Lajme

Gjykata e Arbitrazhit në hagë ka rrëzuar pretendimet e Kinës për të drejta ekonomike në hapësirat e detit të Kinës Jugore. Vendimi po vlerësohet si fitore e Filipineve, një aleate e ngushtë e SHBA-ve. “Nuk ka bazë ligjore që Kina të shpallë të drejta historike”, deklaroi gjykata. Zona për të cilën flitet është një rrugë kalimi detar në të cilën lëviz përmes anijeve një volum tregëtar prej 5 trilionë dollarë. Vendimi përmban 497 faqe dhe cilëson se patrullat kineze kanë rrezikuar përplasjen me anijet e peshkimit filipineze dhe kanë provokuar dëme të pariparueshme në shkëmbinjtë koralorë.

Me futjen në fuqi të normave të reja të ndotjes, 80 për qind e automjeteve ekzistuese në Shqipëri nuk e kalojnë testin e kolaudimit. Këtë deklaratë e bëri dje në mbledhjen e Komisionit të Jashtëm, shefja e sektorit në Ministrinë e Mjedisit, Laureta Dibra.

Partia Demokrtatike beson se një paketë që do të ulë kostot e prodhimit, është nxitja që i duhet ekonomisë për t'u rigjallëruar. Këtë e deklaroi kreu i PD-së gjatë një bashkëbisedimi me punëtorë të një fabrike prodhimi. "Për biznesin në tërësi ne kemi një paketë taksash, taksë e sheshtë 9%, kontributi shoqëror 18%. Por për prodhimin në veçanti na duhet një paketë e veçantë që të ulë koston e prodhimit, që ka të bëjë me energjinë elektrike, me çmimin e naftës, ka të bëjë me TVSH-në për lëndën e parë dhe me aspekte të tjera që ne po i diskutojmë"-theksoi Basha.

Gjigandi i kërkimit në internet, Google denoncon qeverinë amerikane se ndërmerr pothuajse 4 mijë sulme kibernetike në ditë, duke cënuar privatësinë dhe konfidencialitetin e informacionit që përpunojnë klientët e saj. Duke folur më kongresin e organizuar nga revista Fortune në Colorado, zv/presidentja Dian Green bëri publike edhe shifrën e sulmeve të dedektuara nga sistemet e sigurisë së Google.
Për këtë kërcënim kibernetik zv/presidentja e Google tha se kompania ka nisur të informojë klientët e saj, praktikë që e ka ndjekur më pas edhe Microsoft.

Italia do të rikthehet në nivelet ekonomike të vitit 2007, diku nga mesi i viteve 2020. Ky është një parashikim i Fondit Monetar Ndërkombëtar, sipas të cilit Italia do të vuajë pasojat e një sistemi të dobët bankar dhe vonesës në adresimin këtë problem. Italia është e ekspozuar edhe nga rënia e tregëtisë botërore, Brexit apo fluksi i refugjatëve. Vëmendja drejt Italisë është përqendruar menjëherë pas votës pro të britanikëve për të dalë nga Bashkimi Europian, ndonëse rreziqet ishin konstatuar me kohë.

Letër e Hapur

Drejtuar : Kryeministrit dhe Kryetarit të Partisë Socialiste, Z. Edi Rama.

Per Dijeni: Anëtareve të Grupit Parlamentar të Partisë Socialiste të Shqipërisë.

Përshëndetje Kryeministër,

E vlerësoj faktin që më kishit marrë në telefon sot tre herë dhe më kishit dërguar një sms ku shprehnit interesimin tuaj për shëndetin tim, por njëkohësisht më shqetëson fakti përse ky interesim nga ana juaj pikërisht tani pas tre vjetësh refuzimesh të më dëgjonit e të më respektonit për atë që isha dhe për atë që bëja.

Qeveria, apo më saktë ministri i Brendshëm i saj, sulmuan për ditë tëra konçesionarin e Rinasit, për arsye të mungesës së sigurisë. Tani që ngjarjes së grabitjes i humbi tempi mediatik edhe sulmet ranë. Ndërkohë nëse ka një arsye për të cilën TIA duhet sulmuar janë çmimet e larta që aplikon e për të cilat qeveria nuk e vë ujin në zjarr. Është e vërtetë që ekzekutivi i tanishëm nuk ka përgjegjësi për komtratën, por për zgjatjen e saj po dhe përmbajtja e kontratës së re, publikuar në Fletoren Zyrtare, është zhgënjyese.

Kjo foto, në kuadër të protestave në SHBA kundër dhunës policore është kthyer në një lloj ikone për protestën. 

Theresa May do të jetë kryeministra e Britanisë së Madhe dhe do të drejtojë procesin e daljes së vendit nga Bashkimi Europian. May erdhi në qendër si kandidaturë pas tërheqjes së papritur të Andrea Leasdom që u kritikua pasi deklaroi se ishte më e kualifikuar për pozicionin e kryeministirt sepse kishte fëmijë. Leadsom mban pozicionin e ministres së Energjisë dhe u mendua të pasonte David Cameron që dorëhiqet të mërkurën.