Lajme

Pesidenti amerikan Donald Trump i ka dhënë një intervistë Bill O’Reilly për Fox News. Pjesë të intervistës që jepet sot janë publikuar online dhe aty shfaqet presidenti amerikan që thotë se e respekton presidenti rus, “pasi ai është lideri kryesor i vendit të vet”. Trump thotë se nëse ne bashkëpunojmë me Rusinë kundër ISIS dhe terrorizmit islamik, atëherë kjo do të ishte shumë mirë, por ai nuk dha garanci nëse do të gjente gjuhën përherë me Putin. I pyetur nëse ai e respekton Putin që është “një vrasës”, Trump tha se “ka shumë vrasës. Mendoni se vendi ynë është kaq i pafajshëm?”.

Brenda këtij viti hotelet shqiptare do të klasifikohen me yje, por jo sipas dëshirës së pronarëve por referuar standardeve europiane. Tashmë ka nisur procesi i vetdeklarimit të këtyre hoteleve e më pas do të bëhët çertifikimi i tyre. Zak Topuzi, Kryetar i Shoqatës së Hotelerisë rrëfen ecurinë e procesit, problematikat që hasin dhe nevojën për politika lehtësuse nga shteti për industrinë e turizimit.

George Ivanov, presidenti i Maqedonisë, ka shkelur Kushtetutën kur ka mandatuar Nikolla Gruevskin për krijimin e qeverisë. Kjo sepse Kushtetuta maqedonase nuk flet për parti fituese, por parti që kanë shumicë, pra provojnë se kanë 61 mandate. Në këtë kuptim Ivanov ka luajtur në sintoni më Gruevskin, që u gjet i bllokuar nga ndërhyrja amerikane. Por Kushtetuta maqedonase nuk e ka si dispozitë të rregulluar interpretimin zyrtar të Kushtetutës për aktet e Presidentit, diçka që nuk ja njeh as Gjykatës Kushtetuese.

Muri në veri të qytetit është prishur sot duke i dhënë fund një ndarjeje artificiale. Prishja e murit u bë pas marrëveshjes mes Serbisë dhe Kosovës.

Gjykata e Apelit në SHBA ia ka rrëzuar kërkesën Presidentit Donald Trump për zhbërjen e vendimit të një gjykate federale, e cila “ngriu” urdhrin e Trump për revokimin e vizave për 7 vende myslimane.
Kështu, gjyqtari James Robart i Uashingtonit e pezulloi përkohësisht udhrin e Presidentit javën që shkoi, pas situatës kaotike të krijuar në vend për revokimin e vizave. Trump e cilësoi gjykatësin si qesharak. Pas kësaj, Shtëpia e Bardhë apeloi vendimin, por Gjykata e Apelit në San Franciso ia rrëzoi kërkesën Shtëpisë së Bardhë.

Kryeministri i Rumanisë Sorin Gkrinteanou njoftoi tërheqjen e dekretit të diskutueshëm mbi amnbistinë e korrupsionit, i cili çoi në protesta masive në vend. “Do të thërras një mbledhje të jashtëzakonshme për ta anulluar, shfuqizuar apo gjetur një zgjidhje legjitime në mënyrë që ai dekret të mos zbatohet”-deklaroi kreu  i qeverisë rumune duke shtuar se se nuk dëshiron të "ndajë Rumaninë".

Kryebashkiaku i Tiranës po kapërcen çdo kufi në funksion të manipulimit me rolin e modelit të ri në politikë, që i ngjan njeriut të ri apo heroit të dikurshëm të socrealizmit. Është i aftë të inskenojë deri në detaj regjinë e shërbëtorit të popullit që nuk ndalet para asnjë vështirësie, as natyrore madje. Në aktivitetin e radhës në Zallbastar u shfaq duke inspektuar punimet e një ure, duke folur me inxhinierët dhe më pas me popullin, ndonëse shiu binte litar.

I është hequr mandati nga Komisioni Qëndror i Zgjedhjeve dhe është shkarkuar nga kryeministri, e  megjithatë ish-kryebashkiaku i Kavajës, Elvis Rroshi  është ende trënfadili i Kavajës për Partinë Socialiste. Kjo e fundit e njeh ende si kryebashkiak edhe pse ligji i dekriminalizimit i hoqi të drejtën për të ushtruar funksione publike.

Kancelarja gjermane Angela Merkel ka deklaruar se pas Samitit të Romës që mbahet muajin e ardhshëm mund të adoptohet një udhëzues i ri për atë që ajo e quajti “Europa e shpejtësive të ndryshme”. Në 60 vjetorin e Bashkimit Europian, liderët e 27 vendeve do të përpiqen të shpallin një dokument për periudhën post-Brexit, i cili duhet të rregullojë standardet e integrimit, aderimin në të njëjtën monedhë, duke lënë hapësirë për vendime të alternuara nga secili vend.

Kryetari i Kuvendit të Kosovës, Kadri Veseli, shkruan në profilin e vet në Facebook se krijimi i ushtrisë së Kosovës është çështje kohe tashmë. Ai ndodhet në ShBA ku ka vizituar Pentagonin, prej nga ku edhe njofton transformimin e Forcës së Sigurisë së Kosovës në ushtri të vërtetë me detyrat kushtetuese që burojnë prej saj.