Lajme

Nisur nga publikimi i një video që tregonte se në disa qendra u votua më shumë se një herë nga i njëjti person në referendumin e Partisë Socialiste, deputeti Ben Blushi u kujtoi socialistëve grevën e urisë në 2009-ën për hapjen e kutive duke thënë se janë po ata që kanë mbushur kutitë këtë radhë për të shpallur Edi ramën fitues të referendumit. “Ka ardhur koha që ata që i kërkuan Saliut hapjen e kutive dhe shkuan në grevë urie. kanë bërë të njëjtën gjë, kanë mbushur kutitë si Saliu.

Lëviz tregu në Tiranë, lëviz edhe në qytete të tjera. Bëhet parkimi me pagesë në Tiranë, pak javë më pas e njëjta gjë ndodh edhe në qytete të tjera. Rritet çmimi i ujit në Tiranë, kjo gjë me siguri do të ndodhë edhe në qytete të tjera të Shqipërisë, siç ndodhi së fundmi në Sarandë. Kjo pa asnjë nevojë konkrete dhe reale, thjesht sepse Tirana është modeli që socialisti i modës, Erjon Veliaj, imituues i verbër dhe profesionist i Edi Ramës, rrezaton edhe në mendjet e kryetarëve të bashkive socialiste nëpër Shqipëri.

Bashkia e Tiranës përsëriti dje ritualin e shpalljes publike të suksesit të një pune të re: restaurimi i Kullës së Sahatit, simbol i Tiranës. Mirëpo pas kësaj pune është ngritur një shqetësim për cilësinë e punës së bërë. Në një deklaratë të Forumit për Mbrojtjen e Trashëgimisë Kulturore thuhet se restaurimi është skandaloz, nisur nga përdorimi i një boje plastike të bardhë, ndërkohë që 6 vjet më parë siç shkruan Forumi, Kulla u restaurua me një fond të ambasadës amerikane.

Ish-kryeministri Pandeli Majko, i njeh dobësitë dhe gabimet e qeverisë socialiste gjatë këtij 3-vjeçari dhe këto shqetësime i përjeton në mënyrën e tij, madje së fundmi nuk nguron t’i thotë edhe publikisht. Për referendumin Majko ka këtë mendim:”Nuk e shoh PS-në si kulmin e një partie perëndimore, edhe ne kemi probleme. Ne kishim një boshllëk disa vjeçar të mosfunksionimit të statutit dhe ky referendum ishte i nevojshëm edhe për këtë. Ishte për vakumin e shkeljeve. Ka qenë një histori absolutisht perfekte, por si frymë..”

China Everbright është kompania që po negocion për të blerë Tirana International Airport (TIA), që menaxhon me koncesion Aeroportin “Nënë Tereza” të Rinasit. Emri i kompanisë është konfirmuar për Monitor nga Drejtori i Përgjithshëm Ekzekutiv i TIA, Z. Rolf Castro-Vasquez. Ai pohon se është kompania mëmë e TIA që po zhvillon negociatat dhe në shitje është vetëm biznesi në Shqipëri. Ishte një moment i mirë për të shitur dhe kishte kërkesa, ndaj kompania mëmë vendosi të hyjë në negociata për shitje.

Oliver Jens Shmitt, historiani zviceran  që hapi shumë polemika me botimin me  për Skëndërbeun, vjen me një konstatim për Shqipërinë e sotme, të cilën e sheh të lidhur ngushtë me enverizmin jo vetëm tek brezi i vjetër, por si një traumë që po u përcillet edhe brezave të rinj. Në një shkrim përkujtimor për studiuesin Ardian Klosi, dhe duke iu referuar disa studimeeve  Schmitt thotë se ka një përpjekje për të rehabilituar figurën e ish-diktatorit. “Fakt është se barra e traumës së Enverizmit ka mbetur e papërpunuar deri më sot.

"Yandex", "Google" i Rusisë ka realizuar një infografik shumë interesant dhe të dobishëm me rastin e 55-vjetorit të fluturimit të parë të njeriut në hapësirë, që u realizua nga Yuri Gagarin. Kompania deklaroi se të dhënat janë marrë nga "Roscosmos". https://www.yandex.ru/?cover=gagarin

Elon Musk ia doli me sukses në provën e pestë. Kompania e tij “SpaceX” arriti të kryejë ulje në një platformë robotike në oqean të raketës “Falcon 9”, e cila u lëshuannë hapësirë më 8 prill nga Cape Canaveral në Florida. Manovra, saktësia dhe koha e kryerjes pas kthimit ng hapësira, janë një provë se kompania e Musk po bën histori dhr po ecën shpejt drejt objektivave që për momentin duken futuriste, në mos më tepër. Disa foto nga momenti i uljes së raketës, të cilat janë realizuar prej saj:

Astrofizikani i njohur Stephen Hawking dhe miliarderi Yuri Milner kanë prezantuar një plan radikal për të çuar në sistemin më të afërt me sistemin tonë diellor, Alpha Centauri, disa anije shumë të vogla kozmike. Sipas projektit anijet do të jenë në sistemin në fjalë, larg Tokës 4 vite dritë larg, brenda këtij brezi, pasi shpresohet që anijet kozmike në fjalë do të udhëtojnë me shpejtësi sa 1/5 e shpejtësisë së dritës, ose diku te 60 mijë km/sek.