Lajme

Shkrimtari Ismail Kadare në një intervistë përgjigjet për të gjitha “akuzat” e drejtpërdrejta bërë nga trashëgimtarët e Mitrush Kutelit, paraqitur në botimin më të fundit “Netë moldave”. Kadare për herë të parë tregon si është përkthyer në frëngjisht vepra e Kutelit, por mbetur e bllokuar, e pabotuar nga familjarët. Shkrimtari pohon se Kuteli nuk është dënuar si oficer fashist, por për çështjen e Kosovës. “Rasti Pasko”, fabrikimi i sajesave nga njerëz të krimit, ende midis nesh. Shkrimtari i njohur ka folur në mënyrë ekskluzive për gazetën “Standard”.

Ish sekretari i përgjithshëm i PS dhe ish presidenti Meidani, ka reguar sot në Panorama me një shkrim mbi depërtimin e të fortëve në PS. Rexhep Meidani beson se kryetari Rama duhet të kërkojë falje për këtë dukuri, më e pakta. “Sipas statutit të PS-së, nëse përzgjedhja do të realizohej nga anëtarët e partisë me anë të diskutimit e përzgjedhjes prej tyre në bazë (dhe më tej “kolaudim-votimit” në strukturat drejtuese të partisë) apo, akoma, me anë të zbatimit të parimit “një anëtar, një votë”, përgjegjësia kryesore do të ishte e vetë anëtarësisë së partisë”, thotë Meidani.

Grupe të vogla por shumë ambicioze të krimit. Kështu i quan gazeta holandeze “De Telegraaf” grupet kriminale të organizuara nga shqiptarët, që kanë mundur të përfitojnë para të mëdha kryesisht me trafik droge. Gazeta shkruan gjithashtu se shqiptarët atje janë të përfshirë në një sërë vrasjesh brutale, ende të pazbardhura dhe në tregtinë e kokainës.

Katër mjekë të njohur të Institutit të Mjekësisë Ligjore në Tiranë janë kallëzuar penalisht me akuzën e falsifikimit. Në një shkrim të vetin sot, “Gazeta Shqiptare” raporton se mjekët: prof.dr Elmas Shaqiri, dr. Zija Ismaili, dr. Admir Sinamati dhe prof. Fatos Harito janë kallëzuar nga Shoqata e Avokatëve Antikorrupsion të Shqipërisë, për arsye se kjo e fundit dyshon se mjekët në fjalë kanë përpiluar akte ekspertimi të rreme, kanë fshehur provat me dashje, si dhe kanë dhunuar kufomën e shtetases 16 vjecare Konstandina Anagnosti, që ndërroi jetë në nëntor të vitit të kaluar.

Lufta për të marrë shumicën në Kuvend është bërë mes të fortëve. Të paktën kështu pretendon Artan Gaçi, deputeti socialist i Tiranës. Gjatë një interviste për “Panorama” ai justifikon përfshirjen e elementëve me rekorde kriminale në PS me nevojën për t’u përballur me të fortët e PD­-së, që në tre zgjedhjet e fundit kanë manipuluar dhe vjedhur votat e socialistëve. Gaçi thekson se në 2013 socialistët nuk mund të rrezikonin dhe të thoshim se serish iu vodhën votat. “Unë e kam bindje se nuk do të ekzistonte më opozita nëse populli na votonte dhe bandat tjetërsonin votën.

Ambasadori i Izraelit në Shqipëri, Boaz Rodkin, ka zhvilluar një takim me ish-kryeministrin Sali Berisha. Dy gjëra: takimi u bë një ditë pasi Shqipëria votoi pro Palestinës në OKB dhe së dyti, Berisha mbetet pikë referimi, ndonëse PD-ja ka një kryetar të ri.

Tri ditë kaluan dhe efekti humbi. Dokumenti i OSBE-së, i deklaruar “Për përdorim të brendshëm” dhe i huazuar nga media, po kalon drejt arkivës. Dhe bashkë me politikën shqiptare edhe Prezenca e OSBE-së doli qesharake, në mënyrën sesi kërkoi të justifikohej. Për të mos thënë të mbulohej. Në një vend si Shqipëria, ku vetëm vitin e fundit nga salla e Parlamentit akuzat reciproke kanë qenë që nga trafiku e deri tek urdhërimi i vrasjes, trajtimi i rëportit si i pabazuar është kontradiksion.

Ministri i Financave është i bindur se bashkë me qeverinë kanë ardhur me një mission, të bëjnë shtet dhe këtë thotë se në një fare mënyrë ia kanë arritur falë traditës dhe suksesit në disa reforma kyçe, si ekonomi, shëndetësi, energjetikë e ndarjen administrative. Në një intervistë për Shqiptarja. com ai thotë se qeveria nuk ka dështuar në asnjë nga politikat e saj. “Nuk ka dështime në asnjë nga reformat e ndërmarra. Tashmë suksesi i reformës në energji, në reformën administrative-territoriale, në shëndetësi, etj. janë evidente”-thekson ministri.

Edhe pse gazetaria investigative online është zanat i ri për ish kryeministrin Berisha, ai mbetet ndër personazhet më të informuara në këtë vend. Ndaj nuk e ka patur të vështirë të akuzojë, me dokumente, se Thesari i Shtetit po përdoret për të financuar LSI-në. Në faqen e tij fb, Berisha paraqet listë pagesat sesi “Kuvendi i Shqipërisë dhe Ministria e Mjedisit përdorin Thesarin e Shtetit për të financuar LSI. Nga Thesari i Shtetit, pas kërkesës së Ministrisë së Mjedisit, kanë kaluar pagesat në llogari të Lëvizjes Socialiste për Integrim me përshkrimin “Min.

Artan Bajraktari është rikthyer në krye të Interpol Tiranës. I larguar disa muaj më parë, pasi u akuzua se kishte fshehur kërkesën e autoriteteve belge për arrestimin e deputetit kristian-demokrat Mark Frroku, Prokuroria pushoi hetimet për Bajraktarin, pasi nuk gjeti asnjë shkelje detyre në vonesën dy ditore (brenda parametrave kalendarikë të punës së tij) të dërgimit të dosjes tek eprorët. Vetë Bajraktari hoqi dorë nga kërkesa që kishte bërë në Gjykatë për t’i shkuar deri në fund zbulimit të së vërtetës mbi largimin e tij.