Lajme

Ish-ministrja e jashtme, Dora Bakojanis ka denoincuar në parlamentin grek takimin mes kryeministrit grek Aleksis Tsipras dhe homologut të tij shqiptar Edi Rama. Duke iu drejtuar personalisht kryeministrit Tsipras, deputetja e Demokracisë së Re, e cila hodhi firmën mbi marrëveshjen detare kur ishte minister e jashtme  e pyeti mbi përmbajtjen e takimit me me kryeministrin shqiptar që u zhvillua në Nju Jork javën e kaluar, duke kërkuar të dijë nëse mes dy kryeministrave është diskutuar për kufirin detar dhe marrëveshjen e mbetur pezull mes dy vendeve.

Grupi parlamentar i Partisë Demokratike është përfshirë dje nga debatet e brendshme dhe shkak është bërë sulmi i ditëve të fundit, që disa krerë lokalë po u bëjnë deputetëve dhe ish­ministrave demokratë për mos angazhim në zgjedhjet lokale të 21 qershorit. Pas dy vitesh nën drejtimin e Partisë Demokratike, kryetari Basha është përballur me akuzat se po përkrah një sërë prurjesh të reja në PD, duke lënë në hije, madje edhe duke i cilësuar si pengesë “senatorët e vjetër”.

Situata në Lindjen e Mesme shkon edhe më tej drejt ndërlikimit. Pas Sirisë, është Irakua që po mendon të kërkojë zyrtarisht ndihmën e Rusisë për goditjen e militantëve të Shtetit Islamik. Këta të fundit kontrollojnë një pjesë të territorit iraken në veri dhe në perëndim dhe para disa muajsh iu afruan edhe Bagdadit. “Ne mund të detyrohemi të kërkojmë nga Rusia të ndërhyjë nga ajri edhe në Irak.

Një gur i hedhur mbi autobuzin e ekipit serb teksa po kalonte nëpër Tiranë këtë pasdite, është shndërruar në incident diplomatik, ende pa filluar ndeshja Shqipëri-Serbi. Ngjarjen në fjalë diplomacia e ka shndëruar në një rast të vlefshëm për t’i dorëzuar palës shqipatre një notë proteste. Por mësohet se ambasadori i Shqipërisë në Beograd Ilir Boçka e ka refuzuar ftesën e MPJ-së së Serbisë për të marrë notën protestuese për incidentin me autobusin.

Portali serb “Blic” ka trasmetuar çastin e goditjes me gurë të autobusit të Serbisë në Tiranë. Ngjarja ka ndodhur te Rruga e Durrësit, pranë Zogut të Zi. Filmimi është bërë nga brenda automjetit.

DIA, kompania e njohur së fundmi në aferën e CEZ, është tërhequr nga gjyqi i arbitrazhit me OSHEE-në. Kjo është bërë e ditur nga ministri i Energjetikës, Damian Gjiknuri, gjatë emisionit “Top-Shoë”. “Drejtuesja ligjore e DIA-s pasi u konfrontua dhe me provat për falsifikime në veprën penale të kryer nga Ismailaj, ka ardhur dhe ka nënshkruar marrëveshjen me OSHEE dhe tërheq çdo lloj pretendimi financiar dhe kjo marrëveshje depozitohet automatikisht në Vjenë, dhe është depozituar. Dhe hiqet e drejta nga çdo pretendim.

Para disa ditësh, trajneri i kombëtares shqiptare të futbollit, De Biasi, i nderuar nga Universiteti Europian i Tiranës me titullin “Honoris Causa”. Një ceremoni ku mori pjesë edhe kryeministri ndër të tjerë. Po cili ishte motivacioni? Kjo është sqaruar gjatë emisionit “Prcesi Sportiv” në datën 5 tetor në Top-Channel, nga rektori i UET-së, Tonin Gjura. Bashkëbiseduesi i tij, Përparim Kabo e ka cilësuar titullin të pavend, sa kohë UET nuk ka programe sportive dhe si kundërshembull ka sjellë rastin e nderimit nga një universitet sportiv bullgar të trajnerit Carlo Ancelotti.

Sot qeveria ka vendosur emeërimin në detyrën e zv.ministrit të Jashtëm të Halil Hysenit. Propozomi ka ardhur nga kryeministri dhe siç raporton “News24”, Hyseni vjen nga radhët e Partisë për Drejtësi Integrim dhe Unitet. Më herët në këtë detyrë ishte Alqi Pulo i PBDNJ-së.

Është karakterizuar nga tensione seanca e sotme në Gjykatën e Tiranës, ku ka nisur procesi gjyqësor kundër dy mjekëve të të maternitetit “Koço Gllozheni”, të cilët akuzohen për mjekim të pakujdesshëm të Dorjana Hakës, ish-bashkëshortja e portierit të Partizanit, Alban Hoxha. Familjarët kanë reahguar të tensionuar, pasi avokattë kërkuan riekspertim, pasi kanë dyshuar se kjom është taktikë për të nxjerrë mjekët të pafajshëm.

Vlora dhe Durrësi kanë  numrin me të madh te bizneseve të vogla e të medha të cilat janë në poces falimentimi, pasi për të paktën 2 vjet nuk  kanë paguar taksat dhe detyrimet në shtet. Sipas të dhënave të Drejtorise së Përgjithshme të Tatimeve  për muajin shator nga 118  subjekte tregtare në proces falimentimi, 36  ndodhen në Vlore, 27 ne Durres, 10 në Gjirokaster dhe  8 në Tirane. Pjesa tjetër janë të shpërndara në qytete të vogla të vendit.