Lajme

Komuniteti ortodoks i Izmirit në Turqi ka festuar dje për herë të parë pas 94 vitesh Ditën e Epifanisë, ose siç njihet ndryshe Dita e Ujit të Bekuar. Komuniteti mori lejen nga autoritetet turke dhe u lejua të kryejë ceremonialin. Ky komunitet përbëhet nga 300 grekë, rusë, gjeorgjianë dhe etni të tjera. Ceremonia u asistua nga At Kyrillos Sykis në kishën e Shën Fotinit, përballë ish-konsullatës së vjetër greke. Kjo është ceremonia e parë që pas asaj që historiografia greke e njeh si “Katastrofa e Azisë së Vogël” .

Një grup prej rreth 1000 imigrantësh kanë kryer sulme masive ndaj disa femrave në Këln, duke kryer edhe përdhunime. Raportimet flasin se imigrantët arabë ose afrikanoveriorë ishin të dehur, por ngjarja ka provokuar situatën, edhe kështu të tensionuar.

Më i fuqishmi, më i madhi, shpesh nuk tolerohet nga natyra. Dinosaurët janë një shembull, ndonëse Toka ka njohur pesë zhdukje masive. Në serinë e shumë specieve që janë zhdukur është edhe Gigantopithecus, majmuni më i madh që mendohet se ka jetuar në planetin tonë: 3 m i lartë, me peshë deri në 500 kg, sipas fosileve që janë gjetur.  “National Geographic” shkruan se zhdukja e këtij gjigandi lidhet me sigurimin e ushqimit.  Gigantopithecus jetonte në pyjet tropikale të asaj që sot është Kina jugore për 6-9 milionë vjet.

Ceres vijon të prodhojë lajme dhe spekullime. Planeti xhuxh prej vetëm 945 km dismtër që ndodhet në orbitën e Neptunit, ka ardhur sërish në vëmendje për një strukturë në formë piramidale që është vëzhguar në të. Video e publikuar nga “Bussines Insider” bën një shpjegim paraprak, por duhet thënë se në fillim të vitit 2015, disa pika, si burime drite u vunë re në Ceres. Më vonë NASA shpjefoi se bëhej fjalë për praninë e një llojë kripe me përmbajtje të sulfatit hekzahidritit të magnezit.

Ambasadori amerikan në Tiranë, Donald Lu, ka thënë për rrjetin “BIRN” se kërkesat dhe angazhimi i ambasadës në Tiranë  për reformën në drejtësi, është politikë dhe direktivë e Deprtamentit të Shtetit si dhe Shtëpisë së Bardhë. “Po bëjmë thjesht punën tonë. Të gjithë ne në Ambasadën amerikane jemi të përqendruar në reformën në drejtësi për shkak të udhëzimit direkt nga zyrtarë të lartë në Shtëpinë e Bardhë dhe në Departamentin e Shtetit.

Publikisht OSHEE i është përcjellë publikut si një histori suksesi, por gjithmonë ka dy të vërteta për punët e qeverisjes, ajo që i thuhet publikut dhe ajo që pasqyron bilancin e vërtetë të të ashtuquajturave reforma. Këtë zyrtarët e thonë jashtë kamerave siç është rasti i zotit Manjani në emisionin "Opinion" gjatë kohës televizive off record. Vlerësimi për OSHEE-në, thjesht është superkatastrofë. Më interesante, me bujë dhe me tangërllik qeveritar, Çela i OSHEE-së u shpall edhe Administratori i Vitit nga Kryeministri. 

Ilir Meta ka disa kohë që ka nisur të flasë më lirshëm për pasurinë e tij. Madje duke mëtuar që të kultivojë idenë se ai është i pari që ka ndërmarrë nismën e transparencës së financimeve të partive, por edhe të pasurisë së politikanëve. Pak javë më parë kaloi si pa u nënvizuar shumë lajmi, se Lëvizja Socialiste për Integrim, vendosi që të bënte publike online, fondet që ajo merr për fushatë elektorale.

Ka shumë diskutime rreth lajmit se Korea e Veriut ka kryer testin e bombës së parë me hidrogjen. Ka edhe një njoftim zyrtar për këtë, ndonëse prej disa burimeve mediatike dhe politike është folur për bllof.

Kryetari i BDI, Ali Ahmeti, do të takohet të premten në Athinë me ministrin e jashtëm grek, Nikos Kotzias. Sipas medias greke, kjo vizitë inkuadrohet në përpjekjet për gjetjen e një rrugëdaljeje në çështjen e emrit, që ka krijuar një ngërç konstant në marrëdhëniet midis Greqisë dhe Maqedonisë prej më shumë se 20 vjetësh.
Në fakt, strategjia e Athinës, për një përafrim me udhëheqësit e shqiptarëve në Maqedoni, ka filluar që në vitin 2013, kur Ali Ahmeti ishte takuar po në Athinë me ministrin e atëhershëm të punëve të jashtme, Evangelos Venizelos dhe atë të mbrojtjes, Avramopulos.

Partia Demokratike nuk ka marrë pjesë sot në tryezën e reformës në Drejtësi. Qëndrimi i demokratëve vjen pasi ata nuk pranojnë mënyrën se si po diskutohet për miratimin e neneve të Kushtetutës.
Burimet pranë grupit të ekspertëve thanë për Panorama se përfaqësuesi i PD-së, Enkelejd Alibeaj ka dërguar një email mbrëmë ku ka kërkuar që diskutimi të vijojë në nivel politik dhe jo më në nivel teknik.