Lajme

Presidenti turk, Rexhep Taip Erdoan tha se kamikazi belg Brahim El Bakraui, i vetëvrarë në sulmet kamikaze në Bruksel është deportuar nga Turqia në korrik të vitit 2015, pas arrestimit, në qershor të 2015.  Autoritetet turke kishin paralajmëruar ato belge se ai ishte militant islamik.  Megjithatë, El Bakraoui ishte lënë i lirë nga autoritetet belge, pasi nuk ishin zbuluar lidhje me terrorizmin.  Erdoan tha se “Belgjika shpërfilli paralajmërimit e Ankarasë”.  Me kërkesë të tij, El Bakraui u kthye më pas  në Holandë.

Qeveria shqiptare ka zyrtarizuar shitjen e kompanisë “INSIG” duke njohur si fituese ofertën e kompanisë “Eurosig”. Përmes një vendim, marrë në mbledhjen e sotme të Këshillit të Ministrave është miratuar “procedura e tenderimit për shitjen e paketës së aksioneve prej 100 për qind, të zotëruara nga shteti në shoqërinë “INSIG”, sh.a., Tiranë, dhe shpalljen fitues të tenderit shoqërinë “EUROSIG”, sh.a”. Po kështu vendimi rregullon edhe kryerjen e pagesës e cila duhet kryer “brenda 30 (tridhjetë) ditëve nga data e lëshimit të autorizimit nga Ministria e Financave”.

Një ekip i universitetit të Ilinoisit pretendon se ka arritur të krijojnë kushtet për transmetim shumë të shpejtë të dhënash dhe pa gabime. Bëhet fjalë për 57 gigabit për sekondë në temperaturë dhome dhe 50 gogabit/sekondë deri në temratura 85 gradë Celcius. Ekipi i drejtuar nga profesoir i inxhinierisë kompjuterike Miton Feng është bazuar dhe ka shfrytëzuar tekonologjinë VCSEL – apo vertical-cavity surface-emitting laser, e cila konsiston në gjysmëpërçues lazer që emetojnë rreze drite vertikalisht nga sipërfaqja.

Publicisti Kastriot Myftaraj, i njohur për qëndrimet e tij anti-islamike, bën thirrje në një shkrim të fundit të tij, publikuar në profilin e vet në Facebook, për një gijotinë në sheshin “Skënderbej”. Arsye sipas tij është pranimi i muxhahedinëve, rreziku që ata paraqesin për stabilitetin dhe fakti se elita politike shqiptare po luan me fatet e vendit. “Një shekull më parë, disa mijëra boshnjakë të strehuar në Shqipërinë e Mesme si refugjatë lufte, u bënë bërthama e kryengritjes islamike të Haxhi Qamilit.

Para disa ditësh ministri i Jashtëm i Shqipërisë, Ditmir Bushati, zhvilloi një vizitë në Greqi, të cilën disa media u përpoqën ta trajtonin si shteruese në pikëpamje të diskutimit të çështjeve mes të dyja vendeve. Bushati, që është shkolluar në Greqi, i hapi rrugën një njoftimi zyrtar shumë të thatë, për të lënë mediat që të informonin me “burime” suksesin e vizitës. Zbardhja e konferencës për shtyp mes tij dhe homologut grek, Kotzias, nga Ministria e Jashtme e Greqisë, hodhi dritë mbi faktin se në takime ishte folur për të gjitha çështjet.

Ministri i Brendshëm, Sajmir Tahiri, ka raportuar sot para Komisionit Parlamentar të Sigurisë, ku është diskutuar për situatën me refugjatët sirianë që parashikohet të hyjnë në vendin tonë. Edhe njëherë tjetër, ministri ka preferuar të japë garanci absolute, teksa ka deklaruar se “jemi të përgatitur përr çdo lloj emergjence”. “Jemi në bisedime me partnerët për plane të përbashkëta të përballimit të emergjencës. Shqetësim ka qenë evitimi i rrjeteve të trafikimit të qenieve njerëzore.

Komisioni i posaçëm për reformën në Drejtësi ka hartuar një draft të pëlqyer si nga maxhoranca dhe nga opozita për të vendosur Byronë Kombëtare të Hetimit në varësi të Prokurorisë. Në mbledhjen me dyer të mbyllura, është arritur marrëveshja, për Njësinë Antikorrupsion që do të luajë rolin e FBI-së. Në këtë mënyrë Partia Socialiste tërhiqet nga drafti i ardhur nga Qeveria, sipas të cilit Byroja Kombëtare e Hetimit do të ishte në varësi të Ministrisë së Brendshme.

Tri vite pasi qeveria “Berisha” hodhi idenë e dhënies me qira të monumenteve të kulturës, duke hasur një kundërshtim të fortë të shoqërisë civile dhe specialistëve të fushës, Ministria e Kulturës e qeverisë “Rama” i është rikthyer kwsaj ideje.

TAP do të bëjë të mundur trasnportimin e 10 miliardë metër kub gaz nga Azerbajxhani për t’u shpërndarë më pas në Europë e më tej në Gjeorgji dhe Turqi. Sipas zëvendëspresidentit tw Komisionit Europian për Energjinë Maros Sefcovic, ndërtimi i TAP do të nisë në tremujorin e tretë të këitj viti, ndërsa sasia e parë e gazit nga Kaspiku për në BE do të mund të mbërrijë në 2020-ën. TAP do të investojë 5.6 miliardë euro gjatë pesë viteve të ardhshme, nga të cilat rreth 2.3 miliardë euro do t’i shkojnë direkt Greqisë.

Identifikohen 3 atentatorët e sulmeve në Bruksel. Personi me kapele që është në arrati, i kërkuar si i lidhur me kamikazët e sulmeve të djeshme në Bruksel, është një nga pjesëtarët e celulës së terroristëve që sulmuan Parisin disa muaj më parë. Sipas hetuesve belg, ai është një nga artizanët që përgatitën bombat për sulmet në Paris. Dje ai nuk dihet për çfarë arsye e braktisi misionin vetëvrasës dhe tani është në arrati.
Dy kamikazët e tjerë që sulmuan aeroportin janë vëllezër. Ata janë identifkuar si Khalid dhe Brahim el-Bekraoui, jo të panjohur për autoritetet.