Lajme

Autoriteti i Mbikëqyrjes Financiare ka kërkuar nga kompanitë e sigurimeve të anulojnë vendimin për rritjen e tarifave të sigurimit për automjetet. Ky është qëndrimi i tretë i kësaj agjencie, pasi ditën e parë u dol me qëndrimin se tregu vetërregullohet. Mandej Autoriteti deklaroi se do të analizonte atë që po ndodhte dhe sot del me kërkesën për ulje.

Policia Rrugore gjatë një aksioni për heqjen e makinave ma karrotrec, në zonën pranë Zyrave të Regjistrimit të Pasurive në Tiranë, është konfliktuar me një qytetar, të cilin e kanë fyer dhe shtyrë, pasi ai kërkonte të merrte mjetin. Sipas Kodit Rrugor drejtuesit të mjetit i vendoset gjobë për parkim të gabuar, por i jepet e drejta ta largonte vetë mjetin përderisa ishte i pranishëm.

Në konferencën e vet përmes mediave sociale, Edi Rama, kryeministër i vendit, është pyetur edhe për të ardhmen e koalicionit PS-LSI. Edi Rama nuk ka gjetur dot një përgjigje më të mirë sesa kjo alibi që e bën ripërsëritjen e marrëveshjes 50 me 50.

PPartia Demokratike nuk do të bojkotojë seancën e sotme plenare ku do të diskutohet dhe votohet projektligji për vettingun. Seanca është paraprirë nga një konferencë e kryeministrit, zhvilluar në mediat sociale, përmes së cilës, Edi Rama, ka deklaruar se ligjet do të votohen edhe pa konsensusin e PD-së. Nga konsensusi si kushtëzim ka hequr dorë edhe LSI-ja e cila luajti rol thelbësor gjatë miratimit të ndryshimeve kushtetuese. Gjithsesi PD-ja do të jetë në seancë dhe kjo është bërë e ditur pas mbledhjes së Grupit Parlamentar të saj.

Myrvete Duka ishte viktima e parë e Landfillit të Sharrës. Ajo ka ndërruar jetë më 26 nëntor të vitit 2015 pasi u godit aksidentalisht nga një automjet që punonte në landfill. Tema tv ka biseduar këtë të hënë me familjarët e 46-vjeçares të cilët kanë treguar sesi ka ndodhur ngjarja tragjike.
Myrvete Duka, nënë e katër fëmijëve humbi tragjikisht jetën më 26 nëntor të vitit 2015 teksa punonte në Landfillin e Sharrës.

Ajo u godit aksidentalisht nga një automjet dhe për pasojë ka gjetur vdekjen e menjehershme.

http://news.nationalgeographic.com/2016/08/norway-reindeer-lightning-wea...

"Myrvetja 40 vjeçare", kështu e quan Tema Tv, gruan që humbi jetën në Sharrë. Një intervistë me familjen e saj transmetohet nesër e që zbardh një ngjarje që vetëm këtë heshtje nuk meriton.

Gazetari Tim Judah ka qenë sot në Tragjas të Vlorës në shoqërinë e ministrit të Brendshëm, Sajmir Tahiri, me të cilin ka vëzhguar asgjësimin e 2 500 rrënjëve kanabis. Ministri e ka shpërndarë këtë foto suksesi në Facebook, duke i bërë vetes qokën e radhës. Paralelisht vetëm sot në Memaliaj u njoftua asgjësimi i 13 mijë rrënjëve, ndërkohë që para disa ditësh lajmi e çonte hashashin dhe kultivuesit në Skrapar.