Lajme

Ka vdekur në moshën 69 vjeçare, një nga më të njohurit e muzikës rock, David Bowie. Familja e tij ka bërë publik lajmin për vdekjen si pasojë e kancerit që kishte prekur këngëtarin prej 18 muajsh. Bowie lindi në Londër më 8 janar 1947 me emrin e vërtetë David Jones.

Me 2102 orë pune në vit, punonjësit shqiptarë rrinë shumë më tepër në punë se maqedonasit, amerikanët, gjermanët, francezët dhe mesatarja e vendeve të zhvilluara. Sipas Monitot të dhënat e INSTAT (të publikuara në 2015-n, në bazë të një anketimi të kryer në 2013) tregojnë se Shqipëria ka ndër orët më të gjata të punës në botë, me 2102 orë/vit.
Nga të dhëna krahasuese rezulton se kjo normë është më të lartë se mesatarja e vendeve të zhvilluara prej 1,770 orë në vit.

Presidenti Nishani është i shqetësuar për korrupsionin në politikë. Ai ka paralajmëruar një skenar sipas të cilit maxhoranca do të kërkojë të miratojë pa konsensusin e opozitës ndryshimet kushtetuese për Reformën në Drejtësi. Në një intervistë për Panorama Presidenti është shprehur se maxhoranca nuk i ka e vetme votat dhe për këtë arsye reforma mund të miratohet me ‘blerjen’ e votave të disa deputetëve të Kuvendit.

Eksperimentit me Aleksis Tsipras duket se po i vjen fundit. Zhgënjimi i grekëve po i jep kohë opozitës konservatore të ridimensionohet në një kohë të shpejtë.Demokracia e Re ka zgjedhur liderin e ri të saj pas dorëheqjes së ish-kryeministrit Samaras dhe drejtimit provizor të opozitës nga Vangelis Meimarakis. Kryetari i ri i Demokracisë së Re te do të jetë Kyriakos Mitsotakis, djali i ish-kryetarit dhe ish-kryeministrit Konstandinos Mitsotakis.

Mediat ruse njoftojnë riaktivizimin e vullkanit Shiveluch në gadishullin e Kamchatka. Aktiviteti i tij po vjen në rritje dhe kjo ka çuar në spekullimin se mund të ketë një shpërthim të madh. Vullkani u aktivizua ditën e djellë duke nxjerrë një re tymi që arriti 7 km në atmosferë. Vullkani u aktivizua edhe gjatë vitit 2015. 

Situata e brendshme politike në Izrael po shkon drejt tensionimit të vazdhueshëm. Nuk është vetëm çështa palestineze, apo problemi demografik, por adoptimi i tyre si probleme, zgjidhja e të cilave ka sjellë ngurtësimin e qeverisë në pozicione që shihen si jodemokratike. Në një shkrim në të mirënjohurën “Haartez”, nënvizohet se pas formulës së kryeministrit Beniamin Netanjahu: “Unë nuk do të pranojë dy shtete brenda Izraelit”, po kalohet në një situatë që autori Roger Alpher e quan “Luftë e Ftohtë Civile”.  Premisat janë të qarta.

Kohët e fundit po flitet shumë për gjyqtarë të korruptuar në Shqipëri. Për reformë në drejtësi, e për tërmete që do të shkundin nga vendi të keqen që e ka mbërthyer për fyti vendin. Do shpresuar përherë.

Liqeni i dytë më i madh në Bolivi, Poopo, 1000 km2 sipërfaqe ujore, është tharë plotësisht. Humbja kishte nisur një dekadë më parë, kurse më 17 dhjetorin e kaluar u raportua tharja në masën 99.9% të tij. Ai merrte ujë nga lumi Desaguadero i cili rrjedh nga loqeni më i madh i Boliviaë, Titicaca. Poopo ndodhet në lartësinë 3 700 m.

Gjyqtarët e republikës janë vendosur nën shënjestër për shkak të reformës në drejtësi, e cila do të fillojë së pari me një vlerësim të të gjithë trupës gjykuese, por dhe asaj hetimore ekzistuese. Një nga kriteret e verifikimit do të jetë dhe analiza e pasurisë së tyre, ku do të shihet nëse ajo justifikohet.

Pa u shuajtur akoma jehona e parkimit nëntokësor te Parku Rinia, Erion Veliaj njoftoi edhe ndërtimin e një parkimi tjetër publik në zonën ku do të shtrihet Bulevardi i Ri.
“Jemi të vendosur që të ecim me po të njëjtin ritëm edhe gjatë vitit 2016. Ambicia jonë është që brenda këtij viti, ne të kemi filluar punimet e parkingut nëntokësor për 400 makina, në zonën ku Unaza dhe ish-stacioni i Trenit puqet me Bulevardin e Ri. Kemi vendosur për një hapësirë për trenin që do të mbërrijë në Tiranë, si një stacion terminal, por jo si një parking vagonash”, theksoi Veliaj.