri Rama nuk ka nguruar ta quajë Revolucion Ekonomik dhe të zbulojë më në fund platformën për nxjerrjen e Shqipërisë nga stërmundimi ekonomik.

Kompania gjermane Siemens fitoi tenderin për 6 hiper-kompresorët turbo që do të vendosen në stacionet e TAP në Shqipëri dhe Greqi. Gazeta greke Kathimerini raporton se 3 hiper-kompresorë të gazit qdo të prodhohen nga Siemens do të instalohen në Greqi dhe 3 të tjerë në Fier.

Konflikti mes pjesëtarëve të fisit Cali, duket se e ka zanafillën në Prill të këtij viti, kur Ministria e Bujqësisë organizoi një tender për shfrytëzimin e Lagunës së Patokut në Lac. Në garë morën pjesë dy firma Tenki-01 Shpk, me të vetmin aksioner Eduart Prengën, vëllain e Armando Prengës, dhe Cali Shpk, në pronësi të familjes Cali.

E para fitoi tenderin me 5 pikë më shumë se tjetra. Firma Cali në emër edhe të peshkatarëve konstestoi garën dhe tha se firma e vëllait të deputetit socialist ishte krijuar pak muaj para se të organizohej tenderi.