Lajme

Sot Vatikani shenjtëron Nënë Terezën për veprën e saj të bamirësisë në Kalkuta. Edhe Papa Françesku në fjalët e tij përmendi veprën e bamirëses në Indi dhe mesazhin e veprës së saj. Në nderim të origjinës së saj Vatikani i la vend edhe gjuhës shqipe në ceremonitë e veta, duke njohur kështu rëndësinë e origjinës së Terezës. Mirëpo shenjtërimi duhet ta pranojmë se lidhet me veprën dhe ato që Kisha Katolike i quan mrekulli. Pra vepra e njeriut në këtë rast ka rëndësi thelbësore, kurse origjina është një hollësi.

Vendimi I Bashkimit Evropian që kompania Apple t’i paguajë 13 miliardë euro Irlandës detyrime taksash të prapambetura sipas Presidentit të Komisionit Europian, Zhan Klod Junker nuk është një vendim kundër Shteteve të Bashkuara, por bazohet në të dhëna dhe rregulla mbi të cilat operon ky shërbim në vendet e BE-së. Junker tha në takimin e G20 se Apple u favorizua ndjeshëm nga Dublimi në sistemin e taksave dhe se kjo çështje nuk mund të përdorej kundër Shteteve të Bashkuara.

E lindur në Maqedoni si Anjezë Gonxhe Bojaxhiu nga prindër shqiptarë, Nënë Tereza ushtroi aktivitetin e vet bamirës në Indi. Kisha Katolike i njeh dy mrekulli dhe një vit më parë e lumturoi. Një figurë kontroverse dhe ndaj së cilës nuk mungojnë kritikat, Tereza, hyn sot në listën e shenjtorëve. Papa Françesku drejtoi meshën në Shën Pjetër ku merrnin pjesë 100 mije besimtarë.

Shqiptarja Gonxhe Bojaxhiu, e njohur ndryshe si Nënë Tereza është shpallur shenjtore në Vatikan nga Ati i Shenjtë Papa Francesku. “Me gjak, unë jam shqiptare. Me shtetësi, jam Indiane. Me besim, unë jam një murgeshë Katolike. Sipas profesionit tim, unë i përkas botës. Për nga zemra ime, unë i përkas plotësisht Zemrës së Jezusit”,- ishin fjalet e saj.

Shenjtërimi i saj u bë gjatë një ceremonie në sheshin "San Pietro" në Vatikan. Data 4 do të shënohet në kalendarin Apostolik si Dita e Shenjtores, Nënë Tereza e Kalkutës.

Planeti xhuxh, apo asteroidi që ndodhet në sistemin tonë diellor, Ceres, duket se ka qenë gjeologjikisht aktiv deri vonë. Para disa kohësh u vunë re disa forma të ngritura në reliev që nuk dihet se çfarë ishin. Sot shkencëtarët në NASA mendojnë se ato janë pasojë e krio-vullkaneve, apo vullknaeve akullnajorë. Këta krijohen nga shpërthimi i elementëve të tillë si uji, amoniaku apo metani, të cilë ngrijnë sapo bien në kontakt me temperatura të ulëta për të krijuar profile gjeologjike në sipërfaqe.

“EuObserver” shkruan sot për një raport vjetor të shërbimit sekret çek duke u përqendruar të evidentimi i atij që quhet: kërcënimi rus. Shërbimi çek BIS vlerëson se aktivitetet e kinezëve dhe rusëve në këtë vend anëtar të BE-së, zënë vendin kryesor mes të huajve, duke veçuar këtu rusët.

Gazmend Oketa, një nga drejtuesit e Frymës së Re Demokratike dhe ish-ministër në qeverinë e Sali Berishës ka dhënë sot një intervistë “Gazeta Shqiptare” ku ndërntë tjera përcjell edhe disa komente për reformën në drejtësi. Duke qenë se politika i mohoi qytetarëve një debat real mbi reformën, për t’u zhytur e gjitha në manovrat për përfitim, një vlerësim në distancë ka rëndësinë e vet. Dhe probleme kjo reformë ka jo pak.

Nafta nuk është e ardhmja. Në funksion të kësaj perspektive, edhe një vend si Arabia Saudite, që është prodhuesi kryesor i naftës, po rishikon të gjitha objektivat. Pak kohë më parë u bë publik fakto se Riadi zyrtar krijoi një fond sovran prej 2 trilionë dollarë për të neutralizuar varësinë ekonomike nga nafta, shoqërua kjo edhe me masa të tjera fiskale.

Autoritet amerikane kane publikuar disa dokumente ne lidhje me hetimet e kryera per përdorimin e adresës private te postes elektronike nga kandidatja demokratike Hilari Klinton, ne kohen kur ajo shërbente si sekretare e shtetit. 58 faqet e publikuara përfshijnë intervistat per emërimin presidencial te Klintonit nga demokratet, si edhe detaje te tjera per serverin e saj privat ne rezidencën ne Nju Jork. Ne muajin korrik, FBI-ja i dha fund nje hetimi te gjate 1-vjeçar per te verifikuar nese ish-sekretarja amerikane e shtetit kishte shkelur ligjin me përdorimin e serverit privat.

Shqipëria është një ndër vendet e Ballkanit Perëndimor nën influencën amerikane dhe kjo kushtëzon në një fare mënyre edhe kursin e politikës së jashtme. Megjithatë protagonizmi i diplomacisë shqiptare k mbërritur deri në atë pikë sa t'i tregojë Europës kërcënimin rus. është ministri i Jashtëm, Ditmir Bushati që paralajmëron Perëndimin për rrezikun që sipas tij mund të çojë në destabilizimin e rajonit.