Lajme

Sot u njoftua për një takim gati dy orë mes kryeministrit Edi Rama dhe aleatit të tij në qeveri, kryetarit të Kuvendit, Ilir Meta. Po kështu njoftohet edhe rikthimi i ekspertëve të PD-së në tryezë bashkë me lajmin se “mazhoranca ka tërhequr draftin e vet fillestar” të amendimeve për reformën në drejtësi.  Sorrollatja në fjalë nuk ka ndonjë rëndësi kushedi se çfarë përpos faktit se ajo që duhet të ishte bërë që në fillim, po ndodh vetëm tani. Kryeministri mendoi të hidhte për miratim një reformë ekskluzivisht ekspertësh me mendimin e shpallur prej tij, se politika nuk duhet të fusë duart.

Ministri i ri i Drejtësisë, Ylli Manjani, mendon se një rrugë për zgjiedhjen e mbivendosjes së titujve të pronësisë në Shqipërië është krijimi i një harte dixhitale të pronave. Në një prononcim për “shqiptarja.com”, Manjani shpjegon se po “punohet për një hartë unike kombëtare dixhitale”, e cila evidenton mbivendosjet, të cilat sipas ministrit kur konstatohen do të zgjidhen “nga grupet që do të shkojnë në terren të bëjnë matje”. Nisma është shumë pozitive, pasi ndihmon shumë në një situatë kaosi.

Tri ditë pas Korea e Veriut njoftoi shpërthimin e një bombe me hidrogjen, është shpërndarë një tjetër video. Aty shfaqet kreu i shtetit Kim Jong Un duke parë një raketë që del nga uji shoqëruar me komente me tone luftarake. Në video thuhet se lëshimi i raketës dhe pamjet janë të muajit dhjetor 2015 dhe mendohet se testi është kryer afër Sipo, në Detin e Japonisë që lag Korenë e Veriut. Mediat koreanojugore thonë se video është një përpunim pamjesh nga disa teste, por jo një lëshim i suksesshëm nga një nëndetëse.

Me një vendim të datës 23 nëntor të vitit 2015, Ministria e Kulturës ka autorizuar/miratuar projektin e ndërtimit të HEC DRIZA 1 në pellgun ujëmbledhës të përrenjve të Nivicës dhe Gusmarit, në Bashkinë e Tepelenës. Sipas vendimit me numër 241, të Këshillit Kombëtar të Restaurimit, që ka hyrë në fuqi menjëherë, shoqëria duhet të kontribuojë për sistemimin e ambienteve të banesës së Myfit Kaçubajt, Qendër Nivicë, nën mbikëqyrjen e specialistëve të DRKK-së Gjirokastër.

Kryetari i Kontrollit të Lartë të Shtetit, Bujar Leskaj, ka publikuar sot në “Monitor” një analizë për situatën ekonomike të Shqipërisë. Leskaj merr në vështrim disa elementë duke i krahasuar me situatën në Greqi, në momentin kur ky vend po hynte në krizë. Sipas Leskajt, Shqipëria ka ngjashmëri të mëdha në treguesit e vet me krizën greke, çka sinjalizon rrezik jo të vogël për vendin.

Gazeta italiane “Il Fatto Quotidiano” ka publikuar sot një lajm që konsiderohet një skandal që e nxjerr qeverinë e Matteo Renzit qesharake. Sipas kësaj gazeta anëtarët e delegacionit italian që vizitoi Riadin në muajin nëntor të vitit 2015, janë zënë gjatë vizitës, për shkak të ndarjes së dhuratave që pritësit u kishin bërë. Dhuratat për një delegacion prej 50 vetash konsistonin në dy lloje orës me stë cilave edh “Rolex”. Një prej anëtarëve të delegacionit ka pretenduar që t’i jepet edhe atij një “Rolex” dhe që këtu pastaj fillon komedia e situatës.

Tani mbetet vetëm të shihet nëse miliarderi që po i vë përpara të gjithë, e ka çarë ndonjëherë kokën të shohë Hënën. Mirësardhja e shekullit të 21-të, me siguri quhet Trump. 

Zoti e krijoi Evën nga një brinjë e Adamit. Këtë na thotë Bibla, por nëse pranojmë se librat, edhe ata mitologjikë, bazohen në një të vërtetë për ta ekzgjeruar atë, kjo nuk korrespondon me realitetin. Një profesor në Izrael, Ziony Zevit i Biblical Literature & Northëest Semitic Languages në American Jeëish University në Kaliforni,  thotë se është shumë e çuditshme se përse hebrejtë do të kanonizonin një histori që nuk përputhet me asnjë të dhënë. Mashkulli ka po aq brinjë sa edhe femra. Zevit thotë se Zoti e ka krijuar Evën nga baculum, ose kocka e penisit.

“Top-Channel” ka zyrtartizuar sot ndryshimet që përfliteshin prej kohësh.  Përmes një njoftimi të publikuar në faqen online, TCh njofton se në pozicionin e Drejtorit të Përgjithshëm që nga sot do të jetë Presidentja e kompanisë “Top-Media”, Vjollca Hoxha.  “Ky vendim ka ardhur pas largimit të drejtorit të mëparshëm, Enkelejdi Joti, i cili qëndroi në këtë pozicion për më shumë se një dekadë.  Top Channel dhe Top Media falenderojnë zotin Joti për kontributin e tij gjatë kësaj periudhe në pozicionin e drejtorit të përgjithshëm të kompanisë.

I kishte shpëtuar zhurmës së akuzave të pafundme që janë bërë ndaj kësaj qeveri pqër tendera e konçesione, por më në fund ka dalë në sipërfaqe. Ministria e Zhvillimit Urban, drejtuar nga Eglantina Gjermeni raportohet të ketë transferuar në datat 18 dhjetor dhe 31 dhjetor 2015, 517 mijë euro në drejtim të një kompanie të quajtur “Kube Studios”. “Këto kalime fondesh nuk rezultojnë të publikuara në buletinët zyrtarë elektronikë të Agjencisë së Prokurimit Publik. Por në përshkrimin e bërë në thesar, ministria e znj.