Lajme

Top-Channel ka publikuar sot draft-propozimin e Partisë Demokratike për sa i përket vettingut. Meqenëse është bërë e njohur tashmë se ideja e PD-së konsiston në administrimin e një procesi nga një komision ad hoc, me rol të Gjykatës Kushtetuese dhe Avokatit të Popullit, meriton vëmendje, propozimi për rolin që i jepet Operacionit Ndërkombëtar të Monitorimit. Sipas këtij dokumenti sugjerohet që: “Vëzhgues nga ONM-ja kanë të drejtë të marrin pjesë në seancat e shqyrtimit të kandidatëve pa asnjë kufizim.

Bashkimi Europian ka dale me një deklaratë të fortë kundër Partisë Demokratike dhe qëndrimit të saj për propozimin e fundit amerikan për reformën në drejtësi. Në një deklaratë me shkrim ku shpreh keqardhjen që lidershipi i Partisë Demokratike e refuzoi propozimin për kompromis, BE thotë se besueshmëria e reformës në drejtësi varet përgjithësisht nga besueshmëria e vetingut të gjyqtarëve dhe prokurorëve. Sipas saj për ta garantuar këtë, një rol i kufizuar specifik i komunitetit ndërkombëtar përmes Operacionit Ndërkombëtar Monitorues është thelbësor.

Kompania e ndërtimit "Gener 2" sh.p.k e cila po ndërton kompleksin e pallateve te diga e liqenit artificial, ka fituar gjyqin në Gjykatën Administrative. Shqiptarja.com raporton se treshja gjykuese e kryesuar nga gjyqtarja Enkelejda Softa, kanë vendosur të lënë në fuqi vendimin e Gjykatës së Shkallës së Parë administrative, që i jep të drejt kompanisë së ndërtimit për të vazhduar punimet.

"Vdiq si bos, pa thënë asnjë fjalë më shumë se ato që  do të thoshte një kokë e mafias", shkruan gazeta italiane “La Stampa” për Bernardo Provenzano-n,  kapon e Cosa Nostra-s që ndërroi jetënë në spitalin e Milanos, ku ishte shtruar pas problemeve të rënda shëndetësore.

I lindur më 31 janar 1933, Provenzano e filloi aktivitetin mafioz në 1963 i njohur me nofkën ‘Kumbari” dhe për 43 vjet qëndroi i fshehur deri në 2006 ku u kap shumë afër shtëpisë së tij në Corleone të Siçilisë. Bernardo Provenzano ishte krahu i djathtë i Toto Rinës dhe njihej për karakterin e tij të dhunshëm.

Partia Demokratike e refuzoi propozimin hibrid të hedhur nga Victoria Nuland, në një lëvizje që përcakton ecurinë e mëtejshme të zhvillimeve politike. Kryeministri Edi Rama e ka cilësuar refuzimin si tallje me shqiptarët dhe goditje të marrëdhënieve me partnerët stratgjikë. “Nuk më vjen i papritur ky refuzim i radhës për propozimin e ardhur nga SHBA dhe BE, nga Victoria Nuland, sepse përgjatë një viti e gjysëm të procesit të hartimit të draftit të reformës në drejtësi, PD i ka dhënë me të gjitha mënyrat sinjalet, se nuk e do reformën në drejtësi.

Kush lejohet të shkojë për vizitë tek trupat e Bundeswehr-it në bazën e NATO-s Inçirlik dhe kush jo? Për Presidentin turk, Rexhep Tajip Erdogan kjo nuk diskutohet. Baza ajrore, e cila luan një rol të rëndësishëm në luftën ndërkombëtare kundër "Shtetit Islamik" (IS), është pronë e Forcave Ajrore Turke dhe gjendet në Turqi. Prej kësaj Erdogani pretendon të drejtën sovrane që të lejojë apo refuzojë hyrjen e vizitorëve si t’i shkojë atij për shtat.

Propozimi i PD-së kërkon përjashtimin e ndërkombëtarëve nga vetingu i gjyqtarëve dhe prokurorëve. Komisioni i përbërë nga tre kategori pozicionesh në strukturat e Vetting–ut: a) Komisionerët, b) Komisionerët Publikë dhe c) gjyqtarët e Dhomës së Apelit zgjidhet politikisht dhe është ai që përjashton kandidatët. Amerikanët propozuan që të marrin ata dhe jo europianët në dorë drejtimin e Komisionit Ndërkombëtar të Vetingut. Propozimi i PD-së është bërë dje. Por ai bie në kundërshtim me atë që kërkojnë ndërkombëtarët dhe draftin aktual në tryezën e komisionit të reformës.

Kur u duk se ishte gjetur formula e artë për konsensusin e reformës në drejtësi dhe pritej fjala e fundit nga Partis Demokratike, amerikanët të angazhuar fort në negociata duket se kanë marrë një tjetër zhgënjim. Të paktën ambasadori amerikan Donald Lu që në një reagim ka shprehur zhgënjimin për përgjigjen e marrë nga PD lidhur me propozimin e Nuland.

Emri i greko-amerikanit James Stavridis është përfshirë së fundmi në listën e të zgjedhurve të Hillary Clinton për zv/president i Shteteve të Bashkuara të Amerikës. Stavridis ka shërbyer si komandant i Forcave të NATO-s në Europë (SACEUR) dhe që prej vitit 2013 mban postin e Rektorit e Shkollës Juridike dhe Diplomacisë në Universitetin e Tufts
Konsiderohet si një kuadrove më të përgatitur të ushtrisë amerikane, pasi për 4 vjet mbajti komandën e NATO-s gjatë misioneve të Aleancës në Lindjen e Mesme, Afganistan, Libi, Siri, brigjet Afrikane dhe vendet e Ballkanit.